ORANJESTAD- Departamento di Asunto Social en especial, e teamnan di districto di San Nicolas y Savaneta ta invita comunidad di Aruba pa asisti na e workshop di e proyecto “Conecta cu bo Yiu” cu ta tuma lugar dia 26 y 28 di augustus 2008.
Den e workshop aki e participantenan lo ricibi consehonan practico y alabes ta haya oportunidad pa haci nan preguntanan encuanto relacion entre mayor y yiu.
E oradornan pa e anochinan aki lo ta terapista di pareha y famia sra. Enid de Kort, e trahador pa hubentud di team di districto concerni y ortopedagogo sra. Yvonne Geerman- Bermudes.
Pa e ocasion aki lo trata temanan cu ta concerni disciplina y comunicacion. Como mayor y educador ta di suma importancia pa aplica disciplina conciente y pa mantene dominio di control propio en especial den momentonan di conflicto.
Tambe lo duna consehonan con pa crea momentonan pa conecta cu bo yiu den cual comunicacion y relacion entre mayor y yiu ta central.
Ser mayor pa un gran parti ta tuma lugar den un forma natural basa riba e amor y intuicion. Sinembargo e bida a bira mas complica cu consequencia cu educacion di un yiu ta exihi mas abilidadnan di e mayor.
E workshop aki ta brinda e oportunidad na e participante pa enrikese su conocemento y abilidadnan pa asina e por sigui desaroya su mes como persona y como mayor.
Entrada ta completamente gratis.

ORANJESTAD - Universidad di Aruba ta informa cu e inscripcion pa studiantenan pa Facultad Financiero Economico (FEF) y e Facultad di Hospitalidad y Turismo (FHTMS)a sera.
Inscripcion pa Facultad Huridico ta sera dia 1 di September 2008. Motibo pa sera e inscripcion ta, cu e sesionan di Facultad di Hospitalidad y Turismo (FHTMS) a cuminsa caba y esnan di Facultad Financiero Economico (FEF) y Facultad Huridico (FdR) lo inicia dia 1 di September benidero.
Ademas Universidad a alcansa un cantidad grandi di 85 studiante pa FEF y Universidad kier garantisa tur studiante di suficiente atencion personal.
Universidad di Aruba ta desea tur studiante hopi exito den nan carera estudiantil.

ORANJESTAD- E Remanan cu lo ser trata e siman aki den e Programma “Chat cu …mente positivo” lo ta Comunicion y Motivacion.
Manera ta conoci e programma “Chat cu … mente positivo” ta pasa tur dialuna anochi pa 9:00 na Tele-Aruba y ta consisti di diferente edicionnan cu temanan y topiconan di positivismo pa yuda cada ser humano y humandidad den su totalidad pa yega na solucionnan y resultadonan cu lo trece felicidad pa cada ser den nan bida.
“Chat cu ….. mente positivo” ta trata atraves di dialogonan positivo y forumnan pa juda, guia y motiva tur ser humano con pa usa e poder di nan mente.
E siman aki e temanan Comunicacion y Motivacion lo ta e puntonan central di e programma, unda e presentadornan Sra. Belquis Moreu; Sra. Sharon Alexander y Sra. Veronie Fingal lo dialoga y comparti informacionnan valioso cu ta toka cada ser humano, di chikito te grandi.
Comunicacion, un tema, un acto asina importante den bida di cada ser humano, cu tin su normanan, su consecuencianan y balor pa cada sector di henter un comunidad y humanidad.
Y e tema di Motivacion cu ta un factor principal den desarollo pa/cu e cambionan den bo bida diario cu lo ta basa ariba productividad, prosperidad y felicidad.
Ambos tema lo ta relaciona cu e uso di bo mente humano. Un invitacion ta bai na henter e comunidad di Aruba pa presencia e programa “Chat cu ….. mente positivo”, dialuna awor pa 9:00 di anochi na Canal 13.

