ORANJESTAD- E bishitantenan miembro di Quota International di diferente paisnan miembro di Districto 42 a bishita nos isla cu a yega un par di dia tempran a haya e chens pa bishita 2 diferente proyecto den cual Quota International of Aruba ta participa aden.
E prome lugar cu nan a bishita tabata Scol Scucha Nos. Aki nan a sera conoci di serca cu e scol y e studiantenan sordo/mudo cu pa varios aña ta ricibi e sosten di Quota.
E bishitantenan a keda hopi sorprendi di tur e bon trabounan cu ta haci pa e studiantenan aki na e scol. Sr. Wim Willemse, director di Scol Scucha Nos a duna un splicacion na e invitadonan di tur locual cu ta haci pa nan y nan logronan.
E di dos lugar cu a bishita cu e miembronan di Districto 42 tabata e oficina di FEPO cu ta e fundacion di esnan cu problema di oido y aki dr. Van Heyningen y representante di With Gele Kruis a duna un splicacion amplio di e proyecto di Neo natale hearing test cu ya ta andando desde februari 2007 pero cu ta un soño cu Quota International a empeña pa varios aña caba y cu awor den cooperacion cu Wit Gele Kruis y algun patrosinadornan valioso di comunidad esaki a bira realidad.
Aruba ta un di e prome paisnan den e region caminda cu ta haci e test aki algun dia despues cu e baby nace.
Riba e foto por mira momento cu e bishitantenan acompaña pa miembronan di Quota Aruba ta na Scol Scucha Nos y na FEPO.

ORANJESTAD- Recientemente un grupo grandi di miembronan di Quota International di diferente paisnan miembro di Districto 42 a bishita nos isla na unda a tene e Conferencia Annual di Districto 42.
Durante e 4 dianan e miembronan di Quota di tanto Hulanda, Suriname, Curacao, St. Maarten, St. Eustatius y Aruba a reuni encuanto di nan programa pa 2008-2009 y tambe a atende asuntonan general di e clubnan cu ta cai bou di Districto 42.
Otro dignitarionan di Quota International tambe tabata presente. E South Area Director procedente di Louisana, Merca, sra.Gwen Jackson bou di cual e districto 42 ta cai tabata presente.
Presidente di e club na Savanah Georgia, Merca tambe a bin Aruba hunto cu otro miembro di e club pa asina extende invitacion pa e miembronan por bai un otro reunion cu ta bai tin na luna di November proximo na Merca.
Tur e participantenan a keda sumamente satisfecho cu e conferencia y a keda impresiona con excelente e trato y organizacion a bai. Sra. Marja Gordijn e gobernadora saliente di Districto 42 tabatin palabranan di elogio unicamente pa e club di Aruba cu a sobresali den nan talento pa organisa un evento grandi asina.

Grupo di periodista Mericano di bishita na Aruba

ORANJESTAD- Recientemente Aruba Tourism Authority a invita un grupo di periodista Mericano pa bin bishita nos isla y asina ricibi tur información encuanto di e ultimo desaroyonan cu a tuma lugar ariba nos isla.
E contacto principal tawata e compania Quinn & Co, kende a zorg pa manda invitacion pa un lista di periodistanan clave di cual 4 a wordo escohi pa bin Aruba durante un asina yama “US Press trip”, mientras cu Marriott Aruba Resort and Stellaris Casino tawata e hotel anfitrion.
E programa a wordo coordina pa Sra. Nathalie Maduro, PR Liaison pa ATA, mientras cu Srta. Eileen Almonte di Quinn & Co. a biaha cu e grupo.
E diferente medionan cu a wordo escohi tawata, Houston Chronicle, Catalina Magazine y tambe un programa di televisión special cu nan ta produci, Elle Québec y Cruise ship on board Magazine.
Durante nan estadia, ATA asegura pa pone un tiki di tur cos, cu e cooperación varios miembro di AHATA, manera entre otro, bishita na e Butterfly farm, Aruba Aloe, Museo Historico, Parke Nacional Arikok, tambe nan a disfruta di un Jeep Safari Tour, bishita na De Palm Island, un paseo den catamarán, bishita na diferente di Aruba su beachnan. Tambe nan a reuni cu Sra. Gina Lopez-Gnecco, PR Director pa ATA y Sr. Mario Arends, Marketing Manager USA, kende nan a conbersa cu e periodista nan, contestando diferente preguntanan clave y tambe a expresa nan opinión encuanto di henter e biahe y kiko ta nan percepción di Aruba como un destinacion turistico.

