ORANJESTAD- For di 26 di Juli te cu 4 di Augustus a tuma lugar na Corsow e prestigioso torneo di ahedrez internacional Curacao Chess Festival 2008.
Un total di 9 pais a participa, cualnan ta Alemania, Hulanda, USA, Suecia, Spaña, Trinidad & Tobago, Venezuela, Corsow y Aruba.
E delegacion di Aruba tabata consisti di: Lider Sr. Maurits Dijkhoff, Juste Lopez, Edwald Matheu, Jasel Lopez, André Arends y Junior Carrero.
A wordo hunga den 2 categoria; Open Group y Youth Group.
Den e Open Group a hunga un total di 41 paticipante, incluyendo 5 Grandmasters,
1 Women’s Grand Master, 4 International Masters y 1 Women’s Candidate Master.
Na di prome lugar a termina GM Larry Christiansen, di USA, na di dos lugar a termina IM Luis Javier Bernal Moro, di Spaña, y na di tercer lugar a keda GM Joel Benjamin, di USA.
Tur tres a caba e torneo cu e score di 7 punto for di 9 partido, pero Christiansen a termina cu mas punto di resistencia compara cu Moro y Benjamin.
Jasel Lopez, Campeon di e Youth Group di aña pasa, a debuta den e Open Group y a sobresali cu e score di 5 punto for di 9 partido. Un logro hopi grandi pa un ahedrezista di solamente 14 aña.
Su ruman Juste Lopez a sore 4.5 punto y Edwald Matheu y André Arends a score cada un 4 punto. E tres ultimo hungadornan aki a termina cu un mihor score cu aña pasa.
Den e Youth Group a hunga un total di 16 participante, di cual 15 ahedrezista di Corsow y solamente 1 di Aruba.
Na prome lugar a termina Junior Carrero, di Aruba, cu e score di 8.5 punto for di 9 partido. Junior a iguala e score cu cual Jasel a gana e Youth Group aña pasa!

 
Bishita Expo Cas pa bo haya e informacion

ORANJESTAD- Expo cas ta un idea cu a nace 15 aña pasa. Manera tur hende cu a yega di traha un cas sa con dificil e ta pa haña informacion na unda bo por cumpra cual producto. Despues compara prijs calidad y servicio.
Bo mester di hopi tempo pa haci esaki.
Asina Clayton hunto cu su ruman Stanley a pensa riba e idea pa organisa un exposicion na unda tur informacion ta compila bao un solo dak, cu a haña e nomber EXPO CAS.
EXPO CAS a bira un evento hopi grandi na Aruba. Manera e caba, ya hendenan ta puntra si por organisa mas Expo!
Un Expo en general ta dunabo hopi informacion di balor halto y importante. Informacion cu normalmente bo tin cu cana pariba pabao pa north pa zuid prome cu bo haya tur cos hunto. Aki na Aruba nos custumber ta cu nos ta traha nos propio cas, sea e ta un cas existente of un cas nobo.
Tambe tur fin di aña nos ta drecha y verf nos cas y/of negoshi. Nos clima calor y seco tambe ta percura cu nos cas y/of negoshi mester mas atencion pa mantencion. Pa tur esaki y tur bo preguntanan bo solucion ta na EXPO CAS.
E aña aki, EXPO CAS ta intruduci su propio website cual ta www.expocas.net. Of www.expocasaruba.com
Manera nos tur sa,e clima di nos mundo ta cambiando. Nos tin cu adapta nos bida diaria tambe pa cu diferente aspectonan cu e cambio di clima ta trece. Expo e aña aki lo pone mas enfasis riba esey, door di e diferente participantenan cu tin varios productonan pa cu e fenomeno aki.
Ta bay tin un variedad hopi interesante di energia alternativa..

