ORANJESTAD- Ayera tardi Minister Presidente Nel Oduber a emiti un comunicado di prensa, cual ta mas dirigi pa e sindicatonan di trahadornan di WEB Aruba NV y di NV Elmar, den cual e ta trata a hustitfica e insistencia di su persona y di su gobierno, pa trece cambio den statutonan di Utilities NV.
Sinembargo den e comunicado, y den e comunicado emiti pa su Gobierno na nomber di partido MEP, ta keda confirma cu e cambionan di statuto ta solamente dirigi pa elimina director di NV Elmar, esta sr Freddy Rafini for di e puesto ey, ya cu su persona no kier coopera cu Gobierno pa traspaso di ganashi pa Gobierno.
E conflicto aki ta durando algun luna caba, y ta for di algun tempo caba Rafini ta bou di constante presion di Gobierno pa cu dunamento di “voorschot” miyonario na Gobierno di Nel Oduber.
E director di Elmar a insisti semper cu tur cos tin cu bai segun statutonan y segun reglanan existente y el a converti su mes den enemigo grandi di Gabinete Oduber IV pa e posicion cu el a tuma manera su responsabilidad ta exigi.
Awor Gobierno kier duna Hunta di Comisario di NV Elmar mas poder cu e director y via di e cambionan aki, Nel Oduber kier forza pa saca placa for di e compania di coriente pa su gobierno.
Un situacion realmente serio ya cu despues di shete aña den gobernacion di e pais aki, e situacion financiero di Gobierno ta sumamente precario, no tin placa y no tin lugar mas pa impone medida riba pueblo.
Gabinete Oduber IV no a cumpli cu su promesa atrobe di trece prosperidad pa e pueblo di Aruba, mientras cu Gobierno mes ta hibando un maneho cu no tin pia ni cabez.

ORANJESTAD – Den su comubnicado di prensa partido MEP ta bisa cu for di 2006 gobierno a dicidi cu lo aplica pa tur su companianan ‘Code of Corporate Governance’ den Statuut di e companianan aki, locual a sosode caba den AAA N.V., Arubus N.V., Setar N.V. y awor ta na turno Elmar N.V. Ta bon conoci cu e structura di Elmar N.V. no ta cumpli cu e normanan di transparencia y di duna cuenta na e Hunto di Comisarionan. No esaki so, ni awor di acuerdo cu e Statuut e director no kier cumpli, scondiendo cada vez tras di tramitenan legal y creando un ambiente masha hostil, arogante, sin respet pa e comisarionan di dicho compania y constantemente ta den ‘clinch’ cu esnan cu mester controla e compania. E cartanan di e director di Elmar ta un muestra di un actitud intransigente contra e verdadero doño cu ta gobierno, esta pueblo. Mas cu 2 aña largo gobierno y e comisarionan a carga pasenshi cu na caminda e director lo por realiza cu cos mester cambia.
Desde inicio cu a cumpra Elmar N.V. a keda palabra cu e ‘leading bank’ N.I.B., cu 10 aña largo lo no mishi cu e structura di e compania. Awe nos ta den un situacion hopi diferente, unda e structura di e Holding, Elmar N.V. y WEB N.V. a sirbi nan proposito pa e tempo cu nan a ser funda, pero no den e mundo transparente cu nos ta bibando aden. No lubida cu ambos director a haña 7 aña caba di gobierno pa prepara pa e temponan dificil di desde 2005 un aumento den prijs di petroleo, fuel oil etc.
Gabinete Oduber a anuncia na 2001 cu lo bin cu mulinanan di biento na Vader Piet y awe 7 aña despues gobierno por lesa den corant cu un compania ta bay bende WEB N.V. coriente y na su turno WEB lo bay bende coriente cu Elmar. Bo mester puntra bo mes pakico asina hopi tempo?

