Submitted by nomorskumilenga on Tue, 18/09/2007 - 18:25.
10 factor pa kambia un lenga di un pais sin ku niun hende ril ni tril I sin kun nan sa mes
1 DOMINA SPANJO 100 %
- asinaki bo por bin ku tur sorto di palabra ku no ta konosi pa e ju di korsou,I asina ganja nan ku ta papiamentu e ta ( peaton, desayuno,cena )
- huza tur ekspreshon di spanjo I kambia na bo lenga pa eskpreshonan ku nunka a eksisti den nos lenga ( sapatero a tu sapato a bira : sapate na bo sapatu, gato en sako a bira “gatu na saku”.En carne propio a bira den karni propio
2 husa televishon radio I korant pa pomp tur e palabranan spanjo nan den kabes di e pueblo ( spiral )
- esaki ta simpelmente un “domino-effect”.Mi tambe lo kai den e spiral aki despes di tempu,pero esei no tae vita si ku lo mi bute riba papel y warda asinaki kon a falsifika nos lenga
- Mas bo keda ripiti palabranan,mas e hende ta lubida riba esun ku si ta di dje pa e papia esun inventa :
No husando: hende ku ta kana kanti kanda huzando:peaton
hungado di bala / beisbol pelotero
hende persona
tape sinta
hende persona
Drecha mehora
Supermarket supermerkado
Capriles kliniek Klinika capriles
Prijs kosto
Beurt turno
Bai afo bai den eksterior
Lot rifa
Chicoti sosten
Kas bibienda
Stanbeeld estatua
Boekhandel libreria
Luga sitio
Vakantie vakashon
Trabou tarea
Meneer di skol dosente
Mucha jong homben
Pura afan
Normal usual
Bestia animal
Print imprimi
Workshop tayer
Kos artefakto
Gara atrapa
Karchi di banko tarheta di banko
Huntu konhuntamente
Belasting impuesto
Tip propina
Kantika cancion
Steech tarima
Klas aula
3 Un pueblo ku no tin konosementu di Spanjo
- Door ku e ju di korsou,majoria no tin konosementeu grandi di spanjo,ku no ta e spanjo di snack, kalke loko ku ta jama su mes papiamentista y ku a studia spanjo por kue tur e palabranan , ku no ta konosi aki anto ganja e jui korsou ta bon papiamentu.Atrobe e palabra peaton nunka a forma parti di nos lenga
4 Un fundashon di kultura ku no ta alert I ku ta juda ku e kambio di su mes lenga,forma pa kosnan ku a pasa den historia, pa un lenga di afo,keriendo ku ta bon bezig e ta
- Si un hende pensa so na mishi na un forma brutu asinaki,ku nos manera di espresa,nos palabra nan,pasando riba nos historian a luga di juist balora nos historia,e prome ku tin ku mustra dedede riba esaki ta un fundashon di kultura.Pero meskos ku e politikonan,na luga di mustra dede riba esaki juist a kia den e gara ( # 2 ) loke mi ta jama spiral di e asuntu aki.Na luga di juist busca pa trese bek nos espreshonan ka bai perdi,ta juda pa bin ku espreshonan di otro lenga.