‏

ORANJESTAD- Den ultimo dianan pueblo por a ripara con un gobierno sin vision ta malgasta placa di pueblo y escusanan hopi fofo pa justifica esaki.
E asunto di sleeping police ta algo cu hopi hende no por caba di compronde.
Si e sleeping policenan a yega Aruba mester ta tin tin un plan den lugar caba na unda ta bai pone nan y con lo a hasi esaki. A warda pa un accidente pasa y un minister cu tawata cu vakantie pa di un dia pa otro pone esakinan tur caminda cu permiso di e minister suplente.
Unda e planificacion tawata pa unda pone e sleeping policenan. Ken mester a pone nan
Ken ta encarga pa determina con largo esaki mester tawata y con halto nan mester ta??
Tur esakinan ta preguntanan cu pueblo ta hasi pasobra ta imposibel mira e incapacidad di e gobierno aki pa hasi algo coordina.
Esun cu a popne esaki awor a gana placa poniendo nan , a gana placa kitando e sl;eeping policenan y awor atrobe ta bai gana placa poniendo nan un biaha mas. Y pueblo ta sigui sufri.
Cu e sleeping policenan mester bin banda di scolnan mi ta completamente di acuerdo pero ta pesey nos tin expertonan na DOW toch. Di con no a envolvi y pidi conseho di e expertonan aki pa cu e sleeping policenan. Nos tin un gobierno den islanan chikitop riba nos isla chikito. Y durante di e 7 anja di gobernashon nos a mira con e islanan aki ta contradeci otro. warda pa un bai afo of bai cu vakantie pa probecha di e cartera di otro . Imposibel pa kere cu den anja 2008 esaki ta pasa na nos isla.
Scolnan a cuminsa y ainda na varios caminda nos ta mira camindanan den mal estado. Di anja pasa mi habitantenan di Caya Jose geerman Geerman ta pidi un recap di e caminda aki. Un di e camindanan principal na San Nicolas. Te awe nada. Vakantie a bin y vakantie a bai y ainda e caminda aki ta den mal estado. Kiko ta warda pa algo pasa pa dreche. Otro caminda cu tawta den bon estado a wordo drecha pero ta paarce cu ora ta trata di camindanan den cierto barionan mester warda mas tanto.

 

WILLEMSTAD – Un hòmber sin pèrmit di estadia ku tabata será den barak di ilegal na Bon Futuro, a bebe kloròks i ta interná den hòspital. E hòmber libanes tin algun aña kaba na Kòrsou sin pèrmit. E suseso akí ta kostando hòspital hopi plaka, ya ku e hòmber no ta sigurá.
No ta konosí kon eksaktamente e suseso a tuma lugá. Ku urgensia mester a transportá e hòmber pa hòspital pa por a spula su stoma. E ta interná algun dia kaba riba gastu di SEHOS, ya komo ku e no tin un seguro pa kubri e gastunan. Debí ku e ta un ilegal, esaki ta eksigí tambe presensia di un bewaker. E di su ilegalidat ta pone ku e por hui for di hòspital pa e keda Kòrsou. E hòmber tin un relashon ku un dama kolombiano ku tambe ta ilegal na Kòrsou. Nan tin dos yu. E situashon aki por resultá ku tin ku deportá e dama i su yunan pa Colombia i e hòmber lo tin ku bai Libanon bèk, loke ta hasi e kaso mas dramátiko.
No ta konosí kon el a yega na e kloròks ora e tabata den barak. Ta konosí ku prezunan den Bon Futuro i estranheronan será den barak wardando riba nan deportashon, no tin nada huntu ku nan, ku kual nan por hasi nan mes daño. P’esei e pregunta si e tabatin e kloròks den barak ta hopi importante. LA PRENSA a kombersá ku e bosero di Bon Futuro, Aldino Schoop i el a splika ku e mes no tabata na trabou i e lo buska e detayenan. Sinembargo esaki no a logra te na momentu ku LA PRENSA mester a bai imprenta.