Oficina di Monumento y Minister di Cultura cu elogio

ORANJESTAD- Ayera diabierna 1 di Augustus 2008, sr. Hugo Mohamed a celebra cu su persona a cumpli 35 aña den servicio di gobierno. Pa e ocasion special aki sr. Mohamed a keda ricibi door di Minister di Cultura sr. Tai Foo Ramon Lee na su despacho pa conmemora e acontecimento special aki. Despues di un conversacion ameno Minister Lee a honra sr. Mohamed cu un carta di gratitud y alaves a entrega e costumbrado envelop den precencia di directora di Oficina di Monumento, sra. Ing. Yvonne Webb- Kock.
Sr. Mohamed a drenta gobierno na 1973 y a cuminsa traha como docente na Martin Luther King School te 1996. Durante e periodo aki e tabata docente den “Werktuigbouwkunde y Mechanische techiek”. Tambe 6 aña largo su persona a duna les den e materia Spaño. Na Mon Plaisir Mavo y Juliana School a duna les den Scheikunde.
Na ana 1996-1998 sr Mohamed a elabora como coördinador di Ministro di Deporte. Di 1998 te 2000 e a wordo poni na disposicion di Ministro di asuntonan Economico.
Na aña 2000 sr. Mohamed a haña un traslado pa Oficina di Monumento y a wordo poni na disposicion di Fundacion Fondo di Monumento na unda e a fungi como Director Interino. Na aña 2001 sr. Mohamed a regresa bek na Oficina di Monumento na unda e ta encarga cu maneho y alabes ta dirigi e buitendienst di Oficina di Monumento. Su funcion actual ta “Beleidsadviseur” y ta alabes e Director Interino di Oficina di Monumento.
Sr. Mohamed a celebra su 35 aña den servicio di gobierno hunto cu su coleganan na Oficina di Monumento.

ORANJESTAD - Ministro di Enseñansa, Asuntonan Social y Infrastructura, drs. Marisol Lopez – Tromp, a otorga te awo 566 financiamento pa estudio na personanan cu ta desea di sigui nan estudio den exterior of na Aruba.
E particion pa pais te awo ta lo siguiente:

PAIS CANTIDAD DI STUDIANTE
2008 CANTIDAD DI STUDIANTE
2007
Aruba 160 209
Canada 6 8
Colombia 3 7
Corsow 14 16
Costa Rica 9 13
Estados Unidos 45 36
Hulanda 327 252
Venezuela 2 0
TOTAL 566 541

E particion pa Aruba te awo ta:

Scol CANTIDAD DI STUDIANTE
2008 CANTIDAD DI STUDIANTE
2007
EPI 81 133
IPA 11 27
Universidad di Aruba 68 49
TOTAL 160 209

Pa locual ta Hulanda e ciudad cu mas tanto studiante a bay e aña aki tabata Rotterdam sigui pa Den Haag. Esaki ta igual cu aña pasa.
E particion pa ciudad na Hulanda ta lo siguiente:

CIUDAD CANTIDAD DI STUDIANTE
2008 CANTIDAD DI STUDIANTE
2007
Amsterdam 37 18
Arnhem 18 6
Breda 17 5
Delft 4 4
Den Bosch 4 0
Den Haag 43 30
Deventer 1 0
Diemen 0 2
Eindhoven 18 11
Enschede 12 12
Gent 1 0
Groningen 24 24
Haarlem 0 2
Leeuwarden 5 6
Leiden 16 19
Maastricht 1 2
Nijmegen 20 18
Rijswijk 1 1
Rotterdam 50 44
Sittard 1 1
Tilburg 19 16
Utrecht 24 21
Vlissingen 1 0
Wageningen 2 1
Zwolle 8 0
Adicional No ta conoci ainda 9
TOTAL 327 252

ORANJESTAD- Diabierna ultimo a finalisa e ciclo di Salsa, Bachata y Son Montuno pa hoben. Banda di e dushi ambiente cu tabata reina por sigura cu e hobennan a cuminsa pensa den direccion di “Baila bon y pasa bon”!
Frencel Geertruida ganador di diferente contest local di baile di Salsa y Son Montuno na Aruba y dunando les pa varios aña na adulto a dicidi pa comparti su experiencia.
E biaha aki Frencel lo bai traha cu un combinacion di hoben y adulto.
E lesnan lo tuma lugar durante henter luna di augustus. Ariba Dialuna y Diabierna den e bunita sala grandi cu vloer di palo di Scol di Arte na San Nicolas.
E ora lo ta di 6or p.m. pa 8or p.m. (cuminsando Dialuna awo 4 di augustus y termina Diabierna 29 di Augustus)
Pa 16 ora di les lo cobra pa adulto F75,- y pa 16 ora di les pa hoben cu ta bai scol ainda un prijs special di F60,- .
Tur persona cu ta interesa por tuma contacto libremente cu Frencel Geertruida na 5679310 of cu Sonia Giromus na 5849168 of 5835681.
Hoben y adulto bin pasa momentonan dushi marcando paso den Scol di Arte..!!

