Submitted by admin on Wed, 09/01/2008 - 16:40.
Hesus yunan di Kòrsou tin un memoria kòrtiku! Den tur e furia di masbangu di último dianan rondó di e figura marginal di polítika di Ulanda, Hero Brinkman, tur hende aparentemente a lubidá, ku no ta promé biaha ku polítikonan ulandes a ekspresá nan mes di e forma ei kontra Kòrsou, Antia i su habitantenan. No ta promé biaha i sigur no ta último!
E ekspreshonnan di Brinkaman no a sorprendé hopi hende. Ami sigur ku no! Loke si tabata un sorpresa, tabata e reakshon di miembronan di parlamento di Antia, kendenan a sulfurá, sapatiá, rabia te bira pus, pasobra shon Brinkman no kier a guli su palabranan. Den e proseso, lubidando e hecho ku nan sapatiamentu i eksigensia pa rektifikashon a duna e deklarashonnan di Brinkman muchu mas publisidat i balor ku originalmente nan a haña òf tabatin. Pero pa kometé tipo di bobedatnan asina bo mester yama Pedro Atacho òf Glenn Sulvaran.
Kada tantu aña ta sali polítikonan ulandes ku ta bira masha popular den sierto gremio na Ulanda dor di ekspresá nan mes di un forma denigrante kontra Kòrsou i Antia, su gobernante i su hendenan. Awe nos konosé figuranan manera Brinkman i su lider kabei pintá, Geert Wilders. Promé ku nan, Frits Bolkenstein. Pa no lubidá Pim Fortuyn. Ata e último aki, kada biaha tabata purba superá su mes kuantu fekalia mas e por a subi basha riba tur loke ta Antia i su hendenan.
Un di e okashonnan ei tabata 8 di febrüari 2002, tempu ku ainda Fortuyn tabata lider di Leefbaar Nederland, durante un presentashon den e programa “Business Class” di e kanal di televishon RTL-5. "De Antillen zijn vergeven van de corruptie tot en met de politiek aan toe. Menig partij wordt medegefinancierd met drugsgelden, zoals ook menig Hollandse belastinggelden in de verkeerde zakken verdwijnt. In Den Haag kijkt men ondertussen de andere kant op en doet men met de corrupte politieke en zakelijke elite rustig zaken en doet men bovenal of men van niets weet....."
Tin mas! Wel hoog van de toren blazen als er in Oostenrijk langs democratische weg een regering aan de macht komt die onze politieke elite niet zint, maar geen woord over de corrupte elite op de Antillen. Integendeel, daar moeten we vooral mee samenwerken, we moeten hen in de watten leggen, bij voortduring geld toestoppen en ons buitendien erg schuldig voelen dat het met hun onderklasse zo slecht gaat. Hun onderklasse komt natuurlijk door ons, oud-kolonialen, slavendrijvers en wat wij al niet zijn. Dat de eigen elite geen poot uitsteekt naar de eigen onderklasse en onderwijl de eigen zakken onbeschaamd vult met bijeengejat kapitaal, mag niet worden opgemerkt, laat staan aan de kaak gesteld, want dat is uiteraard maar liefst rassendiscriminatie!"
Si Brinkman i Geert Wilders a sugerí pa bende e islanan di Antia riba e website “Marktplaats.nl”, Fortuyn tabatin e siguiente solushon pa “e problema Antia”: "Of u gaat functioneren onder het regime van de Nederlandse provincie en gemeente met daaraan verbonden alle wettelijke regelingen en plichten of u wordt op de kortst mogelijke termijn onafhankelijk, krijgt een paar centen mee en wegwezen. Kiest men voor de provincie- en gemeentestatus, dan wordt er een behoorlijk contingent Nederlandse ambtenaren naar de Antillen gestuurd om daar eens fiks orde op zaken te stellen."
No shonnan. Ban serio. Te kon leu por tuma palabranan di figura manera Hero Brinkman na serio ora ku historia a demostrá ku nan ta nada mas ku bos di buriku ku nunka a yega, ni nunka lo yega shelu? Ta kuantu peso tin di duna na deklarashonnan di un figura polítiko ku apénas 200 hende konosé na Ulanda? Mas tristu ainda ta e hecho, ku nos mes ta zundra otro yama otro kosnan muchu mas pió ku Brinkman, Bolkenstein òf Fortuyn a yega di yama nos. Pero, típiko di yu di Kòrsou, ora un otro hasié, sigur un makamba, nos ke sulfurá, sapatiá, rabia te bira pus. Wèl, wèl....
(Bo opinion, opservashon i hasta krítika ta wèlkòm: djis manda un mail na: bobharms@setarnet.aw)