Skina di Sorti, awe djasabra 23 di ougùstùs di 2008, ta kuminsá ku deseá tur hende un bon dia. Polítika ta un fenómeno ku apesar ku hopi akshonamentu ta aparentá di ta karesé di lógika (e formulashon korekto ta ku e no ta pas den e kuadro di pensa di e evaluador) ta konforme e reglanan ku ta splika komportashon humano. E base ta keda motivashon individual, interes ku ta trese hende huntu den un grupo i forsanan ku ta influensia e proseso interaktivo na kual e aktornan ta partisipá.
****
Komo ku e interesnan i e faktornan ku ta influensia e prosesonan tin sierto aspektonan general (mas general bo pone e bista, mas gròf e kriterionan i konsekuentemente mas grandi e kongruensia) bo por yega na sierto ponensianan generalisá riba tendensia di komportashon den respektivo áreanan di bida. Ta p’esei por ehèmpel un Nikita Khrushchev tabata tin sierto grado di rason ku su ponensia:"Politicians are the same all over. They promise to build a bridge even where there is no river."
****
Bo por reformulá e ponensia bisando ku rònt mundu elektorado ta laga su mes wòrdu manipulá pa aktor polítiko ku ta bende su mes ku kosnan ku no ta relevante pero ku ta alimentá riba imaginashon i deseo di un grupo grandi. Kosnan ku ta mas bien “too good to be true”, òf mas bien konseptonan válido pero sin konotashon ku e realidat di pais. Promesa di desaroyonan fabuloso den sektornan di turismo, aviashon, i atministrashon públiko na nivel insular ku nunka a kristalisá ta kai den e kategoria aki.

“If you read this article, you must have some worries; for the simple reason that everyone who can read or write has worries from time to time, and maybe even all the time. What separates us from one another is how we react to worry and how it affects our lives. At times you struggle hard to achieve and when finally you reach the top, you realize how heavy your responsibilities become. Enter worry, which may cause to keep you awake at night. Worry follows success, and also excess. It is one of the most common causes of sexual dysfunction, especially in this stressful world and lifestyle. It causes rudeness and depression, insomnia and agony. One day a father came home and saw his first grade son sitting alone with a heavy feeling expression on his face. His son was in the first grade and already he felt the pressures of growing up. The father came and sat down next to him, and told him the following story:

“Once upon a time there was this happy bee. No matter what the weather, hot from the blazing sun, or cool from the wet rain, the bee was always buzzing around sucking honey from flowers all over its’ territory. One hot summer day, a horse invaded the territory of our friendly bee. The horse began to eat grass, left and right, and was so aggressive that in one of the bites, the bee went down with the grass inside the stomach of the horse. The bee was first furious, then afraid and worried. It suddenly found itself in a dark chamber, engulfed by digested grass. Of course our humming bee began to worry more and more. It worried itself “sick to its’ stomach. One day it had been free, then another day, a prisoner of the animal world. The bee began to plan a mode of action and salvation. It was going to sting the horse in the stomach with all the fury it could muster. Meanwhile, the motion of the stomach, in the process of digestion and the warm environment, had lulled the bee to sleep. Later during the day, the bee woke up, and lo and behold, nature had done its’ work on the horse and its’ digestion. You see, the horse was gone and the bee once again had its’ freedom, without a care in the world!”

TIFLIS, Georgia - Rusia ayera a anunsiá su retirada kompletu for di Georgia, desmentí pa Tiflis, miéntras Merka i Fransia a akusá Mosku di no ta respetá e akuerdo di tregua.
“E retirada di e trupanan i unidatnan ruso a keda realisá sin insidente i a keda kompletá”, e minister di Defensa ruso, Anatoli Serdiukov, a indiká.
Georgia inmediatamente a desmentí e anunsio i a bisa ku e Ehérsito ruso ta sigui ta presente na haf di Poti i na siudat di Senaki, situá wèst di e pais.
E presidente di Merka George W. Bush i e presidente di Fransia Nicolas Sarkozy ayera den kòmbersashon telefóniko a koinsidí ku Rusia “no ta kumpliendo” ku e akuerdo di tregua na Georgia, i mester kumpli “awor!”
E mandatarionan ademas a hasi yamada na Rusia pa “sigui i konkluí” su retirada for di Georgia, segun presidensia franses.
Koresponsalnan di diferente medio di komunikashon ayera a mira vehíkulonan militar ruso bandoná nan posishonnan avansá na sentro i wèst di Georgia, pa bai e regionnan separatista pro ruso di Abjasia i Sur Osetia.
A bolbe habri e karetera ku ta bai Gori, i polisnan georgiano a rekuperá e kòntròl di e siudat stratégiko aki ku ta uni ost i wèst di e pais, okupá pa Ehérsito ruso for di mas ku un siman.
Mosku a atvertí ayera ku su forsanan lo keda na vários punto stratégiko di e teritorio georgiano i huntu ku e teritorionan separatista, kaminda e forsanan di pas ta desplegá for di kuminsamentu di añanan ‘90.