ORANJESTAD- - Recientemente den Sala Padu na Cas di Aruba, sra. Stella Montsanto a celebra cu exitosamente ela termina su estudio di Lerarentolk Nederlandse Gebarentaal na Hogeschool di Utrecht.
Awor sra. Montsanto tin e titulo di “Bachelor of Education”. Sra. Montsanto ta den servicio di Scol Scucha Nos y tabata na Hulanda cu un studieopdracht di Gobierno.
Presente tabata Minister Plenipotenciario sr. Frido Croes y sra. Lourdes Croes- Figaroa, e yiunan di sra. Montsanto, famia y amigonan.
Sra. Montsanto a splica cu lenga manual ta consisti di un lenga visual cu tin su mes un vocabulario y gramatica pa comunica cu personan cu tin problema di oido of ta sordo.
No solamente na Aruba pero tambe na Hulanda tin un scarsedad grandi di personan cu ta diploma den e tereno aki.
Pesey mes sra. Montsanto a bisa cu e conosemento aki sigur lo ta di suma importancia pa e communidad di Aruba. No solamente pa e personan cu tin problema di oido of ta sordo, pero tambe pa familia di e personanan aki.
Di e manera aki bo ta juda e famia y e personan cu tin problema di oido of ta sordo "combersa" cu otro. Tambe bo ta duna ambos e apoyo moral.
E estudio di Lerarentolk Nederlandse Gebarentaal tambe ta consisti di bira un interprete.
Sra. Montsanto ta prome y e unico persona diploma den e tereno aki na Aruba.
Minister Plenipotenciario sr. Croes a desea sra. Montsanto tur clase di exito pa cu su plannan pa den futuro y tambe a gradicie pa su contribucion na enseñansa pa nos muchanan sordo of cu problema di oido na Aruba.

ORANJESTAD- Diahuebs 31 di juli 2008, Diputado di Deporte di Bonaire Sr. Anthony Nicolaas a haci un bishita di trabou na Minister di Labor Cultura y Deporte, sr. Tai Foo Ramon Lee.
Ademas tabata presente e director-interino di Fundacion SEDREBO (deporte y recreacion di Bonaire) y funcionario di maneho Sr. Gregory Illidge, kendenan a compaña e mandatario Boneriano.
Di parti di Aruba, e reunion ser asisti pa director di IDEFRE Sr. Jessy Beukenboom y consehero di deporte Sr. Dochi Lee.
A intercambia riba, entre otro, e deseo di Diputado Anthony Nicolaas pa firma un acuerdo di cooperacion cu Aruba riba tereno di deporte.
Banda di esaki e delegacion di Bonaire a mustra hopi interes riba e structura y funcionamento di IDEFRE. A base di e combersacion, a keda palabra cu e director di IDEFRE lo duna tur cooperacion na unda mester pa forga lasonan mas estrecho cu nos isla ruman.
Otro deseo di e oficialnan di Bonaire ta, pa Aruba yuda cu entrenadornan califica pa yuda cierto deportenan na Bonaire, manera e deporte di baseball na nivel di little league.
Minister T. F. Ramon Lee a mustra di su banda interes pa reviva e torneonan cu tabata existi prome cu Status Aparte, esta, e Weganan Antiyano.
Mirando cu e tres islanan Aruba, Bonaire y Curacao ta hopi cerca di otro, mester stimula mas intercambio di deporte entre e tres islanan y bin cu un forma nobo di competencia manera un Dutch Caribbean cu mester tuma lugar den e añanan cu no tin Wega di Reino.
Lo tene un siguiente reunion cu participacion tambe di autoridadnan di deporte di Curacao y Aruba proximamente pa trata temanan di interes comun.

ORANJESTAD- Post Aruba, semper buscando innovacion di stampia, a produci un set di stampia bou di e nomber “Flor di Aruba”. Manera tur otro set di stampia e diseño ta exclusivo y special, pero pa prome biaha den historia Post Aruba a produci stampia triangular; loke ta haci e emision aki uno extraordinario.
E emision special aki ta obtenibel for di dia 8 di luna 8 di 2008.
Thespesia populnea: “Foyo di cruz”
“Foyo di Cruz” ta un palo cu ta crece den tur zona di costanan tropical. Den circunstancia normal e por crece bira 10 meter halto. E tin blachi lombrante, colo berde scur, den forma di curason cu ta forma un foyahe cera.
E flornan ta geel cla cu un mancha cora scur meimei. E fruta ta rondo, pero poco plat y e parti pafo parce cuero. Tanto e blachinan como e petalonan di e flor ta comibel, sea curu of herbi y nan tin un efecto antibiotico.
Ta uza te traha di e takinan, e simianan y e raisnan pa trata malesa di cuero. Y sa uza te traha di blachi fresco pa baha presion y keintura. Ta uza te di foyo bieu cu a cay abou contra dolo di riñon. Tambe sa uza e blachinan mara cu un paña rond di cabes como remedi pa dolo di cabes.
Di e fruta berde y e simianan ta extrae tiña geel. Cu e parti paden di e taki sa traha cabuya. Y ta uza e palo di e mata pa clafatia boto y pa traha mueble.
Cryptostegia grandiflora: “Palo di lechi”
“Palo di lechi” ta un arbusto, pero e ta parce un mata subido. A import’e for di Madagascar despues di e Prome Guera Mundial. E ta crece tur caminda den mondi y e ta lora su mes rond di otro mata y palo.

