WILLEMSTAD – Awe mainta tabatin un kaso serio di aksidente na trabou, ku finalmente a kondusí na morto di un trahadó di orígen haitiano. Riba e pòtrèt por mira na momentu ku tabata kita e sèmènt for di e víktima. Nos tin mas detaye den nos edishon di awe. (foto Haydel Goilo)

Skina di Sorti, awe djasabra 9 di ougùstùs di 2008, ta kuminsá ku deseá tur hende un bon dia. Un presupuesto ta un instrumento pa yega na ehekushon efektivo di un plan stratégiko (un manera pa konektá presente ku futuro). Sin un vishon pa futuro bo no por tin un plan stratégiko. Sin vishon e lokual bo ta yega na dje ta e “default strategy” di reakshoná riba lokual bini riba bo. Den un “default strategy” ku pa definishon ta reakshonario, bo ta trese ahuste pasobra nan ta parse bo inevitabel. Bo ta desvia for di lokual bo tabata hasi no pasobra esei ta bo deseo, pero pasobra bo ta sinti ku bo no por otro.
****
Un di e determinantenan di e strategia ku un aktor (sea individuo òf grupo di individuo òf aliansa di organisashon) ta apliká ta e kuadro di balor i norma di esnan ku tin mas peso den e elenko ku ta tuma desishon. E lokual nan ta yama “the strategic apex”. Manera mi a bini ta apuntá, e echo ku nos no ta yega mas leu ku un “default strategy” ta indikativo di e strukturanan di personalidat denter di nos elenko polítiko. Tin demasiado poko hende ku ta aserka e konsepto di “free and authentic”. E mayoria tin muchu zumbi den kabes ku ta limitá nan kuadro di pensa.
****
Pa por komprondé dikon mi ta pèrsistí ku nos ta karesé di un kultura di gobernashon stratégiko, mi ta trese un biaha mas definishon di kiko ta un aserkamentu stratégiko. Komo ku e proseso estatal tin e mayoria den e ambiente ulandes un definishon ulandes ta pas den e onda. “Strategie is de manier waarop, en het geheel van middelen waarmee, vooraf vastgestelde doelen kunnen worden bereikt. Het is het actieplan van de organisatie. Veel organisaties trekken hun cijfers van voorgaande jaren door naar de toekomst, en noemen dat hun 'strategisch plan'. Zo'n plan kan succesvol zijn, maar is in wezen geen strategie.”

“My soul is my counsel and has taught me to give ear to the voices which are created neither by tongues
nor uttered by throats!” (Khalil Gibran)

The best teacher we have we see in the mirror every day. It is ourselves. For no matter who gives us wisdom,
unless we are ready to learn we are at a standstill. We are always surrounded by teachers, some are exceptional, some are mediocre, and some are worthless. Our very first teachers are our parents, if they are dedicated we learn a lot, and their wisdom accompanies us till the end of times. They then hand us over to school teachers, where we learn different subjects. In the end however, it is up to us to learn as much as possible in the time allotted, and the road ahead. Learning nourishes the seed but it gives you no seed of its own.
The true wealth of a nation lies not in its gold or silver but in its learning, wisdom, and in the uprightness of its sons.
The future depends on the teachers of the present, for knowledge cannot be taken away. It accumulates and enriches our lives. Mankind has progressed in the last hundred years more then all the centuries gone by.
We are always surrounded by teachers and by experience, what we learn from them depends on our willingness to learn. We must dare, and dare again, and go on daring. The greater the obstacle, the more glory in overcoming it.
Teaching is like the person thrown overboard, and to survive that person is compelled to swim of sink. We have to learn how to survive from the beginning of time. As life progresses we become our own teachers and eventually we leave footsteps of experience for those who follow us. It is part of the teaching process, a never ending way of life. The trouble is that if one does not risk anything to learn, we risk even more. As adults we look back and think of our teachers we had in the past. We remember those who made a great influence on out lives, not only in wisdom, but also in character, dignity, and responsibility. We learn the perplexity of the sciences, the art of unselfish loving, and the act of giving and forgiving. For life has no romance without risks. We cannot consent to creep when we have the impulse to soar. The greater the obstacle, the more glory in overcoming it.