BEIJING – Promé, e hòmber mas rápido den awa. I despues, esun mas rápido riba Tera.
E chinesnan ta disfrutando di un tremendo Weganan Olímpiko.
Michael Phelps a duna nos algu ku probablemente lo bo no mira atrobe. Bolt a siguié ku algu ku bo mester a mira pa ker’é.
El a realisá dos kareda ku a laga su atversarionan sorprendé.
Nan tabata pensa ku niun hende no por kore asina lihé. Di ta asina bon.
Promé Bolt a hasi payasada ora el a krusa liña final di 100m, ku el a gana ku un bentaha asombroso den e prueba kòrtiku ei.
Den 200m el a kore tur ku tin te final i el a kibra un rekòrt ku tabata resistí pa kai.
El a hasi esaki miéntras Phelps tabata keiru na Londres, ku su ocho medaya di oro bon wardá i un puesto entre e grandinan di historia olímpiko. Esakinan a keda pintá komo e weganan di Phelps, a lo ménos pa televishon. Pero Bolt a rekordá tur hende ku no ta semper televishon ta bisa ken lo bira e strea dje weganan.
Por diskutí e kantidat. Por ta parse inhustu pa kompará ocho medaya di oro ku tres, pero su superioridat tabata asina asombroso manera esun di Phelps den pisina.
Bolt a hasi loke no tabata parse posibel. No solamente el a gana e dos karedanan ku ta definí e límite di e velosidat humano, sino ku el a hasié ku rekòrtnan mundial den tur dos prueba. E tabata asina tantu dilanti e otronan ku e por a kore e último 30 meter ku lomba i gana.

BEIJING – Presidente di Union di Siklismo Internashonal a bisa ku e problemanan di doping di su deporte no ta pone su partisipashon den e Weganan Olímpiko na peliger.
John Fahey, kabesante di e agensia mundial anti doping, a indiká ku siklismo i hisamentu di peso mester deshasí di doping o nan ta kore rísiko di keda eliminá di e Weganan Olímpiko.
“E trabou di señor Fahey no ta di disidí kende ta den e programa olímpiko”, e presidente di UCI, Pat McQuaid a duna di konosé. “Te awe semper nos a haña respaldo di KOI, i partikularmente, di su presidente, Jacques Rogge”.
McQuaid a indiká no ta UCI ta esun ku ta kometé doping, sino e atletanan individual.
“Pakiko mester ekspulsá Uci o e deporte di siklismo di e Weganan Olímpiko? Nos a mira karedanan maravioso di ruta den un ambiente maravioso. Nos ta mirando ekselente karedanan di pista. Siklismo ta kontribuí hopi na e weganan”, el a agregá.
“Si señor Fahey ke hasi e tipo di komentarionan aki, e tin ku mira otro deportenan i komentá riba nan tambe, pasobra su sifranan no ta muchu diferente for di esnan di UCI”, el a trese dilanti.