ORANJESTAD- E aña aki Universidad di Aruba (UA) a ricibi atrobe un cantidad grandi di studiante cu a dicidi pa haci nan estudio superior na Aruba y a scohe UA pa esaki.
Un total di casi 180 studiante nobo lo acudi na UA pa cuminsa e aña aki cu nan carera educativo nobo.
Manera ya a bira un custumber, e aña aki atrobe, Universidad di Aruba ta organisa un tayer di introduccion general pa tur studiantenan nobo. Meta di e tayernan ta pa duna e studiantenan un orientacion amplio, prome cu nan cuminsa cu nan estudio, pa asina nan por tin un miho enfoke den nan estudio.
E tayer ta un parti obligatorio di e estudio y ta conta pa TUR studiante nobo cu inscribi na Universidad di Aruba, sea cu ta pa studia na Facultad Huridico, na Facultad Financiero Economico (FEF) of na Facultad di Hospitalidad y Turismo.
E tayernan ta tuma luga dianan 11, 12, 13 y 14 di augustus benidero.
E programa ta enfoca riba diferente tema.
E prome tema ta concerni e nificacion di un estudio riba nivel di enseñansa superior: Lo delibera cu studiantenan e diferencianan entre enseñansa superior y enseñansa secundaria, e exigencianan pa studia cu exito na Universidad di Aruba y y e servicio cu UA ta ofrece na su studiantenan.
Lo elabora tambe e codigo di etica di Universidad y expectativanan general pa loke ta trata conducta di studiante y docente na UA.
E di dos topico di e tayernan ta trata desaroyonan na Aruba: lo reflexiona tocante e desaroyonan politico-estatal, social-economico, cultural, demografico y psycologico di Aruba y lo discuti e perspectivanan riba futuro di Aruba.

WILLEMSTAD – Algun shofùr di bùs kier a blòkia e edifisio di Anthony Veder na Zeelandia awe mainta. Den e edifisio, e efektivonan di RST tin nan ofisina i awe mainta nan a bai ku un shofùr di bùs pa interogashon. Ta sospechá e shofùr di a kometé distrukshon durante e disturbionan di 26 di yüni.
Polis a informá awe, ku ayera mèrdia den kareda di 14.10, nan a detené e hòmber M.W. di 53 aña di edat. Tin indikashon ku riba filmashon ku polis a hasi, por mira kon e sospechoso ta kometé distrukshon. M.W. ta bira e di tres sospechoso ku ta detené. Dia 23 di yüli último polis a detené e hòmber J.F. di 36 aña di edat sospechá di intento di homosidio i violensia públiko. E aktonan akí e lo a kometé dia 26 di yüli den un establesimentu di horeka situá den Nieuwstraat. Na e okashon ei e siudadano Carlos Moreno a haña un sla riba su kabes ku un krùk di bar. El a sufri un fraktura na su kráneo i mester a drumi den e departamentu di kuido intensivo di hòspital.
Dia 30 di yüli último polis a detené tambe e hòmber G.A. di 43 aña di edat sospechá di a partisipá na e disturbionan di 26 di yüli. A deten’é dilanti di Marshe Bieu na Punda.

