WILLEMSTAD – Banda di e tremendo resultadonan di 32 medaya komo pais na di 5 lugá i 3 atleta ku a klasifiká pa Mundial di Mexico, un total di 10 rèkòrt di Kòrsou i di Antia di relevo a wòrdu kibrá.
Mucha muhénan 13-14 aña:
Sharonika Mercilia, Tamika Lont, Islelie Silvanie i Karlene Theodora a kibra rèkòrt riba e relevo di 200m estilo liber ku un tempu nobo di 1.58.66. E rèkòrt bieu tabata riba nòmber di Buladó Swimming Club for di dia 13 di desèmber 1997 ku tempu di 1.59.19.
Mucha hòmber 13-14 aña:
Fiorgean Winklaar, Henneley Plantijn, Jourdy Martes i Derrick Bakhuis a kibra dos rèkòrt di relevo.
Riba 800m relevo estilo liber ku un tempu nobo di 8.43.77. E rèkòrt bieu tabata riba nòmber di Sithoc Swim Club for di dia 9 di desèmber 1989.
E di dos rèkòrt ta riba 200m relevo estilo liber ku tempu di 1.44.82. E rèkòrt bieu tabata riba nòmber di Buladó Swimming Club for di 13 di desèmber 1997.
Mucha muhénan 15-17 aña: Christal Loefstok, Kaia Alexander, Zianni Fluonia i Solainy Flounia a kibra kuater rèkòrt di relevo.
Riba 200m relevo estilo liber ku un tempu nobo di 1.55.82. E rèkòrt bieu tabata riba nòmber di Sithoc Swim Club for di 23 di mart 1984.
E di dos rèkòrt ta 400m relevo estilo liber ku un tempu di 4.20.75. E rèkòrt bieu tabata 4.32.90 for di 11 di aprel 1981.
E di tres rèkòrt 800m relevo estilo liber ku un tempu nobo di 9.47.64. E rèkòrt bieu tabata di 10.23.75 for di 9 di mart 1985.
E di kuater rèkòrt ta 400m relevo estilo kombiná ku un tempu nobo di 4.57.20. E rèkòrt bieu tabata di 5.11.33 riba nòmber di Sithoc Swim Club for di 27 di mart 1993.
E mucha hòmbernan 15-17 aña: Rodion Davelaar, Hycinth Cijntje, Gregory Marchena i Perry Lindo a kibra tres rèkòrt.
Riba 200m relevo estilo liber ku un tempu nobo di 1.38.22. E rèkòrt bieu tabata di 1.44.86 riba nòmber di Sithoc Swim Club for di 28 di novèmber 1996.
E di dos rèkòrt ta riba 400m relevo estilo liber ku un tempu nobo di 3.43.22. E rèkòrt bieu tabata di 3.48.26 for di 10 di yüli 1991.
E di tres rèkòrt tabata riba 800m estilo liber ku un tempu nobo di 8.35.83. E rèkòrt bieu tabata di 8.44.87 for di 17 di mart 1984.
CZB kier felisitá tur e landadónan ku nan tremendo logronan i tambe yama danki na Sedreko ku a kolaborá na entrenamentu di e landadónan.
CZB ta spera di por konta ku aparte di Komersio pa por hasi posibel un preparashon na nivel pa e landadónan ku ta bai representá nan pais na Mundial i na CISC na yüli.