BEIJING – Pelé a bisa ku su frustrashon di no e hunga ku su pais den un Olimpiada a impuls’é pa enkabesá un kampaña na fabor pa gana e sede pa Rio di Janeiro pa e Weganan di 2016.
“Un dje frustrashonnan ku mi tabatin ta ku den mi époka mi no por a hunga den un olimpiada. Esaki mi tabata falta i awor mi ta bai traha pa Brazil por haña e olímpiko aki”, Pelé a deklará den konferensha di prensa na e kapital chines, kaminda el a yega komo parti di e kampaña.
E strea brasileño a splika ku e weganan no solamente lo ta di Rio de Janeiro, sino di henter Amérika Latina.
“E no ta solamente pa Rio, nan ta pa henter Latino Amérika. P’esei ta importante, pasobra tin un poblashon hopi grandi di hóbennan ei i nan tin mester di e deporte ei”.
Pelé a bisa ku e mundial di futbòl di 2014 na Brazil ta sali hopi bon pa e organisashon di e weganan.
“E mundial ta un preparashon masha grandi pa e olimpiada, pasobra ku e mundial ya bo tin e komunikashon, e transporte ya ta mas o ménos prepará pa e olimpiada. Ta p’esei nos ta kere ku tin hopi chèns di triunfá”, el a afirmá.
E kampaña pa gana e sede di Rio ta impulsá tambe fuertemente pa e presidente brasileño Luiz Inacio Lula da Silva i su minister di Deporte, Orlando Silva, kendenan tabata presente na e inougurashon di e weganan di Beijing.
Na China, Lula a papia ku dirigentenan polítiko internashonal, ku miembronan di Komité Olímpiko Internashonal, “semper na defensa di e kandidatura”, minister Silva a splika AP. “Tin un simpatia masha grandi di mira e nòmber di Rio”, el a agregá.

SPRINGFIELD, Illinois, Merka, - E senador demókrata Joseph Biden, di Delaware, a keda eligí pa e kandidato presidensial demókrata Barack Obama komo su kompañero di fórmula i kandidato pa vise presidensia, di akuerdo ku e informashon emití awe mardugá.
Joseph Biden, di 65 aña, ta un polítiko eksperimentá ku mas ku 30 aña di servisio na Senado, i ta un di e ekspertonan prinsipal den polítika eksterior di su partido, un área ku Obama tin mester di yudansa den su kontienda polítiko frente su rival republikano John McCain, segun datonan di enkuesta.
Un bosero demókrata, kende a papia bou di e kondishon di keda anónimo, a señalá ku e no ta deseá ruina un anunsio ku e kampaña di Obama a primintí pa awe mainta.
Den un hornada di suspenso polítiko, e gobernador di Virginia, Tim Kaine, ayera a bisa ku e lo no bai ta e kompañero di fórmula di Barack Obama, e virtual kandidato presidensial demókrata.
Kaine a emití e informashon di ku Obama a yam’é na telefòn, miéntras komo no di kustumber tabata manteniendo Joseph Biden aislá for di esena públiko.
Di su banda, un funshonario demókrata serkano, Bill Richards, a anunsiá ku a deskartá e gobernador di New Mexico.
Algun kolaboradó a spekulá, ounke nan a ninga di tin informashon definitivo, ku Biden lo bai ta esun eligí, i nan a añadí ku a pidi nan yudansa den kaso nesesario.

WILLEMSTAD – Fatum despues di 9 aña lo duna nan fachada tratamentu di fèrf pa amplia ku e kolónan ku ta aparesé den e logo di Fatum. Steven Martina, direktor general di Fatum Caribbean, a presentá e kambionan kompleto den e kolónan di e edifisio ku ta fit bon ku e Fatum Annual Report 2007. Ku e tema “Changes”, Fatum lo amplia riba tópikonan manera entre otro financial performance, operational excellence, market outlook, high performance culture i mas. Tur esaki ku mira i bista riba bienestar di e kliente final, akshonistanan i naturalnmente e komunidat kompleto E trabou ta na enkargo di Rowij Bouw Chemie NV i den un ‘kick off’ Peter Ganteaume, CEO di Guardian Holdings Ltd konhuntamente ku Steven Martina direktor general i demas miembronan di gerensia Robert Rosalia, Jack Antonissen, Fransisco Theodora ta e proménan ku a kuminsá ku e trabounan riba e edifisio di Fatum.