ORANJESTAD - Enconexion cu e Fiesta di Santa Filomena lo tin diadomingo awor
3 Augustus venidero, e tradicional dia di Famia den Centro Caiquetio na Paradera.
E programma ta consisti di lo siguiente.
10.00—11.00 koffiemorgen di Grupo Katisashi.
10.00—2.00 vlooienmarkt, weganan popular… benta di cuminda grupo katisashi…Dino jump a e muchanan.. Domino… Grupo Rap…Minesterio di Musica… Bile… Baile Filomena Erasmus.. Caha di orgel Robert Thiel… Canto Kiziah Trimon… Baile Masiduri y Caha di orgel Charlie Donata.
Ricibi varios potret relaciona cu e actividad aki cu a tuma lugar anja pasa boso escoge nan publicacion. N a su debido tempo nos lo informa boso di tur e actividadnan cu ta tumando lugar den nos parokia.

WILLEMSTAD – E hóben J.C. di 16 aña di edat ku a heridá su amigu Roly Sambo (17) mortalmente ku un arma di kandela ta yu di un polis di fam Cijntje. Bisiñanan a yama ayera tardi durante un programa na Z86 i duna e informashon akí. Tambe nan a informá ku un otro yu lo tabata den problema ku hustisia anteriormente.
E suseso lamentabel a tuma lugá djaweps anochi den e bario Juan Domingo. Durante un entrevista na e mesun emisora ayera, e bosero di kuerpo polisial a deklará ku e no ta na altura si a lokalisá e arma di kandela. Tambe el a refutá enérgikamente ku ta for di un outo ku a pasa a lòs e tiru ku a mata Sambo. Mas informashon di e suseso e bosero no por a duna. El a splika ku J.C. ta detené i ku e ta dunando deklarashonnan di loke a pasa.
E kabes di skol di MIL kaminda e víktima tabata alumno, a splika na Z86 ku ta trata di un alumno hopi ehemplar ku nunka no a presentá den kantor di e kabes di skol pa niun problema. Segun Erwin Koster di MIL, e hóben tabata hopi gustá serka su koleganan di klas 4 di HAVO. “Mi mes no a mira e hóben nunka den mi kantor. Normalmente ta alumnonan ku no komportá nan mes òf ku haña nan mes den un òf otro problema sa presentá den mi kantor. Tambe ta sosodé ku alumnonan ku hasi algu èkstra ordinario ta presentá den mi kantor. Den kaso di e alumno Roly Sambo esaki no tabata e kaso. Ta for di mi dosentenan mi a komprondé ku e tabata un alumno ehemplar i hopi kerí na MIL”, Koster a bisa.