ORANJESTAD- Ayera Presidente di Parlamento, Mervin Wyatt Ras den presencia di wnd. Griffier, sr. Jossy Semeleer a reuni cu representantenan di Camara di Comercio, esta su Presidente, sr. Edwin Roos, su vice-presidente, sr. Ernst Mohammed y su secretaria, sra. Lorraine de Souza.
Durante e encuentro aki a toca diferente asunto, entre otro desaroyonan economico manera situacion di mercado laboral a base di expansion di e sector turistico y inflacion, e impacto di exigencianan di salario di sector publico y temanan cu Camara di Comercio a fiha pa 2008. Ambos a expresa e importancia di tene reunion cu otro.

WILLEMSTAD - Awe mainta durante di un akshon di morkoi, e shofùrnan di bùs, organisá den Sindikato di Transporte Uní, STU, a entregá un karta na Bestuurscollege.
Presidente di STU, Andres Everitz, kende porsierto awe mester sali riba un biahe di trabou pa Cuba i Colombia, a bisa awe mainta ku djasabra último e sindikato tabatin un reunion general. Durante dje enkuentro aki direktiva di STU a haña mandato di su miembronan pa kuminsá akshoná. “E miembronan ta hopi malkontentu ku e forma kon Gobièrnu ta trata nan”, asina Everitz a splika. “Kada bes Gobièrnu ta tira informashon den medionan di komunikashon loke ta trese konfushon den komunidat. Ta p’esei nos a bin Bestuurscollege awe i despues di awe si Gobièrnu nò tuma un posishon, nos ta bai all the way”. E presidente di STU a sigui splika ku e shofùrnan di bùs chikí no ta tolerá mas e trato ku nan ta risibiendo serka Gobièrnu. Everitz: “Nunka nos no a molestiá ni tampoko Gobièrnu ku nada. Pero nos sí ta wòrdu pisoteá regularmente. E bosero dje shofùrnan di bùs enfátikamente a bisa ku e sindikato ke papia awor ku Gobièrnu.
Durante di e akshon awe mainta, segun Everitz, nan a purba di tene e servisio balansá, pasobra den e oranan dje akshon, e pasaheronan a baha un poko. Segun Everitz, e shofùrnan di bùs ku sí a keda kore, a keda pendiente pa kualke yamada, pa nan tambe drenta den akshon.

ARIES: Amor ta sorprendébu ora ménos bo a spera den e lugá sorpresivo. Tin semper presente ku amor ta kuminsá pa bo. Stima bo mes hopi, stima kada dia mas, balorá bo mes. 19,04,02.

TAURO: Relashonnan sentimental nobo lo ta un realidat. A yega e momentu pa esnan ku ta buska pareha, di logra tin un relashon stabil. 04,25,38.

GEMINIS: Bo ta awor mas sabí ku nunka ántes. Ya bo no ta amargá ni frustrá mas ora bo ta enfrentá reto, opstákulo, personanan difísil o ora kosnan sali for di man. 02,47,05.

KANSER: Bo ta riska na realisá loke ántes bo tabata tin temor pe, inkluso loke semper tabata yama bo atenshon. A yega bo momentu di logra soñonan i ambishonnan. 18,40,31.

LEO: Sali di sombra i yega den klaridat. Purifiká bo ambiente, ya ku awor bo ta manera un spòns ku ta rekohé tur kosnan negativo. 10,22,03.