WILLEMSTAD – Subida di preis di kombustibel a aportá na e kaha di gobièrnu pa medio di OB. Si tempu ku minister Zus de Lannooy a duna un ehèmpel ya tabatin un entrada di 4 mion florin, awe esaki ta mucha mas tantu. Esaki no ta nifiká ku gobièrnu lo bai na hasi ehersisio, ya ku mester duna ekspertonan hasi na kalkulashon pa por bisa ku gobièrnu lo por duna un alivio den e preis haltu di gasolin.
Minister di Finansa a duna un ehèmpel pa buska un forma pa suavisá e preis haltu riba gasolin i no manera Plataforma Sindikal a deklará e siman aki ku tin un primintimentu mará na esaki. Minister di Finansa, Zus de Lannooy a deklará, ku enbèrdat den konferensia di prensa di PNP a deklará komo ehèmpel ku ekspertonan lo bai studia pa mira si por logra trese un forma pa suavisá e preis haltu ku ta paga gasolin dor di e entrada èkstra ku a paga na OB.
E tempu di e deklarashon aki tabatin sifra ku tabata sostené su deklarashon, ya ku gobièrnu a haña un entrada èkstra di 4 mion florin. “Te na ora ku si bai na realisá ehersisionan den e direkshon aki, e komunidat lo no sinti esaki, prinsipalmente ora no tin un struktura den esaki.”
E Minister di Finansa a afirmá, ku lokual tin riba mesa awor aki mester traha riba dje. “Mester bai buska un forma pa haña un preis preferensial serka Venezuela, di manera ku por logra na bende e gasolin na un preis mas abou na e pueblo.”
Manera ta konosí, ku e siman aki Plataforma Sindikal a trata vários punto ku nan a konsiderá di urgensia, den kua nan lo bai pone preshon pa e resultadonan. Un di e puntonan tabata sueldo mínimo, preis haltu di produktonan den supermerkado, fleksibilidat di merkado, lei di retiro i tambe manera nan a bisa ku minister di Finansa a primintí di hasi un ehersisio den akseins i OB, di manera ku por duna un pueblo alivio riba e preis haltu di gasolin.

PIETERS
Remigio
Mihó konosí komo Micho
A laga atras su kasá Norma Pietersz-Yzer, yunan Tyrone i Nicole Pietersz, Marily Pietersz, Giovanni i Natali Pietersz, Heinrich Pietersz i Alma Kuster, Shamir i Monique Pieterdsz, D’Angelo i Sabrina Pietersz. Akto di entiero ta djaluna 25 di ougùstùs for di misa Steenrijk pa santana Berg Altena. Bishita 1or. Promé ku entiero tin un s.s. di misa 3.30or.

FELIPA
Erna Irene
A laga atras su yunan Siegfried i Maribel Felipa, Fernando i Maria Teresa Felipa, rumannan Harry, Freddy, Glenda, Astrid Felipa, Ivy Paula. Akto di entiero ta djamars 26 ougùstùs for di misa Z-Bonam pa santana Bottelier. Bishita 1or.

FRAAY-ILARIA
Vilma Rosita (76 aña)
A laga atras su kasá Sixto Fraay, yunan Rudsel Fraay i Maybelline Leolina, Luthwina, Sidney, Sheila Fraay, Sidney i Rutsela Fraay, Gwendell Fraay i Sharnella Ible, Arlison Fraay i Amarilys Prudensia, Marlon Fraay i Lidia Puriël. Akto di entiero ta djamars 26 di ougùstùs for di el señorial pa santana Sta. Maria. Bishita 1or-3.30or. Promé ku entiero tin un s.s. di misa 4or.

DAAL
Maira Alejandra (repentino)
A laga atras su partner Siegfried sr Ijs, yunan Siegfried jr., Iraina i Robin, ruman Maida, Gladys, Boy, Errol, Felix, Rignald, Ronald, Eddie, Soraida i Sonja Daal. Akto di entiero ta djarason 27 di ougùstùs na Ulanda.