WILLEMSTAD – Durante un akshon kontra mashinnan di wega di plaka ilegal, polis a konfiská un total di 8 mashin ayera nochi na diferente snèk i restorant. E akshonnan a tuma lugá bou di supervishon di Ministerio Públiko i e departamentu di polis ku ta otorgá pèrmit.
Den tur e kasonan ayera nochi polis a aktua na momentu ku klientenan di e establesimentunan tabata hasiendo uso di e mashin. E kondishon di ‘gara den akshon’ (heterdaad) ta sumamente importante pa prueba den korte. E akshonnan a kuminsá ayera nochi den Mundu Nobo kaminda polis a gara klientenan na un restorant ta hasi uso di un mashin di wega di plaka. Despues di a konfiská e mashin i traha prosèsverbal pa e doño di e restorant, e polisnan a sigui pa Cubaweg.
Na Cubaweg e tim a nota ku na un establesimentu tabatin dos mashin den uso. Mes ora a aktua i a konfiská e mashinnan. Na un otro establesimentu di horeka riba e mesun kaminda polis a bolbe nota ku tabatin kliente ta hasi uso di un mashin di wega di plaka. Einan tambe a aktua i traha prosèsverbal.
E akshonnan a sigui i riba Jan Noorduynweg na altura di Chipi Chipi polis a nota klientenan na un restorant ta hasi uso di un mashin di wega di plaka. A konfiská esaki tambe. Finalmente a bai Suffisant kaminda a konfiská un mashin na Quinta Violeta. Te den oranan lat di anochi e tim a logra konfiská dos mashin mas pa yega na un total di 8.
E akshonnan di ayera ta e proménan despues di e veredikto di wes algun siman pasá. Na e okashon ei wes a sentensiá 6 doño di establesimentunan di horeka ku a duna oportunidat na nan klientenan pa hasi uso di mashin di plaka ilegal. Dos doño a sali liber pasó no por a prueba ku a hasi uso di e mashin. Durante e kaso den korte a resultá kon importante ta pa polis gara un kliente den akshon, loke a sosodé ayera nochi den tur e kasonan.

WILLEMSTAD – E luna aki ta e luna ku Fundashon Pro Bista ta tene su kolekta anual. E fondonan risibí ta destiná pa finansiá e trabounan valioso ku e organisashon aki ta hasi pa nos komunidat. E promé persona ku a duna un kontribushon, ta promé minister di Antia Emily de Jongh-Elhage ku a haña un bishita di e kolektantnan di e fundashon. Tambe a presentá sra. De Jongh-Elhage un CD ku ta kontené informashon riba trabounan di e organisashon. LA PRENSA ta spera ku komunidat kompleto lo kontribuí ku e kousa di Fundashon Pro Bista.

Skina di Sorti, awe djasabra 19 di yüli di 2008, ta kuminsá ku deseá tur hende un bon dia. Den negoshi i polítika bo mester ta determiná (“resoluut”) den tomo di desishon pa bo por logra kambio efektivo den un tendensia negativo. Bo tin di mustra e determinashon pa tuma bo pèrdida, laga lòs i enkaminá e direkshon nobo ku un “nieuw elan”. Tantu MAN komo FK no a demostrá esaki pa lokual ta e aliansa polítiko ku mester wòrdu konsiderá komo un frakaso rotundo.
****
No por papia di un mobilisashon ku tabata tin sierto grado di éksito pero ku pa motibu di un insidente mester a wòrdu reposishoná. Tabata tin kestion di un mobilisashon dòrna ku insidente molestioso sin nada di gara serka e masa. E tema pa kual e forga e aliansa no ta biba, miéntras e profilamentu tabata mas pa e grupo minoritario ku pa esnan ku mas sosten (“draagvlak”) den komunidat.
****
Si bo wak kual ta e faktornan kritiko pa éksito di un mobilisashon sosial, e konklushon no por ta otro ku e aliansa tabata un flòp. Un mobilisashon sosial por ta outónomo òf e por ta indusí. Pa un mobilisashon sosial por wòrdu indusí ku éksito, e organisadónan mester a konstruí un sistema di komunikashon efektivo ku kual por alkansá e masa. Banda di esaki, e organisadónan mester skohe e mihó momentu i e tema adekuado pa inisiá e mobilisashon.
****
Komo ku e tema no tabata biba i aktividat no polítiko no tabata esun ku a redonda den akshonamentu polítiko, no por papia di un mobilisashon outónomo pero unu indusí. Un mobilisashon outónomo ta surgi na momentu ku un “triggering event” kousa erupshon di un tenshon kousá pa un situashon di krísis. E dimenshon i dinámika di e mobilisashon ta dependé di presensia di nètwèrk di komunikashon i di hendenan ku ta rekonosé e oportunidat pa asumí posishon di poder.