Minister Leeflang a haña su mes bou di atake severo di esnan ku ta en fabor di matrimonio homoseksual i rekonosementu di esaki den Karibe Ulandes. Ata aki mi punto di bista. Na promé lugá mi kier pa tur hende sa, ku mi ta sostené Leeflang den e asuntu aki. Mi ta pará na su banda den e lucha ku e kier hiba kontra di e rekonosementu di matrimonio homoseksual di tal manera, ku esaki ta pone e opinion di Kòrsou respekto di matrimonio hòmber-muhé un banda ò ta kita for di e forsa di esaki. Komo tal, mi ta tambe kontra di e rekonosementu legal di kontratonan di kombibensia homoseksual ku ta parse kasamentu. Por lo demas mi ta respetá tur hende i nan privasidat; ken ami ta pa husga. Na di dos lugá ta mi opinion, ku relashonnan homoseksual ta robes. Mi opinion no ta basá solamente riba fundeshi religioso kristian, pero tambe riba prinsipionan natural-biológiko i konsiderashonnan higiéniko. Por sierto ku mi no ta sostené promiskuidat tampoko, pero komo hòmber ante e múltiple beyesa femenino, en bèrdat mi tin problema. Por lo demas mi ta respetá tur hende i nan privasidat. Na di tres lugá mi tin esaki di bisa di e opinion di sr. van Wanrooij, presidente di Federashon di Homonan Ulandes. El a laga sa, ku unabes, ku Aruba i Antia no a oponé kontra di e lei ku ta legalisá homoseksualidat na Ulanda, ku en base di esei, nos mester aseptá ku homoseksualidat ta legal na Kòrsou tambe. Pero e punto di bista aki ta inkorekto. E dos posishonnan ei no tin apsolutamente nada di haber ku otro. Nos, e minister, ami i otronan ta basa nos punto di bista anti legalisashon di matrimonio homoseksual riba dos pilar: Na promé lugá, pasobra na Kòrsou nos a skohe pa definí matrimonio entre hòmber i muhé. Esaki ta en bèrdat un konvikshon religioso, pero e ta wòrdu kargá demokrátikamente. 85% di e poblashon ta kristian, sea ku nos ta hipókrita òf nò.

1933 – 8 di ougùstùs - 2008

Nos kompañero a kumpli e bunita edat di 75 aña. 44 Aña pasá, komo mesonero na Piscaderabaai Club un dje hòmbernan di promé ora di HORECAF a keda registrá komo miembro no. 13 na aña 1964. Emiliano, komo e tabatin hopi eksperensia den e bunita trabou di duna servisio na un alto grado, a haña oferta pa un trabou na St. Maarten Litttle Bay Hotel. Maitre d’Hotel, pero semper a keda ku su sindikato HORECAF. For di St. Maarten su patronnan tabata mand’é vários otro Islanan Ingles - Amerikano i Puerto Rico komo un bon profeshonal. Na Islanan Vírgen St. Croix el a haña e título “The Singing Barman” . Di buèlta na St. Maarten semper tabata buska informashon trese pa nos aki na Kòrsou. Den tempunan ku e tabata na Islanan Ariba, konstrukshon di Curaçao Hilton a kuminsá i a bin tèrminá na aña 1967. E tabata pensa na bolbe, pero a haña ofertanan na St. Maarten pa prepará e muchanan di aya i esnan di aki ku tabata bai traha na St. Maarten. Na 1969 na luna di yüli mi a bai un luna di kurso Seminario di Organisadó Sindikal, e tabata buska mi sin a logra kontra mi, tabata na kuminsamentu di ougùstùs esta 39 aña pasá ku el a bolbe yama mi i nos a kombersá riba e situashon di e trahadónan Hotelero na St. Maarten i kier lanta HORECAF na St. Maarten. Mes ora mi a konseh’é, mihó nos kuminsá un Federashon na Islanan Ariba. Mi a a bai algun dia despues Islanan Ariba, Sta. Maarten i aya nos a kuminsá traha riba e promé Federashon pa afiliá na CLASC e tempu ei. Yanüari 1970 den high season a lanta WIFOL “Windward Islands Federation of Labour”. Emiliano Ciriaco Daal a bira e promé presidente i su bon amigu tambe a keda eligí komo tesorero Egidio Suares.