VIRGO: No tene miedu di lo deskonosí, ya ku awor bo ta wòrdu apoyá den tur loke ta aventura. Pone tur plan kla di biahe. Sigur bo ta topa mas ku un pa habri portanan. 30,04,14.

LIBRA: Bo fe ta fortalesébu i ta orientábu pa bo propio interior. Pa bo a kaba un siklo di búskeda. Bo ta realisá awor ku tur e poder di universo ta enserá den bo kurason. 01,20,09.

SKORPION: Hopi di loke bo a spera no a yega, hopi di loke a yega no ta kumbiní i hopi di loke bo ta anhelá ta realisando. Spera milagernan i nan lo wòrdu realisá den bo bida.

WILLEMSTAD - Diputado Eugène Rhuggenaath, polítikamente responsabel pa e kompania Cuaçaose Dokmaatschappij (CDM) lo proponé gobièrnu di Kòrsou pa nombra un direktor interino na CDM, na lugá di un direktor definitivo.
E direktor nobo mester prepará i sostené e proseso pa buska un partner stratégiko pa e kompania, konsiderando e importansia di ekspertisio ku ta nesesario pa sostené futuro desaroyo di e kompania aki. E direktor interino aki ademas mester hasi sierto trabounan pa pone e astiero bèk riba mapa.
“E nombramentu aki por ta pa e periodo di un aña”, asina Rhuggenaath a aklará.
Ku e posishon aki, ta parse ku e tenshon ku tabata eksistí den partido PAR pa nombramentu di un direktor nobo na CDM a pasa pa istoria. A lo ménos pa awor aki.
Nombramentu di un direktor nobo tabata motibu di hopi diskushon algun siman pasá. Den un proseso di solisitut ku a tuma lugá, a keda dos kandidato pa e puesto aki, Charlie van der Sande i Franklin ”Chebu” Sluis. Di e dos kandidatonan aki Sluis tabata esun ku e mihó kalifikashonnan.
Sinembargo, Eugène Rhuggenaath tabatin un opheshon fuerte kontra nombramentu di Sluis, basá riba e hecho ku Sluis a hañ’é den problema ku hustisia den pasado pa asuntu di falsifikashon di papel di outo importá, pa kua el a risibí tambe un kondena.
Rhuggenaath ta konsiderá ku e direktor di CDM mester ta un persona di kondukta intachabel. Rhuggenaath a pone esaki komo un punto di prinsipio: si nombra Sluis tòg, ami ta bai, tabata e posishon ku el a asumí den e kaso aki.

WILLEMSTAD - Ulanda lo reservá 90 kamber pa studiantenan di Kòrsou ku kada aña di nobo ta biaha pa e pais aki pa kontinuá ku nan estudio mas avansá. Ademas lo bin un mihó guia pa hóbennan di nos isla ku ta yega Ulanda promé biaha.
Esei ta algun di e puntonan riba kua diputado di Enseñansa Marilyn Alcalá- Wallé a logra un akuerdo durante su bishita na Ulanda. Awe mainta e diputado a subi avion, rumbo bèk pa Kòrsou, pero Desiree Martis di Radio Nederland Wereldomroep a papia kuné djis promé ku el a entamá e biahe di regreso.
Manera ta konosí, e mandatario a bai Ulanda ku un agènda basta yen, entre otro e asuntu di finansiamentu di estudio pa kua e tabata ke yudansa di Ulanda.
Manera LA PRENSA a informá for di siman pasá, Ulanda ta dispuesto pa yuda Kòrsou den e problemátika di finansiamentu di estudio. “Ulanda opviamente a mira ku nos ta serio den e asuntu aki i e disposishon pa yuda t’ei”, asina diputado di Enseñansa Marilyn Alcalá-Wallé a duna di konosé.
Básikamente tin tres trayekto ku diputado Alcalá- Wallé a enfoká riba dje, esta e situashon agudo kaminda mester di plaka pa paga studiante fin di e luna aki, e trayekto kaminda gobièrnu di Kòrsou mes ta bai studia kon e por aloká fondo riba presupuesto insular pa sigui atendé ku SSC pa sobrá di e aña aki i e trayekto pa un solushon duradero, ku ta un sistema nobo di finansiamentu di estudio ku ta duna mihó rendimentu, segun e diputado.