“I would not like to convert my tears, invited by my agonized self, into calm. It is my fervent hope that my whole life on this earth will forever be tears and laughter!”
(Khalil Gibran)

The strongest element in this world is steel… or some other metal?
Yes, but what about water being the strongest element? Look at the big ships, how the waters of the oceans let them travel around the world from corner to corner. Man can survive without food for about one or two weeks, but without water, at the most a few days. It takes water to baptize a person to erase the original sin. Water flowing on a rock with time will leave imprints to last for many days depending on how long it is allowed to work.
Water is used universally to extinguish unwelcome fires. Water keeps us clean every single day throughout the year. Water is very essential, but is it strong? Of course, it is!
Water flows in the form of tears, coming from the strong emotions of the heart. At a funeral friends and families shed a tear or two for the departed. It does not end there, at night memories bring back the silent tears of sorrow and pain, keeping us awake for hours.
When precious events happen, they are accompanied by joyful tears that are shed, but also are used to wash and store them deep inside our hearts and souls. A genuine tear is just that, it is the expression of heart and soul, engraved in our memories to last forever. Water, what a strong element, no wonder the world is more water than land. Also the human body is made up of a lot of water.

WILLEMSTAD – Despues di vários tempu Royal Scorpions a risibí un blankeo, ora ku Jose Ventura a tira ocho ining, permití dos hit, regalá 3 base por bola i poncha 8 i ku relevo di un ining di Orsendo Clemencia, ta duna nan ekipo Sta. Rosa Indians/Ennia viktoria di 4-0 riba Royal Scorpions Mr. Baseball/Banco di Caribe.
Den bòm di dos ining e ekipo Indjan ta anotá dos kareda,.
Despues ta sigui un duelo di picheo entre Oscar Lilra pa Scorpion i Ventura te den bòm di shete ining.
Den e entrada ei, Sta. Rosa ta bolbe anotá un kareda mas pa pone e skor 3-0.
Den bòm di oktavo ining Indians ta bolbe anotá un kareda mas na man di e relevista Quinlan De Windt.
Pa Sta. Rosa: 4 kareda, 7 hit, 1 eror. Jose Ventura ta gana i Quincy Ascencion di 5-3.
Pa Royal Scorpions: 0 kareda, 4 hit, 1 eror. Oscar Lilra a pèrdè i Ferdinand Rosalina.Gedion Sambo di 3-1.
Awe tin pa 8’or na Stadion Johnny Vrutaal, Wild Cats/Fatum/Kambes kontra di Sta. Maria Pirates/Chippie.
E tabla di posishon ta lo siguiente:
Sta. Maria 9-0
Sta. Rosa 8-3
Wild Cats 6-3
R. Scorpios 5-6
Gr. Kwartier 3-6
Cur. Yankees 3-8
Blue Hawks 1-9

WASHINGTON – E kampañanan presidensial di Barack Obama i John McCain a interkambiá akusashon mutuo pa motibu di a introdusí e tema rasial den e debate presidensial i a kulpa otro pa e tono negativo kresiente di nan publisidat.
McCain a akusá Obama di ta hasi polítika di nivel abou ku e tema rasial ora el a pronostiká ku e senador republikano lo ta trata di spanta e votadónan ku e afirmashon di ku e kandidato demokrat “no ta parse e otro presidentenan di e biyetenan di dòler”.
E konsehero di Obama David Axelrod a indiká ku e tema di rasa a sali fo’i man únikamente ora e kampaña di McCain a kritiká e komentarionan formulá djarason pa e senador di Illinois, di ku si e yega Kas Blanku lo e bira e promé presidente di koló di e pais.
E gerente di e kampaña di McCain, Rick Davis, a akusá Obama djaweps di ta “hunga e sentro di rasa”.
Pero, Obama no a aklará su komentario di djarason ora el a referí su mes na e imágennan di e presidentenan merikano ku ta aparesé riba e dòlernan di papel, nan tur ta blanku, manera George Washington, Abraham Lincoln, Andrew Jackson i Ulysses S. Grant. Nan tur, ménos Grant, tabatin mas aña ku Obama dianan a yega na presidensia.
McCain no a menshoná e tema di rasa den su kampaña elektoral, ounke el a ser kritiká pa a vota kontra un proyekto di lei ku ta deklará dia di fiesta federal e fecha di nasementu di e pastor di koló asesiná Martin Luther King. Despues el a rekonosé ku tabata un eror di a bai kontra e proyekto.