NG-SEBELON
Ines Martina (90 aña)
Mihó konosí komo Mai Chita òf Mai Ines

WILLEMSTAD - E forma ku gobièrnu a trata Kolegio Omega ta muestra di abusu di poder. Nos ta bibando den un estado di derechi, no den un estado totalitario kaminda un minister por hasi i tuma e desishonnan ku e ta haña ta bon. Danki Dios nos tin un sistema hudisial ku por koregí e tendensianan aki na tempu, di akuerdo ku mr. Anthony Eustatius, presidente di direktiva di Kolegio Omega, den un promé reakshon riba e veredikto di djaluna último.
Gobièrnu Sentral mester drei bèk e desishon ku ela tuma pa revoká rekonosimentu di Kolegio Omega, asina korte a disidí. Ku otro palabra, mester sigui rekonosé e skol aki.
Ta konosí ku Gobièrnu Sentral luna pasá a revoká e rekonosementu ofishal ku Kolegio Omega tabatin. E desishon ta basa riba e nesesidat pa garantisá nivel na e skol, asina minister di Enseñansa Omayra Leeflang a anunsiá.
Inspekshon di Enseñansa a hasi un análisis di e situashon na e skol i a yega na e konklushon ku kos no ta kanando manera mester ta. Segun e mandatario, a konstatá ku tin un diferensha grandi den e sifranan di eksamen, loke ta inaseptabel pa gobièrnu.
Basá riba e análisis aki di Inspekshon di Enseñansa, a yega na e konklushon ku no ta responsabel mas a mantené e skol aki komo un skol ku rekonosimentu ofisial, segun e minister.
Den korte, gobièrnu a defendé su mes, argumentando ku ta e, ta responsabel a kalidat di enseñansa.

WILLEMSTAD – “Ta kuestion di tempu, promé ku e lei ku ta regla un oumento di sueldo mínimo ku 15 porshentu drenta na vigor. Ta bon pa partidonan enbolbí demostrá madures i keda trankil, pasobra e oumento ta bini”, asina parlamentario Marlon Jamaloodin a bisa, relashoná e ku e diskushonnan ku a surgi siman pasa riba e tópiko aki.
Pa sindikatonan no tin diskushon: sueldo mínimo méster drenta na vigor entrante 1 di sèptèmber benidero. Un karta, den kua sindikatonan ta urgí pa esei a bai djaweps siman pasá pa Gobièrnu Sentral, pa Gobièrnu Insular i pa sektor empresarial.
Parlamentario mr. Faroe Metry (PNP), konsiderá komo e tata spiritual di e proyekto di lei ku a nase den Staten siman pasá a bati bèl i a denunsiá ku tempu ta pasando i ainda no tin moveshon pa gobièrnu duna su aprobashon final. T’asina ku a hasi nèt un luna ku Staten a aprobá e lei en kuestion, pero en realidat tur kos a keda drumi.
Despues ku e lei a pasa den Staten, a mand’é pa Gobièrnu Sentral, ku na su turno a manda esaki pa Raad van Advies pa konseho.
E problema ta ku te awe, despues di algun siman, ainda Raad van Advies ni sikiera a kuminsá trata e proposishon di lei pa formulá un konseho riba dje. A anunsiá ku fecha ku e lei aki lo mester drenta na vigor ta dia 1 di sèptèmber benidero.
Sindikatonan a bisa ku n n en todo kaso, no ta aseptá mas tardansa i ta eksigí pa dia 1 di sèptèmber awor, sueldo mínimo drenta na vigor.

WILLEMSTAD - Gobièrnu mester splika pueblo na plaka chikí, di kon preis di kombustibel no ta bahando, ounke preis di petroli riba merkado mundial a redusí basta último lunanan. Ami lo proponé pa gobièrnu kuminsá un kampaña di informashon ekstenso riba e kos aki, asina Gregory Damoen, lider di frakshon di Forsa Kòrsou den Konseho Insular a bisa durante e reunion públiko ku a atendé futuro di Refineria Isla.
Den su edishon di djaluna último, LA PRENSA a informá ekstensamente di kon ainda no por baha preis di kombustibel na Kòrsou.
Ounke ta konosí ku preis di krudo a kuminsá baha, nos ta papiando aki na Kòrsou ketu bai di e nivel di preis krudo ku tabata konta na luna di mei último. Por sierto ku tin un petishon atrobe di Curoil pa oumentá preis di kombustibel, basa riba un oumento di preis di krudo na luna di mei i yüni ku a pasa, asina diputado enkargá ku asuntunan di energia Humphrey Davelaar a splika.
Diputado Humphrey Davelaar a bisa ku e tambe a tuma nota di e desaroyo ku a kuminsá pinta un poko mas positivo, pero ku ainda nos no ta asina leu ku por apliká un redukshon di preis di kombustibel.
Curoil, komo konsekuensha di e tardansa ku semper tabatin pa adaptá preis di kombustibel na e nivel di merkado, a sufri un pèrdida di 100 mion florin. Ku otro palabra, ainda e redukshon den preis di krudo no a alkansá e nivel di luna di mei i mester tene kuenta ku na yüni krudo a sigui subi.