WILLEMSTAD – Deskonosínan a kima un vehíkulo di polis awe mardugá, despues ku nan a drenta den kurá di e warda di polis na Rio Canario. E porta di kurá tabata hanchu habrí i e malechornan a logra drenta sin problema.
E suseso a tuma lugá entre ayera nochi i awe mardugá. Polis mes no a informá prensa di e suseso ainda, pero diferente emisora a pasa e suseso komo ‘Breaking News’. Segun informashonnan no konfirmá, ta trata di un pikòp flatback ku kua polis ta transportá entre otro material i artíkulonan konfiská. Resientemente polis a konfiská diferente mashin ilegal di wega di plaka i tambe un gran kantidat di mata di mariwana.
E porta di kurá na warda di polis di Rio Canario tin basta aña kaba ku e no ta será. Ya ta 2 aña pasá kaba ku a pone un porta di heru nobo, ku e intenshon pa por a sera e porta via remote controle. Tambe a pone e tempu ei un karavana di polis na e porta ku e intenshon pa laga polis sinta den e karavana i kontrolá e entrada. Despues di algun tempu a kita e karavana i e porta a keda hanchu habrí atrobe. LA PRENSA a komprondé e tempu ei, ku polis tabata debe e persona ku a traha e porta basta plaka i ta p’esei e no kier a entregá e porta. Despues ku polis a paga e debe e mekániko a instalá e porta, pero sin e remote controle.
Awe polis ta lamentá ku malechornan a kima i destruí un di nan vehíkulonan ku nan tin mester di dje tur dia.

WILLEMSTAD – Siman pasá direktiva di FeBeKo a reuní ku sr. Carmelo di Stefano, direktor general i sr. Luis Beltran di TV-11 i a yega na un akuerdo úniko pa transmishon bibu di weganan di beisbòl klase AA di Kòrsou.
Nan tabatin un eksitoso transmishon di e Kampionato di Karibe di Beisbòl Little League ku a tuma lugá na Boneiru. Den e kombersashon di direktiva di FeBeKo i TV-11, a yega na un akuerdo pa kuminsá transmití weganan bibu na televishon kuminsando ku e All-Star Game 2008, kaminda bo ta haña e mihó hungadónan di Kòrsou riba tereno.
Direktiva di FeBeKo ta konvensí i ta masha agradesido na TV-11 ku a mustra interes den beisbòl di Kòrsou pa loke ta trata adulto ku awor pueblo di Kòrsou ta haña e weganan mira bibu, lo popularisá e deporte oun mas tantu ku esaki lo okupá puestonan ku e tabatin den pasado.
FeBeKo ta disponé awor tambe di un ofisina na WTC. E ofisina aki ta keda riba e di dos piso, skùin dilanti di e ofisina ehekutivo di e doñonan di WTC.
Esaki lo ta e unidat nr. 33 ku lo bira e ofisina prinsipal di FeBeKo kaminda lo pone un persona pa traha,
Nunka ántes FeBoKo no tabatin un ofisina kaminda por warda filenan di e federashon ku na e momentunan aki ta plamá rònt Kòrsou, na kas di diferente hende.
Ekiponan ta kontentu ku e forma k tur kos ta drei na e momentunan aki. Ningun enkuentro no a para, miéntras ku poko poko FebeKo ta bai ta popularisá e deporte aki mas i mas den komunidat.

WILLEMSTAD – Un total di 24 pareha awe a seya nan kompromiso ku otro ku selebrashon espektakular di Kranshi. For di algun luna kaba LA PRENSA a bin ta informá lektornan riba e diferente parehanan ku ta selebrá riba e fecha di awe nan matrimonio. Awe dia 8, luna 8 i aña 8, hopi ta skohe pa selebrá nan matrimonio. E promé pareha di awe mainta tabata Urban Molina i Ludsaida La Croes, kendenan a bin for di Ulanda pa nan por drenta e enlase matrimonial aki.
E di dos matrimonio ta trata di e pareha Sherwin Kastaneer i Shaveia Namdar. Sherwin Kastaneer ta un eks kantante i yu di e konosido farandulero Erwin Kastaneer. Shaveia Namdar ta un empleada di Fatum. LA PRENSA a komprondé, ku riba e dia aki tin otro konosido kantante di gospel Charsel Lak ku tambe lo drenta e boto matrimonial. Entre e 24 parehanan tambe tin un pareha mas di Ulanda ku a bin Kòrsou pa kasa den kompania di nan famia. Di e 24 matrimonionan tin un total di 15 ku lo tuma lugá pafó di Kranshi. Esaki ta nifiká, ku e funshonario di Registro Sivil lo bai na e sitio kaminda e matrimonio lo tuma lugá.
Banda di e matrimonionan awe e funshonario di Registro Sivil ku sa kasa parehanan, Alfred Sebastiana a kumpli 50 aña di edat. Apesar di su dia liber a skohe pa tuma e promé parehanan na su enkargo. Aña pasá Alfred Sebastiana a kumpli su 30 aña den servisio di gobièrnu.
Aña pasá riba 7 di yüli 2007, e interes tabata grandi, sperando ku otro aña na luna di sèptèmber dia 9 tambe lo tin un interes grandi.