GOIANIA, Brazil – Un hóben brasileño ku supuestamente a konfesá na polis e asesinato i mochamentu di un menor ingles, a afirmá djabièrnè ku e tabata demasiado drogá pa rekordá loke el a hasi na momento di e krímen.
“Mi no ta kòrda mashá, mi tabata muchu drogá”, e brasileño Mohammed D’Ali Carvalho dos Santos a bisa AP for di su sèl di 2x5 meter na warda di polis di Goiania, 200km wèst di Brasilia, kaminda e ta detené for di djaweps.
El a bisa ku el a usa ‘crack’ (beiz) i kokaina djasabra anochi ora supuestamente el a hinka e hóben ingles Cara Marie Burke di 17 aña, promé ku el a kita su kabes i kòrta su kurpa na pida.
E bòdi a ser haña den un valis na kantu di un riu serka di Goiania, miéntras ku e sobrá a ser tirá den un riu, na 20 km for di e siudat.
Ora a puntr’é kon e ta sinti pa e echonan di kual ta akus’é, el a respondé “malu, hopi malu”, i el a atmití ku e anochi dje krímen el a bringa ku e mucha muhé, kende el a konosé na Londres. E mama i ruman hòmber di Carvalho ta biba na e kapital ingles.
Djabièrnè mainta Carvalho a ser hibá na un brùg riba e koriente di awa kaminda el a tira kuater saku di plèstik ku e kabes, brasanan i pianan di Burke, miéntras un tim di reskate di bomberonan a rondia e aria pa buska restunan.

CARTAGENA, Colombia – Presidente Alvaro Uribe djabièrnè gradisí Venezuela pa e kaptura i deportashon e siman aki di un supuesto miembro di e rebeldenan di FARC.
Gabriel Culma Ortiz, un supuesto miembro di FARC a keda deportá djaweps pa outoridatnan venezolano pa Colombia. Culma, alias “Guillermo” a keda detené 26 di yüli pa Warda nashonal venezolano na e estado na frontera di Amazonas.
Despues ku outoridatnan venezolano a haña sa dje detenshon, Culma a keda entregá na polis ku a hib’é Caracas pa determiná su identidat i nashonalidat.
Embahada di Colombia na Caracas a entregá e antesedentenan penal i hudisial di e detenido i a konkluí ku e tabatin pendiente un òrdu di kaptura for di febrüari 2007 pa delitunan di rebelion, segun e minister venezolano Tarek El Aissami a bisa.

--
Hopi hende a rekòrdá kaida di un brùg na Merka

MINNEAPOLIS – Algun shen hende, for di funshonarionan di estado te asta sobrebibientenan, a asistí djabièrnè na un seri di seremonia pa e promé aniversario di e kaida di un brùg na Minnesota.
Un seremonia interreligioso di un ora a tuma lugá den basílika di Santa Maria, na Minneapolis. E kor dje iglesia a eligí pa e seremonia un kansion titulá “I need you to survive” (Mi tin mester di bo pa sobreviví), i un grupo di indígenanan merikano a toka tambú.
Durante e seremonia a resa plegarianan kristian, hindú, hudiu i musulman.

BOGOTA – Korte Supremo di Hustisia djabièrnè a kondená un senador di partido di gobièrnu na shete aña di prizòn pa su lasonan ku paramilitarismo i kambio di resultadonan elektoral.
E senador Luis Eduardo Vives Lacourure, di Partido Convergencia Ciudadana ku ta respaldá presidente Uribe, a ser kondená pa su relashon pa kometé delitu i kambio di resultadonan di elekshon, asina ofisina di prensa di e máksimo korte a indiká.
Vives, detené for di 15 di febrüari 2007 den prizòn La Picota na Bogota, tabata ser investigá pa supuesto lasonan ku paramilitarnan ku tabata operá den e zona di magdalena na nort ost dje pais.
E senador ta sigur e di tres persona kondená pa korte debí na e lasonan ei ku paramilitarismo, miéntras ku sigur mei dozein di eks representantenan di Kámara tambe a ser kondená pa hustisia ordinario pa kargonan similar.
E investigashon hudisial ke trata di fiha si polítikonan i paramilitarnan tin un akuerdo pa kue kòntròl polítiko i atministrashon di diferente region di Colombia, mediante froude elektoral, repartishon di kontraktnan ofisial i intimidashon di rivalnan polítiko i outoridatnan lokal.
Pa e skandal konosí komo e kaso di “parapolítika”, sigur un 60 kongresista – di un Senado di 102 miembro i un Kámara Baha di 164 miembro – ta ser investigá pa Korte Supremo i Fiskalia General.