MARTINA
Margaritha Nicolina (80 aña)
Mihó konosí komo Nini
A laga atras su yunan Stnaley Crispulo, Rudy i Judith Crispulo, Sharine i Giovanni Cathalina, Edgard, Edseline, Astrid Martina, ruman Celia Martina i yunan. Akto di entiero ta djarason 13 ougùstùs for di misa Sta. Rosa. Bishita 1or. 3.30or tin un s.s. di misa i 4or pa santana Sta. Rosa.

PANNEFLEK
Selita Maria (99 aña)
A laga atras su ñetunan Azuncena Fairbairn i Raimy Trinidad, Renny Fairbairn i Tamara Wau, bisañetunan Susette Fairbairn, Raimay Trinidad, Rashanty Trinidat, Raimeline Trinidad. Akto di entiero ta djarason 13 ougùstùs pa santana Montaña. Bishita 9or. 10.30or tin un s.s. di misa.

JANZEN-GERARDUS
Julianita Antonia
Mihó konosí komo Ula
Akto di entiero ta tuma lugá djarason 13 di ougùstùs.

MARTINA
Pedro Martin (98 aña)
A laga atras su yunan Mildred i Gerard Schmitz-Maduro, Pedro i Bertha Maduro-Winklaar, Cislyn Maduro, ñetunan Pedro i Nimea Maduro, Maruja i Keisy Gonzalez, Gerardo i Carolina Maduro tur ku nan famia. Akto di entiero ta djarason 13 ougùstùs 11or for di misa Brievengat pa santana Berg Altena. Bishita 9or. Promé ku entiero tin un s.s. di misa.

MARTINA
Venancio Manuel (85 aña)
Mihó konosí komo Primu
A laga atras su yunan Meredith Windster, Kenneth, Magda, Xiomara Vinck tur ku nan famia, rumannan Ida Bonifacio, Patricio i famia. Akto di entiero ta djasabra 9 ougùstùs for di misa Janwe pa santana Janwe. Promé ku entiero tin un s.s. di misa. Bishita 1or.

Sjeik. Prof. dr. Lorito (MURP, SLURP) ta yama tur hende un felis djasabra. Awe si nos a pone nos títulonan, pasobra Remco a reklamá nos na mal òrdu ku el a sinti falta di e títulonan, prinsipalmente di SLURP. E ta gosa e kos ei masha!
*********
E djasabra aki ta manera un kos floho kuné. Por ta Lorito mester di un “boost”. Nos a sinta wak apertura di Weganan Olímpiko ku mas atenshon i nos mester ripití, ku ta algu masha grandioso mes a tuma lugá i ku lo sigui komentá pa basta tempu mas. Masha bon akabá i ku un presishon enorme. Pabien na e chinesnan pa nan bunita trabou. Lógikamente nan por a hasi asina tantu kos ku un presupuesto amplio.
*********
Nos tin gana di sa kon Steven Spielberg ta sinti awor aki, ku sin su sosten a dal bai tòg. Spielberg a bula afó relashoná ku e kaso Tibet i tambe e situashon na Darfur. Un hende a puntra nos di kon e kaso Darfur ta asina tantu komentá relashoná ku Weganan Olímpiko. E kontesta ta simpel: China ta sostené e régimen brutal di Sudan ku ta e responsabel mayó pa e matansa na Darfur.
*********
Nos no a tende masha dia e kampaña ku Alex a kuminsá pa yuda Darfur. Un kousa noble esei ta. Si bo tende hendenan manera Mia Farrow ta tene un Olimpiada alternativo for di sentro di refugiado na Darfur, bo ta sinti tin manera un impotensia pa atendé e situashon. Merka a laga un mucha hòmber, oriundo di Darfur, karga bandera di e pais na apertura di Weganan Olímpiko. Mester bisa, ku Merka no ta sali liber di loke a pasa na Afrika. Mira kon a laga e hutu i tutsinan mata otro na Rwanda sin ningun intervenshon. Ki dia Afrika ta subi agènda global?