WILLEMSTAD – Ayera nochi den stadion Johnny Vrutaal e kampionato di klase AA a kontinuá i un biaha mas e siman aki tabatin un partido ku a kaba ku skor di nòkout.
Groot Kwartier Stars/Mangusá a usa tres picher pa trata di wanta e ofensiva di Royal Scorpions Mr. Baseball/Banco di Caribe.
Swenton Martina a habri pa Scorpions i den promé ining a permití kuater kareda na Groot Kwartier.
Den bòm di e mesun entrada aki Scorpions ta anotá un kareda.
E di dos ining di Scorpions tabata desastroso pa Groot Kwartier. Scorpions ta anotá 7 kareda na man di e picher refuerso di Kwartier Juan Agudo pa pone e skor 8-4 pa Scorpions.
Pero den bòm di sinku ining Scorpions tabatin otro rèli grandi anotando 6 kareda, pa pone e skor di nòkout 14-4.
Pero esaki no tabata sufisiente den bòm di e di seis entrada Scorpions ta marka 5 kareda mas, 19-4.
Den kabes di e último entrada Kwartier ta marka un kareda pa e skor final di 19-5.
Pa Royal Scorpions: 19 kareda, 18 hit, 4 eror. Oscar Lilra a gana relevando Swenton Martina. Gideon Sambo/Johnny Balentien di 4-3. Andley Simmons a konektá un honron.
Pa Groot Kwartier: 5 kareda, 4 hit, 7 eror. Juan Agudo a pèrdè i kuater batidó di 2-1, Jonathan Soliana/Fabiani Orcadio/Robert Anastatia/Madison Ortega.
Awe nochi den stadion Johnny Vrutaal, Wild Cats/Fatum/Kambes ta enfrentá Blue Hawks/Aqualectra pa 8’or.
Mañan for di mèrdia tin beisbòl den stadion Johnny Vrutaal ku All-Star Game Hubenil, Beisbòl Veterano, Home Run Derby i All-Star Game klase AA 2008.

Lorito a lanta awe ta mira 8,8,8, so su dilanti. Nos a puntra ta di kon. Bo mes sa, sesu di Lorito no ta mesun avansá ku di hende. Lugá, awe ta dia di e number di prosperidat ku ta 8. Felis 8,8,8. Lo ta interesante pa sa kuantu hende ta hasi aña awe dia 8. Un di nan ku sigur ta hasi aña ta Ralph Palm ku a manda un bunita karchi di invitashon pa su aniversario. Nos a gusta e teksto masha tantu.
*********
Awe Weganan Olímpiko a habri ku un seremonia realmente impreshonante. E chinesnan a hasi un trabou grandísimo ku un akto impekabel i bon hinká den otro. Masha koló, hopi moveshon, bon uso di teknologia i un pashon nashonal grandísimo. The chinese are coming...! Pero esei nos tabata sa kaba, ora nos mira rondó di nos.
*********
Nos mes no por a mira e seremonia kompleto, komo ku trabou tambe tabata eksigí nos atenshon. Mas lat awe nos ta spera di wak tur kos. Na Bándariba e hendenan a konsumí, pasobra nèt algun minüt promé ku e transmishon a kuminsá, koriente a bai. Ta di kon semper ta Bándariba i na momentunan krusial? Masha ama di kas a yama nos masha rabiá, bisando ku nan a bai sinta ku nan kòfi i buskuchi kla pa disfrutá, ata koriente a bai! Ta ko’i sara hende bèrdè! Lebumai nos!
*********
Bandera di Antia a bai laira ayera na Beijing i nos a keda gratamente sorprendí pa e bunita reportahe di UTS/Tele-Kòrsou. Ora nos a mira e bandera bai laira, nos a pensa un biaha mas ta kiko nos a meresé pa kibra e pais aki for di otro. E úniko konsuelo ku nos tin ta, ku e bandera antiano lo mester sigui bula den futuro tambe, pasobra Kòrsou no por bira miembro di Komité Olímpiko Internashonal riba su mes. Un nota ménos positivo: Eugène mester hasi algu na su papiamentu! Por sierto el a bai lès di papiamentu!