Score: 6.0, Votes: 1

WILLEMSTAD – Renaissance Curaçao Resort & Casino lo tin un toke klásiko i estilo kontemporáneo moderno ku sofistikashon oropeo. Renaissance lo ta e úniko resòrt ku lo kapturá mundu ku energia kolorido, entretenimentu i playa históriko i kultural pa duna e resòrt aki un aseptashon úniko den mundu turístiko. E resòrt aki lo keda kompletá na e konstrukshon históriko di Riffort Village ku ta un monumento ku a konstruí den siglo 19 pa protehá kontra invashon di enemigunan riba e isla. Ámbos lo pèrkurá pa trese un bida nobo den e historia legendario di atrakshon.
Pa loke ta trata akomodashonnan Renaissance Curaçao Resort & Casino ku un kantidat di 240 kamber i suites. E kamber lo tin un diseño karibense kombiná ku oropeo pa proveé e turistanan e komfort i luho. Tin di e kambernan ta ofresé un bista riba laman i ku balkon espasioso, miéntras ku e suitenan tin nan jacuzzi. Tur e kambernan ta diseñá ku atenshon spesial pa sirbi pa bo sinti bo mes na kas, apesar ku ta for di bo kas.
E repartishon di kategoria di kambernan ta lo siguiente:
98 Resort Room, 44 Island Room, 81 Ocean Room, 4 Executive Suite, 4 Regal Suite, 3 Imperial Suite i 3 Majestic Suite. Pa loke ta trata Resort Room ta kambernan ekselente i ku bista riba e bulevar di kompra for di bo balkon. E kambernan aki tin kama grandi (King size) òf dos (queen). Tur e kambernan lo tin sistema di Internèt, frishidèr, mashin pa traha kòfi, heru i su tabla di strika, aparato pa seka kabei, ‘bathrobes’, kaha di seguridat, televishon flat screen i un baño konfortabel.

WAWOE
Olympia Anastacia (90 aña)
Mihó konosí komo Shon Lin òf Pipia
A laga atras su rumannan Ernesto, Cathalina, Luciano, Lucia, Salustiano, Jozef Wawoe tur ku nan famia, kuñá Genoveva Wawoe i famia. Akto di entiero ta djamars 5 ougùstùs for di El Consolador pa santana Willibrordus. Bishita 1or. Promé ku entiero tin un respòns 3.30or na El Consolador.

CICILIA
Rainelda Carmen
A laga atras su kompañero di bida Wilfred Horton, mayornan Julia i Eulogio Cicilia, yunan Sayvecka Valentina i Tico, Riglion Valentina, ñetunan Sayderien i D’angelo Valentina. Akto di entiero ta djaluna 4 ougùstùs 4or for di El Tributo pa santana Montaña. Bishita 1or. Promé ku entiero tin un respòns 3.30or na
El Tributo.
WAWOE
Franklin Jacinto
A laga atras su kasá Maritsa Wawoe-Maria, yunan Jealaine Alexander i esposo, Charaima de Jesus i esposo, Mihaila Wawoe, Sisinia Wawoe tur ku nan yunan. Akto di entiero ta wòrdu anunsiá despues

EDUARDO
Demetrio Saturnino
Mihó konosí komo Egto
A laga atras su yunan Humphrey Eduardo i Minerva Soerka, Marelva, Edward, Shulmar Eduardo, Minouska Eduardo i Eugene Steba. Akto di entiero ta djamars 5 ougùstùs for di El Consolador pa santana Jandoret. Bishita 1or. Promé ku entiero tin un respòns 3.30or na El Consolador.