WILLEMSTAD – Un hòmber, aparentemente di orígen haitiano, a muri awe mainta, na momentu ku un edifisio den konstrukshon a kai den otro. Nèt na momentu ku nos a sera nos edishon di awe, polis a konfirmá morto di e hòmber. Polis no por a duna mas detaye di identidat di e hòmber, komo ku e kaso a kaba di tuma lugá i tabata hasiendo e trámitenan pa haña mas informashon di loke a pasa.
Testigunan na e sitio a bisa LA PRENSA, ku trahadónan tabata bashando betòn den e proyekto di dos piso. Na un dado momentu e parti ariba di e promé piso a sak den otro i bin abou, pasobra e no tabata bon fahá. Na momentu ku e material a sak, un trahadó ku tabata riba e flur di e promé piso, a keda pegá den e betòn i heru. Mester a stòp ku e trabounan pa akudí na yudansa di e hòmber. E hendenan trahando so no por a atendé e kaso i mester a yama Brantwer pa akudí na e sitio pa yuda den e trabounan pa saka e hòmber for di e kondishon serio ku e tabata den. Na momentu ku a saka e hòmber ya kaba el a muri, komo konsekuensia di e heridanan ku el a haña. LA PRENSA a komprondé, ku a tapa e hòmber loke ta un indikashon ku el a fayesé na e sitio. Na e sitio a sali na kla, ku e hòmber ta di orígen haitiano. Ounke su nòmber tabata konosí kaba na e momentu ei, a preferá pa ofisialmente no publiká su nòmber ainda, pa por informá famianan promé.

WILLEMSTAD – Sociaal Kennis Centrum ta un ehèmpel di kon kosnan sa tarda den gobièrnu. Despues di 7 aña ku a tuma e desishon pa funda e entidat aki, ayera a habri e infrastruktura nobo den sentro di Punda. Diputado di Asuntunan Sosial, Humphrey Davelaar, tabatin e apertura na su enkargo. El a konfirmá, ku ta for di 2001 Gobièrnu di Kòrsou a lanta e entidat aki, pa asina yega na un maneho sosial den forma integral.
E sentro lo bai traha riba datonan verídiko i bon bista di desaroyonan den komunidat, pa asina gobièrnu por hiba un bon maneho riba e tereno aki. E entidat ta hunga un ròl krusial pa inisiá lasonan di koperashon den sektor sosial.
Metanan fiho di e entidat riba término kòrtiku ta pa monitor 12 bario di atenshon pa aña 2009. Banda di esei lo sigui traha riba e buki di bario pa yega na un maneho integral di barionan. Lo traha tambe riba mapa sosial i banko di dato pa krea un instrumentu ku ta fasilitá koperashon i desaroyo di maneho riba tereno sosial.

WILLEMSTAD -- E siman aki CommUnity Consultancy N.V. a tene inougurashon di su ofisina nobo den presensia di tantu famia, amistatnan i diferente representante di kompanianan aki na Kòrsou. Durante di e evento festivo aki, gerensia ku ta konsistí di sra. Melinda Domacassé i sr. Pacheco Domacassé i staf di CommUnity Consultancy a duna splikashon i demonstrashon – di un manera profeshonal i impaktante – di e diferente servisionan di komunikashon ku e kompania ta ofresé. CommUnity Consultancy, kual ta un kompania relativamente nobo, ta boga pa komunikashon di alta kalidat, prinsipalmente denter di e mundu empresarial. Esaki CommUnity ke logra pa medio di konseptonan i solushonnan kreativo ku ta kai bou di kapa di Business Communication, Corporate Events, Training i Copywriting. No solamente CommUnity ta duna konseho válido, pero tambe ta yuda implementá diferente parti di kada strategia durante e proseso total. Proyektonan den futuro serkano ta enserá entre otro un kantidat di treinen ku ta yuda mehorá abilidatnan komunikativo, manera treinen riba tereno di desaroyo personal, komunikashon verbal i no verbal, kon pa skibi kuenta i poesia i kon pa komuniká durante krísis. Banda di esei CommUnity pronto lo lansa algun proyekto mayó ku lo bai ta na benefisio di hinter e komunidat di Kòrsou. CommUnity Consultancy ta situá na Beatrixlaan t/o 8 i su tim ta alkansabel durante oranan di ofisina na e siguiente datonan di kontakto:
Telefòn: 7385848
Fax: 7386848