WILLEMSTAD – Un grupo di 8 polis a rekordá ayera ku hopi aña pasá nan a drenta den servisio di Kuerpo Polisial. Huntu nan a sirbi komunidat durante 220 aña.
Ta trata di alto inspektor Melfor ku a selebrá 25 aña den servisio i e inspektornan Abrahams, Rojer i Sophia ku e selebrá tambe 25 aña den servisio. E inspektornan ku a selebrá 30 aña di servisio ta Inecia, Licie, Martina i Sprock.
E hubilarionan ta traha na respektivamente Wijkteam Mahuma Seru Fortuna, Sero Toleransia, Tim di Raspa, Wijkteam Punda, Departamentu di Tráfiko, Wijkteam Punda, Wijkteam Barber i Wijkteam Punda.

WILLEMSTAD – Ayera tardi na Kooyman Megastore na Zeelandia, e empresa Kooyman a spònser e pelotero/studiante, Kevin Kelly pa e bai studia i hunga beisbòl na Oklahoma. Esaki dor di fundashon C.B.C.F di Chairon Isenia.
E empresa Kooyman NV a firma un kontrakt ku Kelly pa tres aña kaminda ku Kelly lo ta e kara di e empresa den promoshonnan rònt Antia.
Durante di su spich, direktor di e kompania sr. Herbert van der Woude a bisa: “Awe ta un dia hopi importante pa tantu Kooyman komo pa famia Kelly. Dos siman pasá Kooyman a sera konosí ku un hóben ku un historia asombroso. Un historia kaminda fe, disiplina i perseveransha a hunga un ròl sentral. For di dia e hóben aki a aserká Kooyman, su humildat i sinseridat a konvensé nos di tal manera ku mesora gerensia di Kooyman a tuma e inisiativa pa aportá finansieramente na tantu e soño komo desaroyo di Kevin Kelly ku dia 12 di ougùstùs próksimo lo sali pa Oklahoma. Na mayornan di Kevin, Kooyman ta yama pabien ku nan logro. Nan a hasi un bon trabou. Nan a sa di sembra un bon simia di kua nos tur a mira e fruta awe.
Kooyman ta deseá Kevin tur kos bon ku e reto nobo ku bida a ofresé.
Nos ta spera ku Kevin lo keda kòrda ku e ta un “rolemodel” pa nos hóbennan aki na Kòrsou i Antia anto mas ku tur kos ku lo e tene semper presente ku Kooyman su portanan semper lo ta habrí p’e”.
Curaçao Baseball City Foundation ta logra pa otro hóben bai studia i hunga beisbòl na Merka.

WILLEMSTAD – Ayera tardi den restorant Chinatown tabatin boutiso di e promé edishon “Un pida historia di nos beisbòl”.
Pa e okashon aki sr. Glenn Thomas a fungi komo maestro di seremonia. El a konta di kon a kuminsá ku e idea aki na 2001, kompilando dato i entrevistanan.
Despues di un splikashon di Glenn Thomas tokante e buki, a sigui ku diskursonan di algun personahe ku tin den e promé edishon di “Un pida historia di nos beisbòl”.
Primeramente, e miembro di Salon di Fama, Rafael “Raffy” Jozefa a hiba palabra.
El a bisa, ku esaki ta un bon proyekto. El a lesa e buki aki den un anochi i ta haña ku e buki ta muchu fini, mester hasi e di dos edishon un tiki mas diki.
Despues a papia sr. Philip “Lipo” Elhage, direktor di Sedreko i tambe ku ta den e promé edishon aki.
El a papia tokante di e problemanan ku sr. Nicolina a pasa aden pa yega na e promé edishon aki.
Despues ta sr. Nicolina mes a hiba palabra. El a bini ku notanan riba un papel pa e papia, pero a papia lubidá loke el a pone riba papel.
“No tabata fásil. Ta for di 2001 nos a kuminsá. Mi mester atmití ku fe i perseveransia tabata e yabi ora ta papia di e proyekto”, na palabra Orlando Nicolina. “Mi ta hopi emoshoná ku lansamentu di e promé tomo di ‘Un pida historia di nos beisbòl”. No por papia di un logro personal ni di e deporte di beisbòl, sino unu di deporte en general. Dokumentashon ta algu hopi balioso, importante i nesesario den deporte. Ora mi a haña un ataka selebral leve na 1994 i poko poko mi mester a bandoná e deporte komo pelotero aktivo, pero bon Dios tabatin un plan ku mi. E tin un propósito ku nos tur den bida. Mi ta hopi sigur ku e tabata ke pa mi traha riba dokumentashon di nos beisbòl. P’esei semper bai e tabata pone hende den mi kaminda pa mi sigui lucha, keda ku fe i perseverá. Realmente no tabata fásil, pero mi ta felis”, e eks pelotero a duna di konosé. El a bisa, ku siendo un hende krítiko i perfekshonista e ta habrí pa tur krítika, opservashon i sugerensia.