CURIAL
Frank
Mihó konosí komo Frenki
A laga atras su kasá Ana Curial-Torbed, yunan Ancheline i Chayo Ernestina-Curial, Jhonny Curial, Norvel i Nancy Curial-Beaumont, Norina i Audric Richardson-Curial, Judy Zimmerman, Etty i Sharine Paulina. Akto di entiero ta djaluna 4 di ougùstùs for di El Señorial pa santana Jandoret. Promé ku entiero tin un s.s. di misa 4or na misa Jandoret. Bishita 1or.

Lorito ta yama tur hende un felis djasabra. E djasabra aki a bira diripiente un djasabra masha muhá. Lorito mester a dèk masha pa nos no muha nos alanan.
*********
Siman ta sera ku un gran kantidat di interogatorio riba e kaso Curoil. Lorito ta kere ku e direktor no a hasi su mes un gran fabor. Den promé instansia el a para duru i awor nos a komprondé, ku tòg el a bai di akuerdo ku e fakansi ku a imponé riba dje. E kos a keda masha erátiko. Nos tabatin gana di sa kiko korte tabata pensa di e desaroyonan na e kompania. Di tur manera ta parse ku Earl i su hendenan a gana e promé rònt.
*********
Nos mester bisa ku ta masha kos a kuminsá sali na kla diripiente. Lorito a komprondé, ku e hendenan di LA PRENSA a haña un karta kayente di un di e trahadónan. Parse ku e kompania ke bin ku un sistema kaminda tur hende ku sali for di e kompania no por bai prensa. Lorito a komprondé, ku e kos aki tin diferente trahadó masha preokupá. Nos por imaginá nos mes, ku un hende por haña órden pa no bai traha na un kompania ku ta traha den e mesun área pa sierto kantidat di aña, pero asuntu di pone prohibishon pa papia si ta bai demasiado leu.
*********
Nos no a komprondé tampoko, di kon diripiente e eks funshonario ku a bai, bin bèk, awor a bolbe bai. Niun hende no kier papia riba e kaso. Lorito a komprondé, ku el a bai mainta i e otronan a bai atardi. Kiko ta bèrdat nos no sa, pasobra niun hende no ke papia. E siman aki tabata su último dia komo konsultant na e kompania. E tabatin un kontrakt di dos aña, di manera pues ku tin basta pregunta rondó di e kaso aki. Nos lo bin bèk riba e desaroyo aki.

WILLEMSTAD – Un biaha mas nòmber di Antia ta den notisia internashonal, despues ku a resultá ku e kompania ku ta sentro di e skandal ku a pone promé minister di Israel Ehud Olmert baha e siman aki, ta registrá na Antia. E kompania yama ImageSat International N.V. i ta registrá na Kámara di Komersio.
E promé minister di Israel Ehud Olmert a anunsiá e siman aki, ku e lo renunsiá despues ku su nòmber a aparesé den e skandal aki di soborno. Ta investigando diferente e kaso den kua e mandatario a tuma algun 100 mil dollar di un komersiante israelí residensiá na Merka. Awe polis a tende Olmert pa di 4 biaha den e kaso aki. E testigu prinsipal di hustisia den e kaso ta e komershante Morris Talansky di Woodmere na Merka. Talansky, un rabi òrtodòks, a pone kos kuminsá lora na momentu ku el a señalá e kompania ImageSat International N.V. a hiba un mal maneho i a kometé aktonan di froude. Talansky, miéntras tantu ku diferente akshonista a kuminsá un kaso pa nan haña nan sèn bèk di e kompania. Nan ta eksigí algun shen mion dollar. E kompania ta spesialisá den benta di ekipo sofistiká di opservashon ku satélite. Dos kompania grandi di defensa i aérospashal di Israel ta akshonistanan di ImageSat. Un di nan ta propiedat di gobièrnu di Israel.
E akshonistanan a pensa di kuminsá e kaso di demanda na New York, pero e siman aki wes Denis Cote a disidí ku New York no ta e lugá adekuá pa e kaso aki komo ku e kaso ta kompliká i e gastunan ta haltu. Komo ku ta trata di un kompania ku su base ta korporashonnan na Israel ta mas lógiko pensa ku nan bai sigui e kaso na Israel, asina e wes a bisa.