WILLEMSTAD - Aliansa Patriótiko, e aliansa di partidonan di oposishon den Konseho Insular di Kòrsou a duna Partido Demokrat 2 biaha 24 ora pa disidí si e ta sigui ku e aliansa òf e ta bula’fó.
“Si Demokrat ke sigui, anto e mester soda meskos ku nos tur aki ta hasi”, asina Charles Cooper a anunsiá na nòmber di e aliansa durante un enkuentro ku prensa ayera tardi.
E anunsio aki en realidat no a bin komo sorpresa. Ta un sekreto públiko ku pa basta dia kaba kos no tabata eksaktamente amistat perfekto entre Partido Demokrat i sobrá partidonan ku ta forma Aliansa patriótiko, ku ta Forsa Kòrsou, Pueblo Soberano, MAN i Niun Paso Atras.
Pa basta dia kaba tin loke por ser kalifiká komo frikshon entre e partido kòrá i sobrá partidonan. Resientemente tabatin un bon ehèmpel di esei. Un karta ku partidonan di oposishon a skibi pa sekretario di Estado, Ank Bijleveld den kua nan ta ekspresá nan malkontentu pa e forma ku e mandatario ulandes ta trata oposishon, no a konta ku sosten di e partido dirigí pa Norbert George.
E argumento e tempu ei tabata e hecho ku George lo no a haña sufisiente tempu pa tuma nota di e kontenido i komo tal no kier a kore firma sin mas.
E ambiente di tenshon a sigui eksistí. Algun dia pasá un delegashon di Aliansa Patriótiko a biaha pa Panamá, pa asistí na un enkuentro ku COPAL, pa asina buska sosten pa e lucha ku Aliansa Patriótiko ta hibando.

WILLEMSTAD - COPPPAL lo yuda Kòrsou den su proseso di kambio estatal. E organisashon COPPPAL ku ta agrupá un kantidat di partido polítiko di un kantidat di pais den Latinoamerika i di Karibe, a aseptá dos resolushon den kua ta pidi atenshon di Nashonnan Uní pa e proseso di dekolonisashon di Kòrsou.
“Un logro sumamente importante”, asina dirigentenan di tantu MAN, Charles Cooper, di Pueblo Soberano Helmin Wiels i tambe di PLKP Errol Cova a koinsidí.
Aliansa Patriótiko, desgustá i desapuntá ku e no ta hañando oido serka gobièrnu pa su preokupashon pa e rumbo ku e trayekto estatal di Kòrsou ta bayendo, a disidí ku e lo partisipá na e enkuentro di COPPPAL ku a tuma lugá siman pasá na Panamá.
“No a keda nos niun otro rekurso, sino di buska sosten internashonal pa e lucha ku nos ta hibando”, asina Charles Cooper a deklará promé ku salida di e delegashon pa Panamá.
Ayera, e partidonan a duna un rekuento na prensa di nan biahe pa Panamá kaminda e enkuentro di COPPPAL a tuma lugá. Banda di e dos resolushonnan aki, tin tambe un karta ku presidente di COPPPAL mes lo manda pa Nashonnan Uní, den kua e ta uni su mes ku e lucha di Kòrsou.
“Den e deklarashon final ku a aseptá na final di e enkuentro di COPPPAL ta fiha e parti di Kòrsou bon kla”, segun Cova.
“E sosten pa Kòrsou ta unánime: henter kontinente ta para nos tras”, Charles Cooper a bisa. Den e deklarashon aki, na punto 10 ta bisa ku lo instituí un komishon, den kua tin un representante di Aliansa Patriótiko, di Partido Liberal di Honduras, di Partido Independentista di Pto. Rico i PLD di Repúblika Dominicana ku ta bai sigui ku e lucha aki.

