EFEX 2008, E Eksposishon di Teknologia ta na kaminda:

WILLEMSTAD - Di djaweps 15 di mei pa djadumingu 18 di mei den World Trade Center lo tuma lugá e di 10 edishon di EFEX. EFEX ta e eksposishon di mas grandi i mas popular riba tereno teknológiko den Caribe. EFEX 2008 lo tin tur kos tokante inovashon nan nobo, teknologia, Hardware i Software, telekomunikashon, kòmpiuter i tur sobrá kosnan ku tin di haber ku teknologia moderno pa bo negoshi i kas.
Mas ku 90% di e booth nan ta reservá kaba. Mirando e kantidat grandi di bishitante di añanan anterior, e organisadónan ta spera un Expo grandioso e aña aki atrobe.
E entrada lo ta grátis e aña aki tambe manera semper (djabièrnè, djasabra i djadumingu). EFEX ta invitá un i tur pa bin e Eksposishon, asina ta, skibi e dianan den bo agènda òf blackberry.
Invitado spesial durante di e reunion di partisipante lo ta Rene Boender.
E “Trend watcher” Rene Boender ta esun ku a kambia basta kos den merkadeo na USA.
E lo splika e partisipante nan di EFEX, ku ehèmpel nan tur e kosnan nobo, tur triki i moda riba tereno di merkadeo.
Rene Boender ta un presentadó hopi pidí internashonalmente i ta garantia pa un anochi edukativo i gezellig pa tur partisipante. Esaki lo tuma lugá 8 di aprel próksimo.
Komo preparashon pa EFEX lo sali un revista (15.000) grátis. E revista lo ser repartí pa mas ku 10.000 kas i tambe kaminda ku tin Go-weekly. Naturalmente ku tur bishitante di EFEX tambe lo risibí un revista.
Tin algun booths ainda disponibel pa bo negoshi. Tambe tin e posibilidat pa pone propaganda o entrevista den e revista di EFEX. Pa mas informashon tuma kontakto ku Destination Curaçao na Tel: 463-6178 / e-mail: info@destiantion-curacao.com
E orarionan di EFEX 2008 lo ta djaweps 15 di mei di 20.00- 23.00 ku lo ta un anochi solamente ku invitashon. Djabièrnè 16 di mei 17.00-19.00 Solamente ku invitashon. Di 19.00- 23.00 Entrada grátis. Djasabra 17 di mei18.00-23.00 ku entrada grátis. Djadumingu 18 di mei11.00- 23.00 ku entrada grátis
EFEX 2008 lo tuma lugá den Exhibition & Gallery Hall, World Trade Center Curaçao. Pa mas Informashon: www.efex2008.com.