WILLEMSTAD – “Mester bini un maneho laboral balansá ku ta protehá e yu di tera”. Esei ta loke e miembro di Konseho Insular Aldebert Rooijer a bisa, relashoná ku deklarashonnan ku diputado Eugène Rhuggenaath a hasi e siman aki den un enkuentro ku prensa na Servisio di Asuntunan Ekonómiko (DEZ)
Den e reunion, segun Rooijer, e diputado Rhuggenaath a indiká, ku den Horeca tin un situashon kaminda un gran mayoria di ulandes ta empleá di tal forma, ku no tin lugá pa e antiano, yu di Kòrsou i tambe ku e ulandesnan ta haña e puestonan tòp den Horeca, kaminda e antiano, yu di Kòrsou, ta haña trabounan di rango mas abou, manera limpia WC, laba tayó, tira shushi afó etc. Pa Rooijer, esaki ta un remarke poko straño ku ta bini di parti di diputado Rhuggenaath. E ta bisa, ku no mas ku na kuminsamentu di aña 2008, durante un reunion públiko di Konseho Insular di Kòrsou, diputado Rhuggenaath a indiká, ku desempleo na Kòrsou a baha i ku, sigur den sektor turístiko, bou di kua e sektor di Horeca tambe ta kai, tin mas hende na trabou ku añanan anterior. “Diputado a indiká den e reunion menshoná por ehèmpel ku desempleo bou di hóbennan na aña 2006 tabata 37%, pero na aña 2007 desempleo bou di hóbennan a registrá 24%. Anto ku awor diputado Rhuggenaath ta konstatá ku tin mas ulandes ku yu di Kòrsou ta haña trabou den Horeca, anto ku tin mas ulandes ta haña trabou den tòp di Horeca ku e yu di Kòrsou, ta zona kontradiktorio. Esaki ke men, ku e bahada di desempleo na Kòrsou ku a wòrdu registrá ta enserá ku ta e ulandes so ta haña e trabounan”, asina e miembro di Konseho Insular ta bisa.

WILLEMSTAD – E aña aki a toka e bario Suffisant pa ta anfitrion di Siman di Kultura. Opviamente e bario kier saka kara durante di e siman aki i p’esei ya kaba ta hasiendo tur preparashon. Un komishon spesial ta reuniendo pa realisá e meta grandi aki.
T’asina, ku tur aña den luna di sèptèmber Kas di Kultura ta selebrá Siman di Kultura. Kada aña ta toka turno na un bario pa organisá e aktividat akí. E aña akí Kas di Kultura lo kumpli su promé lustro, organisando e evento akí i a toka turno na e bario di Suffisant pa ta e bario anfitrion pa e apertura di Siman di Kultura. Komishon di Siman di Kultura Suffisant, ku ta konsistí di (eks)habitantenan di Suffisant, a pone nan mes disponibel pa ehekutá e proyekto aki i nan ta den ekstenso preparashon pa ku realisashon di esaki. E aña akí Siman di Kultura ta dura di 12 sèptèmber te ku 21 sèptèmber 2008.
Komishon di Siman di Kultura a sinta vários biaha kaba huntu pa planifiká un programa pa e Siman di Kultura. E komishon di Suffisant ta bisa ku tin hopi trabou pa hasi i ta hunto por logra p’asina yega na un Siman di Kultura éksitoso. Ya kaba e komishon tabatin un atardi di informashon pa habitantenan di Suffisant. Mañan djadumingu ta organisá e siguiente aktividat, kual lo ta un enkuentro ameno ku (eks)habitantenan di Suffisant pa nos bai bèk den historia i rekordá dushi tempu di Suffisant. Meta di e enkuentro aki ta pa nos por kompilá gran parti di historia di Suffisant i produsí esaki den forma di un buki pa henter pueblo di Kòrsou, pero prinsipalmente pa (eks)habitantenan di Suffisant por keda ku un bunita rekuerdo di e Siman di Kultura. E komishon ke logra presentá e buki aki den e Siman di Kultura. Pa medio di esaki komishon Siman di Kultura bario Suffisant kordialmente ta ekstendé un invitashon pa (eks)habitantenan di Suffisant i tur otro ku ta interesá na e atardi di enkuentro mañan djadumingu dia 10 ougùstùs 2008 di 4 or pa 6 or atardi na SRS (Klup di Shell).