WILLEMSTAD - Minister di Enseñansa i Kultura sra. Omayra Leeflang a tene e diskurso di apertura den oula di Universidat di Antia, ayera mainta na e promé “gastcollege”, organisá pa Plataforma di Awa di Antia di Aruba.
Rector Magnificus di UNA sra. Jeanne de Bruijn i Anthon Casperson di Aqualectra tambe a yama e partisipantenan bonbiní na gastcollege.
Den e siman aki di 21 pa di 24 aprel lo tin un “gastcollege” na UNA ku ta un aktividat di e CWTRI, ku ta un proyekto di e plataforma di Awa di Antia i Aruba.
Dr. Ir. Jasper Q. J. C. Verberk di Hulanda i Ir. Filomeno A. (Boey) Marchena di WEB Aruba lo duna un kantidat di “gastcolleges” den e siman aki ku e tema “Drinkwater Principe en Praktijk”.
E “colleges” lo trata produkshon di awa di bebe i tratamentu di e awa di bebe. Sr. Verberk lo tuma pa su kuenta e parti di awa bou i riba tera durante 3 dia i sr. Marchena e parti di desalinashon di awa di laman pa produsí awa dushi. E último aki ta konsistí di produkshon di awa na W.E.B. Aruba N.V., e aspektonan teorétiko i práktiko di e teknologia térmiko di evaporashon i e proseso pa tuma desishon i konstrukshon di e planta di awa di SWRO.
Banda e collegenan aki lo tin ekskurshonnan na e planta di Awa na Fuik, Tanki di awa, SCADA di Aqualectra i Klein Kwartier.
Na 2005 e kompanianan di awa AQUALECTRA di Curaçao, W.E.B. Aruba N.V., WEB Bonaire N.V. i G.E.B.E. N.V. di St. Maarten a lanta e Plataforma di Awa Antia i Aruba abreviá WNAA.

Ku meta pa aportá di bèrdè na un mihó medio ambiente


WILLEMSTAD - Den kuadro pa sigui yuda konsientisá komunidat di Kòrsou e importansia di kuido di medio ambiente, Maduro & Curiel's Bank a start den 2008 ku e kampaña pa duna un aporte di bèrdè mes na un mihó medio ambiente.
Komo un instansia ku ke aportá di bèrdè mes, na komienso di luna di mart Bo Banko Amigu a publiká su sifranan di aña 2007 riba papel resiklá i a intensivá nan aporte “bèrdè” ku kontribushon na A-Team pa nan a logra hasi nan biahe pa Antártika. Aparte di a sigui spònser mas organisashon ku metanan ambiental, Bo Banko Amigu a kuminsá na luna di aprel ku vários tep balioso kon pa spar energia, den korantnan lokal, na radio i via di “statement stuffer”. Tur esaki ku e meta pa aportá di bèrdè mes na un mihó medio ambiente.
Inisiativanan bèrdè na e Autoshow 2008: Na e super eksitoso Autoshow 2008 Bo Banko Amigu realmente a pone aksènt riba e koló bèrdè; Maduro & Curiel's Bank den koperashon ku Autocity a sòru pa un outo Hybrid stashoná na Autoshow kaminda tur bishitante por a buska mas informashon pa tokante di e outo aki ku ta kore riba koriente tambe. Tur bishitante di Autoshow 2008 a risibí un “energy savings light bulb” pa nan sigui hasi uso òf kuminsá hasi uso di “energy savings light bulb” i asina kada persona yuda spar energia (i plaka) ku e meta pa nos tin un mihó medio ambiente.

RENÉ JEAN FRANÇOIS
Myron Ashley
A laga atras su mama Stephanita René Jean François, kasá Rosalin Paulus, yunan Myron René Jean François, Kimberley René Jean François. Akto di entiero djasabra 26 di aprel for di misa Koraal Specht pa santana Janwe. Bishita 1or. Promé ku entiero tin un s.s. di misa 3.30or. trahe alegre.

