ACCRA, GHANA – Apesar di a hunga ku ménos hungadó, Ghana a logra derotá Nigeria 2-1 djadumingu i e pais anfitrion a pasa pa semi final di Kopa Afrikano
E favorito di e torneo, Kosta di marfil a suta Guinea 5-0 i tambe a avansá.
Junior Agogo a hinka e gol di viktoria na di 83 minüt ora el a risibí un pase di Sulley Muntari i el a rematá pa span e nèt.
E “Streanan Kòrá” a keda warda riba e ganadó dje partido entre Camerún i Tunez, for di kua lo sali su rival pa semi final di djaweps.
Nigeria a bai dilanti ku un gol di pinalti marká pa Ayegbeni Yakubu na di 34, pero Michael Essien a empatá na di 45 ku un kabesaso.
Ghana a kai den difikultat na di 60 minüt ora a surgi e ekspulshon pa karchi kòrá direkto di su kapitan John Mensah pa un entrada fuerte kontra Peter Odemwingie.
E delantero di Chelsea Didier Drogba a anotá su di tres gol di e torneo i su kompañero Salomon Kalou a agregá doblete den e triunfo di Kosta di Marfil riba Guinea. Abdulkadr Keita i Bakari Kone a hinka e dos último golnan.