WILLEMSTAD - Pa medio di esaki APT ta informá, ku e selebrashon di Dia di Penshonado pa eks trahadónan di Setel N. V., Landsradio, Antelecom N.V., Telefoondienst, TeleCuraçao, TDS i U.T.S. ta tuma lugá e aña aki riba 10 di ougùstùs na Hòfi Biesheuvel.
E orario lo ta di 11.30 pa 6or di atardi.
Animashon: DJ Paul, Kaha di Òrgel i Arnell ku 4 kantante
Lo tin un lektura trese pa Onnie Gonet ku e tema “Kon un penshonado por protehá su mes”. Hopi in-teresante.

WILLEMSTAD - Na nòmber di pastor Guillermo Ortega i gruponan Pastoral di Parokia di Zuid Bonam, nan ke invitá Pueblo di Kòrsou en general i parokia di Zuid Bonam en partikular i tur hóbennan di nan parokia pa partisipá aktivamente na Nobena di Niño Hesus di Praga djabièrnè 15 di ougùstùs 6.00or sta. Rosario 6.30 or s.sakrifisio misa
Djasabra 16 di ougùstùs 5.30 or sta. Rosario 6.00 or
s.sakrifisio misa
Djadumingu (mainta) 17 -ougùstùs
Sta.Rosario – 8.00 or - s.sakrifisio misa 8.30 or
Djaluna pa djabièrnè 18,19,20, 21,22, di ougùstùs
Santu Rosario 6.00.or s.sakrifisio di misa 6.30 or
Triduo ta riba fechanan, 21, 22, 23 di ougùstùs.
Fiesta di Niño Hesus di Praga ta wòrdu selebrá riba djadumingu mainta 24 di ougùstùs 8.30 or
Un i tur ta invitá pa partisipá na e Nobena di Niño Hesus di Praga tur dia i tambe na e santu sakrifisio di misa ku ta sigui despues.
Larga nos ban uni den orashon pa nos hóbennan, na inisio di un aña eskolar nobo 2008 – 2009.
Larga nos den tur sirkunstansia sigui Hesus pasobra e so ta e Kaminda, Bèrdat i Bida.

WILLEMSTAD - Un biaha mas un grupo di hóben di milisia Antiano a terminá nan periodo di servisio militar obligatorio.
Despues di a tèrminá e programa di EVO (entrenamentu militar básiko) ku éksito e hóbennan a sigui ku e di dos parti di servisio obligatorio kaminda nan a hasi un kurso òf entrenamentu den kuadro di e programa sivil/CVO.
Ayera 42 hóben a risibí un diploma òf sertifikado rekonosé den e ramo di e kurso ku el a sigui durante seis luna e.o. Tékniko di kòmpiuter, Lassen, Vigilansia i Horeca.
Diferente instansianan di formashon, tantu eksterno komo interno na Marine Kazerne Suffisant a duna e kursonan aki.
Den un seremonia militar, bou di presensia di mayornan i famia i tur esnan ku a yuda den e formashon, e hóbennan a risibí nan diploma. Den un diskurso kompletamente na papiamentu e komandante mayor Enrique Sanchez a aksentuá e aspekto di norma i balor, algu ku tabata sentral den henter e trayekto di formashon di e hóbennan. El a deseá nan éksito den nan futuro i ku e disiplina, norma i balornan ku nan a siña ta keda eksistí serka nan i ku nan lo pasa nan over pa nan besindario.
Un gran parti di e hóbennan ya a haña trabou, un par ta bai sigui formashon mas avansá, sea na Kòrsou òf Ulanda i otronan ku aporte di marina ta den proseso di solisitut.
Otro siman e siguiente grupo di 75 hóben lo kuminsá ku e mesun trayekto ku e grupo ku awe a risibí nan diploma, p’asina nan tambe por hasi bon uso di e oportunidat di servisio obligatorio.