- Kada palabra ta un historia,asina e palabra pakus a bin den papiamentu.E pakhuisnan a bira pakus.E palabra aki so tin hopi historia di nos korsou,nos no por kue kambie asina asina pa un palabra spanjo
- Surnam ta keda mei mei di venezuela y brazil, surnam tam as latino ku nos,anto tog nan ta papia hulandes / sranantongo.Hulandes / ingles ta parti di nan lenga, meskos ke ta parti di nan historia.Awo ta meskos ku sin nan lanta manjan bisa ku nan ta bai huza e blue-print di e lenga spanjo, I trata na saka tur palabra hulandes/ semi-hulandes foi nan lenga
5 Un pueblo ku mentalidad di katibu
- Un mentalidad di katibu ,ku ke kita “goed voor goed” kada palabra of eskpreshon ku ta maske parse un tiki of ta bin di hulandes ( belasting, schoolgeld, leuk, kies, vakantie )Paso sigun nan hulandes ta e kolonisado,sin tene kuenta ku e palabranan hulandes ei a drenta den nos lenga paso hulanda ta parti di nos historia,meskos ku nos ta parti din an historia, sea nos ke of no ke.Ta husa I kambia nos lenga si pa palabranan di e kolonisado spanjo ku a kolonisa parti di amerika.Paso na tur e paisnan di latijns- amerika ta indjan tabata tin ku a bin papia spanjo despes di a wordu kolonisa pa spanjo
6 Hendenan di gobiernu
- hendenan sinta den gobiernu, ku no sa di defende nan kultura,pero ke husa e palabranan di mas grandi pa asina mustra kon sabi nan ta.Palabranan manera chanchullo y broyo, ta palabranan puramente spanjo I ku te hasta no tabata wordu tuma den “diccionario de la lengua espanjola” prome ku +-1975.
- Anto kidouw huza un palabra ku ta maske ta parse hulandes,paso esei ta un krimen.Hulanda te enemigu, hulanda te kolonisado.Lubidando ku ta hulanda te pais kaminda hopi di nos a bai pa un futuro miho, lubidando ku ta e pasi kaminda hopi din an a bai pa sinja I kaba nan skol y lubidando nos historia ku hulanda.E mes un historia ku awe tin korsou kan kan di illegal ku ta hasi tur kos pa jega na un paspoort pa biba un bida ku nunka nan lo por a biba sin an lo no a bin korsou,hanja paspoort I bai hulanda
- Tresiendo un bruhashon pa por kompronde kosnan ku ta pasando, esun ta papia di slotverklaring e otro di akuerdo final, esun ta papia di schoolgeld e otro di matricula.
7 Un media ( radio, televishon y korant ) ku tin hendenan di orig. latino komo pila
- Un media ku tin hendenan di orig. latino I ku tambe ta domina spanjo y ta pusha pa kambia nos manera di papaia I hasiele meskos ku esun spanjo ( Gonzalo Cuales ( orig. colombiano ) ku ta bisa estadio ( spanjo ) na luga di stadion y ta pretende di sa kiko ta bon papiamentu pero no sa palabranan simpel manera lele y triminti, ( orig. venesolano ),president di prensa uni, German Gruber ( directuer di tele 11,Winston Lourens ( ku ta jama un wortel zanahoria ).E hendenan aki tin mas konosementu di e palabranan spanjo I ku e poder di un microfoon of korant ta husa e palabranan aki pa loko paso tog ta papiamentu nan a bira awor I esnan ku no tan an ke hasi nan papiamentu y ta pretende ku mester papia e kos manera ta papia na spanjo
8 Un pueblo mansu I na sonjo
- Un pueblo mansu I na sonjo ku ta laga un paar di hende drenta un kamber, inventa un lenga ku ta un copia di spanjo I bin ganjele ku ta papiamentu I ta I sin e forsa pa ripara I reklama esaki,pero ku juist ta sintie mas cache door di husa e palabra ( spanjo ) nan aki .Porta nan ta kere kun an ta e hoofrl den e novella di venevishon ???Porta esnan ku ta pasa noticia na radio ta sinti nan manera ta den “el observador nan ta traha???
9 Un pueblo ku auto-esteem abouw
- Un pueblo ku auto-estym abouw, ku ta laga algu asinaki pasa riba dje manera nada no a pasa riba.
10 Un set di fraudeur ( jama papiamentista )
- Un set di fraudeur ( jama papiamentista ) ku konosementu di spanjo, ka wordu paga pa gobiernu pa ofisialisa papiamentu, ku tin ganashi den henter e asuntu aki paso ta nan tesnan ku ta kobra pa pone tur document, boeki, karta etc etc na na papiamentu falsu aki,kaminda ta un simple copy paste ta hasi di spanjo