Skina di Sorti, awe djabièrnè 8 di ougùstùs di 2008, ta kuminsá ku deseá tur hende un bon dia. Pasobra nos ta mal pegá den e tendensia di akshonamentu reakshonario, hiba un aserkamentu metódiko (apesar ku e ta e úniko sistema ku ta kondusí na mayor partisipashon) no ta tuma lugá. Akshon reakshonario ta hasi bo mas i mas dependiente di otronan. Nan ta determiná bo agènda. Akshon reakshonario no ta reflehá un mente liber i progresivo.
****
Presupuesto ku mester ta e mayó instrumento di maneho (intenshon pa hiba kos den un determinado direkshon) serka nos pa algun dékada kaba no ta yega mas leu ku un akto di malabarismo di ministerio di Finansa pa tene e défisit mas abou posibel. Intenshon di maneho semper mester ta krea i mantené un bon di nivel di bida. Den esei un di e rekursonan ta plaka. Ministerio di Finansa ta determiná e kuadro finansiero i gobièrnu ta pone prioridat a base di kual ta aloká e rekursonan.
****
Serka nos ahustenan di presupuesto por lo general (ta keda den kuadro dje tendensia reakshonario) ta intenshonnan pa tene akshonnan inevitabel den kuadro di lei. Esta ku si no hasi e ahustenan e akshonnan no por wòrdu responsabilisá. E ahustenan no ta representá un akshonamentu pa mas efektividat den maneho. Nan ta ahustenan atministrativo. Por lo demas e presupuestonan ta karesé di informashon pasobra no tin un sistema di registrashon i análisis di informashon relevante.

SHANGHAI – E treiner argentino Sergio Batista a mantené Lionel Messi den aliniashon pa e debut di awe di e selekshon argentino den futbòl olímpiko, apesar di e desishon kontrali di Korte di Arbitrahe Deportivo.
E hurado hudisial a disidí na fabor dje klupnan den nan apelashon pa evitá ku Messi, Diego i Rafinha lo hunga ku nan selekshon den e olimpiada.
Pero Batista a bisa den reunion ku prensa ku e “Pieu” Messi “ ke keda den e tim i ami tin’é pa e formashon” ku bista riba e wega kontra Kosta di marfil.
“El a indiká na nos e deseo di keda. E ta hopi trankil i ta pidi e hendenan di Barcelona pa nan komprondé su situashon”, el a agregá.
Batista a inkluí Messi den e aliniashon pa e wega.
“E tin un posishon hopi firme di keda”, e treiner a agregá den e konferensha. “Nos sa ku tur hende ke konta ku Messi den e tim i nos sa bon kiko Barcelona ta hasi, pero mi no ta kere ku e lo rabia ku e desishon ku e hungadó por tuma. Mi no ta kere ku e kosnan lo bira grandi”.
Barcelona ke konta ku Messi den su weganan di e fase preliminar di Liga di Kampionnan kontra e ganadó di e wega entre Beitar di Jerusalem i Wisla di Polonia.
Despues di a anunsiá e desishon, Messi a partisipá ku sobrá dje tim djarason anochi den rekonosementu di e tereno i un treinen leve den e stadion di Shanghai, sede dje wega. El a mustra trankil den treinen i segun algun di su kompañeronan e no a trata e asuntu ku e grupo.