WILLEMSTAD – Gezaghèber di Kòrsou mr. Lizanne Dindial lo ta ousente di 11 te ku 16 di ougùstùs próksimo pa motibu di bishita di trabou na Libanon. Riba invitashon di gobièrnu Libanes, gezaghèber Dindial lo hasi inougurashon di Plaza Curaçao na Libanon huntu ku e alkalde di siudat di Beirut, señor Ariss. Pueblo di Kòrsou por ta orguyoso di ‘Plaza Curaçao’ i por mira esaki komo un kontra-gesto di gobièrnu di Libanon pa ku ‘Plaza Hariri’ na Kòrsou. Tambe “Plaza Curaçao” ta pone Kòrsou un biaha mas riba mapa mundial, pa asina mas hende for di tur parti di mundu por bishitá nos i siña konosé nos dushi Kòrsou.
Banda di e seremonia ofisial di inougurashon di “Plaza Curaçao”, Gezaghèber lo bishitá tambe diferente outoridat di gobièrnu Libanes durante e bishita di trabou na Libanon.
Durante di e periodo aki, señora Magali Jacoba lo fungi komo Gezaghèber interino di Kòrsou.

WILLEMSTAD - Selekshon Junior League di Beisbòl di Kòrsou a sali djabièrnè 8 di ougùstùs pa, Taylor, Michigan pa representá Latino Amerika den e Kampionato Mundial ku ta start 10 i terminá dia 16 di ougùstùs.
Esnan ku ta forma parti di e selekshon ta Darren Seferina, Denjerick Virginie, Vincent Anthonia, Alexander Rodriguez, Philldrick Llewellyn, Jonhymar Juliana, Kurvin Moesquit, Shurensley Daantje, Jonathan Martijn, Suwentley Estanista, Ezequil Garcia, Rayshelon Carolina, Sherman Lacrus i Mirangelo Muller.
Mènedjer di e selekshon ta Johannes ‘Didi’Gregorius asistí pa coachnan Norwin ‘Sor’Moesquit i Rodney Carolina.
Sra. Micheline Heyliger ta hefe di delegashon.
Selekshon Senior
Selekshon Senior a yega Bangor, Maine despues di un biahe largu di Kòrsou, via Miami.
Tur miembro di e delegashon ta OK i pendiente pa hunga promé wega djadumingu dia 10 di ougùstùs pa 8’or pm kontra Central USA.

WILLEMSTAD - E aktuashon di Staten pa aprobá oumento di sueldo mínimo ku 15 porshento tabata unilateral, sin vishon i iresponsabel. Esei ta loke Asosashon di Komersio i Industria ta konkluí den un komentario ekstenso ku el a dediká na e tema aki.
No ta un sekreto, asina VBC ta konstatá, ku ekonomia mundial ta pasando den hopi mal tempu. Un kantidat di pais ta ser konfrontá ku krísis di kuminda, krísis di energia i tambe krísis finansiero, pa no papia mes di un inflashon kresiente.
E paisnan mas importante ku Kòrsou i Antia ta hasi negoshi kuné tambe ta sintiendo efekto di e desaroyo aki. Ta manera nan ta bisa semper: si Merka nister, Karibe ta bira ferkout, VBC ta bisa.
E asosashon ta rekòrdá ku ekonomia di Kòrsou a presta den forma ekselente den 2007. E pregunta ta keda, si e tendensia aki lo sigui den e aña koriente, si weta sierto desaroyonan ku ta tumando lugá. Por ehèmpel, si tuma turismo, ta konosí ku komo konsekuensha di e oumento di preis di kombustibel, e turista ulandes mester paga komo 200 euro mas tantu pa un pasashi pa Kòrsou. Un suma ku asta por bira mas haltu, si gastunan manera di energia, sigui subi aki na Kòrsou. Turismo for di Venezuela tambe ta un faktor dudoso. Nos a konosé e turismo di dollar, pero e pregunta ta te ki dia esaki ta kontinuá, segun VBC.
E desaroyonan aki, segun e asosashon ta konosí a tur hende. Mester por fèrwaktu ku gobernante i polítikonan ta tene kuenta ku esaki, ora n,an ta fiha i ehekutá maneho pa asina mitigá e efektonan negativo mas tantu posibel.