FRANCINET
Michael Guiseppe
A laga atras su mayornan Celsa i Virgilio Francinet, kasá Shermine Francinet-Wanga, yunan Sayanhara Francinet i Gedyon Manuel, Mitchell Francinet, Akto di entiero ta djabièrnè 25 aprel 4or for di El Tributo pa santana Janwe. Bishita 1or.

KWIDAMA
Endira Maria
A laga atras su rumannan Andira Kwidama, Dulcela i Frans Smits, Shirley i Egbert Crispulo marlin, Ruben i Nielsa Marlin, Raul Rosario. Akto die ntierot a djaweps 24 di aprel 9or for di El Consolador pa santana Sta. Maria. Bishita 9or. Promé ku entiero tin un respòns 11or. Trahe alegre.

MAGDALENA
Ronald Felix
Mihó konosí komo Jona, Baju òf Roni
A laga atras su kasá Selma Magdalena, yunan Mariela i Humphrey Mercera, Merelin Magdalena, Roland Magdalena i Lian Balentina, Aldrin Magdalena i Nelly, Pursey i Cziangeny Magdalena, Guillen Magdalena, Erick Capriles. Akto di entiero ta djarason 23 di aprel for di El Consolador pa santana Sta. Maria. Bishita 1or. Promé ku entiero tin un s.s. di misa 4or na mis asta. Maria.

PIETERNELLA
Lillian Carlota (53 aña)

RENÉ JEAN FRANÇOIS
Myron Ashley
A laga atras su mama Stephanita René Jean François, kasá Rosalin Paulus, yunan Myron René Jean François, Kimberley René Jean François. Akto di entiero djasabra 26 di aprel for di misa Koraal Specht pa santana Janwe. Bishita 1or. Promé ku entiero tin un s.s. di misa 3.30or. trahe alegre.

FRANCINET
Michael Guiseppe
A laga atras su mayornan Celsa i Virgilio Francinet, kasá Shermine Francinet-Wanga, yunan Sayanhara Francinet i Gedyon Manuel, Mitchell Francinet, Akto di entiero ta djabièrnè 25 aprel 4or for di El Tributo pa santana Janwe. Bishita 1or.

KWIDAMA
Endira Maria
A laga atras su rumannan Andira Kwidama, Dulcela i Frans Smits, Shirley i Egbert Crispulo marlin, Ruben i Nielsa Marlin, Raul Rosario. Akto die ntierot a djaweps 24 di aprel 9or for di El Consolador pa santana Sta. Maria. Bishita 9or. Promé ku entiero tin un respòns 11or. Trahe alegre.

MAGDALENA
Ronald Felix
Mihó konosí komo Jona, Baju òf Roni
A laga atras su kasá Selma Magdalena, yunan Mariela i Humphrey Mercera, Merelin Magdalena, Roland Magdalena i Lian Balentina, Aldrin Magdalena i Nelly, Pursey i Cziangeny Magdalena, Guillen Magdalena, Erick Capriles. Akto di entiero ta djarason 23 di aprel for di El Consolador pa santana Sta. Maria. Bishita 1or. Promé ku entiero tin un s.s. di misa 4or na mis asta. Maria.

PIETERNELLA
Lillian Carlota (53 aña)

RENÉ JEAN FRANÇOIS
Myron Ashley
A laga atras su mama Stephanita René Jean François, kasá Rosalin Paulus, yunan Myron René Jean François, Kimberley René Jean François. Akto di entiero djasabra 26 di aprel for di misa Koraal Specht pa santana Janwe. Bishita 1or. Promé ku entiero tin un s.s. di misa 3.30or. trahe alegre.

FRANCINET
Michael Guiseppe
A laga atras su mayornan Celsa i Virgilio Francinet, kasá Shermine Francinet-Wanga, yunan Sayanhara Francinet i Gedyon Manuel, Mitchell Francinet, Akto di entiero ta djabièrnè 25 aprel 4or for di El Tributo pa santana Janwe. Bishita 1or.