WILLEMSTAD - Ámtenarnan di e islanan Boneiru, Saba I Statia, konosí komo islanan BES ta reklamando ku e trabou ku nan tin ku hasi pa logra haña e status estatal nobo, ta birando demasiado.
Boneiru, Saba i Statia, ta aspirá pa bira un sorto di munisipio di Ulanda, despues ku Antia stòp di eksistí.
Hans Weitenberg, profesor ku ta na kabes di Kolegio pa Supervishon Finansiero, a rekonosé ku esei t’asina. El a bisa ku e kolegio ta eksigiendo hopi di e islanan ku ta konfrontando un eskases na empleado kalifiká pa hasi e trabou.
Kolegio pa Supervishon Finansiero, Cft, ta establesé i ta operá for di teritorio di Kòrsou.
“Si no paga tinu, nos ta hasi e hendenan aki loko. E problema ta ku tin masha hopi trabou i ta un sierto kantidat limitá di empleado públiko so ta hinkando nan skouder bou di e kos aki”, asina Weitenberg a komentá.
“Loke nos mester hasi,”asina ela sigui bisa “ta pone prioridat. Nos no mester eksigí di mas di nan. Di otro banda mi mester atmití ku tin masha hopi trabou ainda pa hasi,”segun e presidente di Cft.
Manera nos a informá kaba, e kolegio, despues di un evaluashon ta konsiderá ku situashon i maneho finansiero di e islanan ta bayendo bon. Pero, ainda tin diferente kos ku mester kambia. Último dos simannan aki e kolegio a papia ku representantenan di e islanan pa weta kon e proseso pa pone òrdu den situashon i maneho finansiero ta bayendo.
Kontrali na e forma di hasi kos te ku awor, e kolegio a opta pa no bishita e islanan unu pa unu manera ela hasi den pasado, pero pa konvoká un enkuentro na Kòrsou ku representante di tur e islanan, partikularmente e diputadonan di finansa.

WILLEMSTAD - Kòrsou ta bai hasi mas esfuerso pa haña turista for di merkado merikano. E kampana “Curacao Now!” mester duna su frutanan den esaki, asina Billy Jonckheer, vise presidente di Curacao Hospitality And Tourism Assocation, CHATA a deklará.
Turismo for di Merka ta bou di preshon enorme. E oumento konstante di preis di petroli ku a bin ta tuma lugá tabatin su konsekuensia tambe pa mundu di aviashon pasobra entre otro e preis di pasashi ta subiendo poulatinamente.
Hopi hende no por biaha mas òf ta preferá di biaha pa un destinashon den nan serkania. Esaki a pone ku kompanianan grandi ku ta bulando pa Kòrsou tambe ta evaluando tur kos i tin kompania ku ya kaba a redusí òf asta para nan kantidat di buelo pa nos isla.
Billy Jonckheer a bisa ku sektor di turismo na Kòrsou ta bon konsiente di esaki. Kòrsou ta konsiente ku e demanda si ta haltu na Boneiru, na Aruba i na Islariba. Esei ta enserá ku Kòrsou mester bai traha mas duru riba su propio promoshon, el a bisa.
Manera ta konosí, tin un komishon ta trahando spesífikamente riba ampliashon di konekshon aéreo pa Kòrsou. E komishon aki ta konsistí di entre otro CTB, CHATA, DEZ i CAP.
E komishon aki, ku ta reuní regularmente, a tuma e desishon ku en todo kaso no ta bai subi e kaminda di garantisá buelo pa Kòrsou, esta di paga kompanianan di aviashon un sierto kantidat di stul pa nan realisá buelo pa nos isla.
Segun Jonckheer, un biahe ku nan a realisá pa Merka resientemente a demostrá ku e asuntu no ta asina tantu falta di stul den avion, pero ku e interes pa bin Kòrsou ta hopi abou.