“My soul is my counsel and has taught me to give ear to the voices which are created neither by tongues
nor uttered by throats!” (Khalil Gibran)

The best teacher we have we see in the mirror every day. It is ourselves. For no matter who gives us wisdom,
unless we are ready to learn we are at a standstill. We are always surrounded by teachers, some are exceptional, some are mediocre, and some are worthless. Our very first teachers are our parents, if they are dedicated we learn a lot, and their wisdom accompanies us till the end of times. They then hand us over to school teachers, where we learn different subjects. In the end however, it is up to us to learn as much as possible in the time allotted, and the road ahead. Learning nourishes the seed but it gives you no seed of its own.
The true wealth of a nation lies not in its gold or silver but in its learning, wisdom, and in the uprightness of its sons.
The future depends on the teachers of the present, for knowledge cannot be taken away. It accumulates and enriches our lives. Mankind has progressed in the last hundred years more then all the centuries gone by.
We are always surrounded by teachers and by experience, what we learn from them depends on our willingness to learn. We must dare, and dare again, and go on daring. The greater the obstacle, the more glory in overcoming it.
Teaching is like the person thrown overboard, and to survive that person is compelled to swim of sink. We have to learn how to survive from the beginning of time. As life progresses we become our own teachers and eventually we leave footsteps of experience for those who follow us. It is part of the teaching process, a never ending way of life. The trouble is that if one does not risk anything to learn, we risk even more. As adults we look back and think of our teachers we had in the past. We remember those who made a great influence on out lives, not only in wisdom, but also in character, dignity, and responsibility. We learn the perplexity of the sciences, the art of unselfish loving, and the act of giving and forgiving. For life has no romance without risks. We cannot consent to creep when we have the impulse to soar. The greater the obstacle, the more glory in overcoming it.

WILLEMSTAD – Riba e playa di Jan Thiel na Zanzibar, e dos kompanianan ulandes, Arke i Holland International ta bai kuminsá den e wenter benidero ku un klup di Vakashon i durante vakashonnan eskolar di Ulanda ku un Klup di Mucha.
Klientenan ku ta keda den un di e tres akomodashonnan, Livingstone, Chogogo of Papagayo por partisipá grátis na e aktividatnan ku e klupnan aki ta ofresé. E kompanianan ta kere ku e buelo diario di Arkefly pa Kòrsou, esaki ta hasi e fakansi mas atraktivo.
‘Holland VakantieClub’
E ‘Holland VakantieClub Curaçao ta ofresé bou di guia di un entrenadó ulandes, un programa deportivo pa hende grandi i teenagernan, seis biaha pa siman un entretenamentu mas suave manera futbòl di playa, un kareda riba mountain-bike òf un torneo di dart. Durante vakashon lo tin dianan ku temanan familiar manera olimpiada i Barkie Familiedag.
‘Barkie KidsClub’
Durante e vakashon eskolar di Ulanda e asina yamá Barkie KidsClub ta habri seis dia pa siman. E klup aki ta para pa un ratu plasentero, aventuranan i por sera konosí ku otro amiguitunan. Tur esaki bou di supervishon di profeshonalnan ulandes. E klup aki ta repartí den dos grupo di edat, 4 te ku 7 aña i 8 pa 12 aña.

Komo direktor di departamento di Ingenieria Biomédiko na prestigioso hospital na Boston: 


W’STAD/BOSTON - Ta un echo. Un profeta no ta haña rekonosimentu den su mes tera. Esaki ta e kaso tambe ku ingeniero Michael Fraai, CCE, MS, yu di Kòrsou spesialisá riba tereno di ingenieria biomedico (Biomedical Engineering). Aktualmente e ta empleá komo direktor di e departamento di Ingenieria Biomédiko di Hospital Brigham & Women’s di e siudat di Boston.
Michael a kaba di desaroyá un sistema di entrenamentu pa enfermeronan riba tereno di telemetria médiko. Un sistema ku ta pèrmití enfermeronan entrená ku situashonnan real, pero hasiendo uso di teknologia digital i simulashon. Esaki ta pone ku bida di pashèntnan no ta kore peliger, pasobra ta usa un teknologia di simulashon hopi avansá, igual si nan tabata atendiendo ku un ser humano bibu.
Meskos ku pilotonan tin un ‘simulator’ pa entrená, awor enfermeronan tambe tin algu igual ku e teknologia desaroyá pa Michael Fraai.
Telemetria den kuido médiko moderno ta un di e instrumentonan di mas importante pa skapa bida di un pashènt. Tur hospital moderno na mundu ta disponé di sistemanan di telemetria pa monitor e señalnan vital di pashèntnan den sea kuido intensivo, kuido koronario (coronary care), kuido intensivo pa beibinan ku a nase ku komplikashon òf promé ku nan tempu i awor tambe, pa personanan ku a kaba di haña un atake serebral, o sea un “stroke”.