KWIDAMA
Endira Maria
A laga atras su rumannan Andira Kwidama, Dulcela i Frans Smits, Shirley i Egbert Crispulo marlin, Ruben i Nielsa Marlin, Raul Rosario. Akto die ntierot a djaweps 24 di aprel 9or for di El Consolador pa santana Sta. Maria. Bishita 9or. Promé ku entiero tin un respòns 11or. Trahe alegre.

MAGDALENA
Ronald Felix
Mihó konosí komo Jona, Baju òf Roni
A laga atras su kasá Selma Magdalena, yunan Mariela i Humphrey Mercera, Merelin Magdalena, Roland Magdalena i Lian Balentina, Aldrin Magdalena i Nelly, Pursey i Cziangeny Magdalena, Guillen Magdalena, Erick Capriles. Akto di entiero ta djarason 23 di aprel for di El Consolador pa santana Sta. Maria. Bishita 1or. Promé ku entiero tin un s.s. di misa 4or na mis asta. Maria.

PIETERNELLA
Lillian Carlota (53 aña)

RENÉ JEAN FRANÇOIS
Myron Ashley
A laga atras su mama Stephanita René Jean François, kasá Rosalin Paulus, yunan Myron René Jean François, Kimberley René Jean François. Akto di entiero djasabra 26 di aprel for di misa Koraal Specht pa santana Janwe. Bishita 1or. Promé ku entiero tin un s.s. di misa 3.30or. trahe alegre.

FRANCINET
Michael Guiseppe
A laga atras su mayornan Celsa i Virgilio Francinet, kasá Shermine Francinet-Wanga, yunan Sayanhara Francinet i Gedyon Manuel, Mitchell Francinet, Akto di entiero ta djabièrnè 25 aprel 4or for di El Tributo pa santana Janwe. Bishita 1or.

KWIDAMA
Endira Maria
A laga atras su rumannan Andira Kwidama, Dulcela i Frans Smits, Shirley i Egbert Crispulo marlin, Ruben i Nielsa Marlin, Raul Rosario. Akto die ntierot a djaweps 24 di aprel 9or for di El Consolador pa santana Sta. Maria. Bishita 9or. Promé ku entiero tin un respòns 11or. Trahe alegre.

MAGDALENA
Ronald Felix
Mihó konosí komo Jona, Baju òf Roni
A laga atras su kasá Selma Magdalena, yunan Mariela i Humphrey Mercera, Merelin Magdalena, Roland Magdalena i Lian Balentina, Aldrin Magdalena i Nelly, Pursey i Cziangeny Magdalena, Guillen Magdalena, Erick Capriles. Akto di entiero ta djarason 23 di aprel for di El Consolador pa santana Sta. Maria. Bishita 1or. Promé ku entiero tin un s.s. di misa 4or na mis asta. Maria.

PIETERNELLA
Lillian Carlota (53 aña)

WILLEMSTAD – E problema di abeha ta hañando atenshon, ounke no tin nada konkreto ainda ta tumando lugá. Awor ku a konkluí ku ta L.V.V. ta responsabel pa un maneho, pa atendé ku e molèster kousá pa e bestianan akí, tantu e diputado enkargá ku salubridat públiko komo e diputado enkargá ku L.V.V. mester formalisá un maneho.
Loke tin aktualmente ta un proposishon di parti di G.G.D. E proposishon akí a konkretisá despues ku gobièrnu a pidi for di yanüari un ‘update’ riba e ‘bijen werkgroep’. G.G.D. a sòru pa e update akí kaminda a konkluí ku e problema di abeha ta regardá LVV. Den e update ku gobièrnu a risibí, G.G.D. i L.V.V. a asumí un posishon. Komo ku L.V.V. mes no tin sufisiente hende pa trèk e proyekto, a proponé pa usa un eksperto di G.G.D. pa yuda L.V.V.
Na e momentunan akí e diputadonan Humphrey Davelaar i Anthony Godett tin ku tuma e pasonan nesesario pa L.V.V. i G.G.D. por kuminsá inventarisá e problema i e posibel solushonnan.