WILLEMSTAD – “M’a konstatá ku nunka lo ta un bon momentu pa bai ku fakansi. Ki momentu ku mi a tum’é, lo tabatin krítika”, asina diputado Marilyn Alcalá-Wallé a reakshoná riba e avalancha di krítika ku tabatin, pa e hecho ku el a tuma fakansi nèt durante e siman ku aña eskolar lo habri.
No ta poko ta e krítika ku tabatin riba su forma di proseder. Polítikonan di oposishon no a laga niun minüt pasa pa kritiká e mandatario.
Manera ta konosí, tabatin problema ku transporte eskolar, ku material pa skol i ku studiantenan di Akademia Pedagógiko.
For di diferente huki tabata Sali e pregunta, unda diputado di Enseñansa ta. Un di esnan ku a kritiká ousensia di Alcalá-Wallé fuertemente tabata konsehal i lider di partido MAN Charles Cooper.
“Ta un kos insólito ku un diputado di Enseñansa ta disidí di bai ku fakansi nèt promé ku aña eskolar habri. E kos aki ta inkreibel. Ta promé biaha ku e ta pasa i nos ta spera tambe ta último biaha,” asina e lider di partido MAN a reakshoná riba e último desaroyonan den mundu di enseñansa.
Diputado Alcalá-Wallé mes ta kere ku lo tabatin krítika tòg, ki momentu ku ela skohe pa bai un ratu.
E mandatario a bisa ku na momentu ku el a skohe pa bai ku fakansi, ta pasobra físikamente e tabatin mester di esei.
“Trahando kasi 16 ora pa dia, ta yega un sierto momentu ku bo kurpa mester sosegá pa regenerá atrobe. Si mi a skohe pa bai ku fakansi na kabamentu di aña eskolar, lo tabatin krítika ku m’a bai, sin kaba di atendé asuntunan importante pa aña eskolar. Mi ta kere ku ki momentu ku m’a skohe, lo tabatin krítika,” e diputado a agregá.

WILLEMSTAD/ AMSTERDAM - Ministerio Públiko na Amsterdam a pidi 6 aña di kastigu di prison pa Geoffrey N. di 37 aña di edat kende a tira e eks praktikante di lucha libre Rick Holshuijsen di 44 aña di edat mata den Cafe Familia na Amsterdam Noord den e anochi di 25 pa 26 di yanüari di e aña aki.
Fiskal a konsiderá ku ta proba ku ta Geoffrey a mata e hòmber aki, ku ta un hòmber konosí pa su kurpa grandi.
Promé ku e insidente, Holshuijsen, ku tambe ta konosí komo “De Reus” a laga un granada eksplotá den e cafe, meimei di esnan presente. Un total di 12 persona a keda heridá, di kua algun hopi serio.
Hustisia a tene kuenta ku esaki, na momentu di stipulá su eksigensia den e kaso aki, pero tòg ta haña asesinato proba.
“N. tabata sa ku su arma di kandela tabatin bala aden i ku e ta funshoná”, asina fiskal Lilian van Tilburg a insistí. Ademas t’asina ku N. a tira riba Holshuijsen for di un distansha kòrtiku
Ministerio Públiko a bisa ademas ku e ta duda den deklarashon di testigunan. Di kon N. no a mek su arma riba partinan ku no ta vital di e víktima? ta loke Van Tilburg a puntra.
Abogado di N. Benedicte Ficq ta haña di su parti ku aki mester papia di defensa propio i el a pidi pa deklará su kliente komo persona liber.
“N. ta haña e kos aki un kos horibel, esta ku el a tira un hende mata,” asina e abogado a alegá.
Geoffrey N. a bisa ku e no tabatin niun otro rekurso sino di tuma akshon pa evitá ku Holshuijsen lo a bolbe kousa víktima den e café, ku na e momentu ei ainda tabata yen yen di kliente.