WILLEMSTAD – Rònt mundu a konmemorá awe dia di Mama Mundu. Na Kòrsou tambe tabatin diferente aktividat relashoná ku e dia di awe. Tin hopi preokupashon pa desaroyo di nos planeta. Banda di e tema di medio ambiente, awor aki a bin aserka e krísis di kuminda i aros ku ta birando un problema serio. Riba e pòtrèt por mira un mucha muhé sin kas na Filipinas sintá serka di un muraya ku ta boga pa stòp guera i yega na pas. (AP Foto/Bullit Marquez).

Skina di Sorti, awe djamars 22 di aprel di 2008, ta kuminsá ku deseá un i tur un bon dia. Den nos pais, tin kosnan ku ta wòrdu tratá den un forma demasiado superfisial. Den nan tin algun kos ku kualke opservador krítiko sin sentido falsu di patriotismo, tin di konsiderá komo indikashon di un falta di noshon di e papel di un gobièrnu i puesto di gobernante, parlamentario òf miembro di Konseho Insular. E tirada di diputado Anthony Godett den direkshon di e grupo di de Veer, ta inaseptabel, repudiabel i motibu pa sakamentu di konklushon.
****
Si tabatin kestion di un insidente na nivel personal entre e diputado ku un òf otro miembro di e grupo de Veer, bo por papia di un insidente lamentabel, kaminda e diputado komo hende no a logra di dominá su emoshonnan. Den un kaso asina, e proseder dje gobernante ta keda robes, pero lo por wòrdu pordoná despues di ofresé diskulpa ku e representantenan dje grupo lo keda konforme kuné.
****
Pero kaminda no tin kestion di un asuntu personal ku ta tira su sombra lamentabel riba e proseder gubernamental, nos tin kestion di un violashon grave di huramentashon pa kual e diputado tin di duna kuenta i rason na Konseho Insular. Komo ku no ta trata di un insidente aislá, un moshon di deskonfiansa lo ta na su lugá. E ora ei ta keda na koalishon si e diputado ta keda den funshon òf tin di bandoná e puesto.
****
Den koalishon tin algun polítiko ku mester mustra kara i sea para pa lokual nan ta pretendé òf profesá, òf keda identifiká komo farsante. Bo ta sea íntegro òf den ékis grado korupto. Es ku ta tolerá òf bira lomba pa sierto kosnan pa mantené un situashon for di e kual e ta mira benefisio personal, tambe ta korupto. E definishon di korupshon a wòrdu trese den Skina di Sorti na vários okashon.

WILLEMSTAD – Un revista finansiero na Polonia, ‘Warsaw Business Journal’, a saka un relato resientemente riba e paisnan ku mas ta invertí den Polonia.
E análisis a keda hasí pa Banko Sentral di e pais ei i ta indiká, ku e fuente direkto di invershon na Polonia ta kambiando.
“E fuente direkto di invershon (FDI) na Polonia a kambia,” asina e presidente di National Bank di Polonia a bisa. “E ganashi ku ta keda reinvertí pa empresanan internashonal aktivo kaba na Polonia ta komprometé e tipo di invershon mas grandi di FDI na Polonia,” el a añadí.
E tipo di reinvershon aki ta 41.5% di e 12.8 bion euro di FDI ku Polonia a apsorbá aña pasá. Esaki ta un suma total di 5.33 bion euro ku ta un oumento di 22.3% den invershon kompará ku na 2006.
Kasi 85.3% di e tur FDI a bini di kompanianan ku tin base den Union Europeo, Fransia ku e gran mayoria ku 17.7%.
Lokual ta remarkabel ta, ku kompanianan establesé na Antia, ta esnan ku hasi mas invershon ku kualke otro pais pafó di Union Europeo na Polonia ku eksepshon di Merka. Tras di Antia a sigui Sur Korea i Hapon.
Ku tur probabilidat aki ta trata di kompanianan di Off-Shore ku ta establesé aki na Kòrsou ku a hasi e invershonnan kuantioso na Polonia pa sali asina haltu riba e lista aki ku a keda publiká pa e Banko Sentral di Polonia.