TORONTO – E outfielder Alex Rios a finalisá un kontrakt di shete aña ku Toronto Blue Jays ku ta garantis’e 69.8 mion dòler i e segunda base Aaron Hill a haña un kontrakt di kuater aña pa 12 mion polar.
Toronto a anunsiá e akuerdonan promé ku e partido entre di Boston RSox i BJays ayera.
E gerente general J.P. Ricciardi a bisa ku ta importante pa tene e estreanan di e organisashon na e atmósfera familiar.
“Nos tin un bon grupo di hungadó aktualmente i den kamerin tambe”, asina Ricciardi a bisa.
Rios a evitá arbitrahe salarial dia 5 di febrüari último dor di yega na un akuerdo di un aña di 4.8 mion dòler ku ta inkluí un bono pa firma di 3.5 mion dòler ku a keda paga dia 1 di mart último i un salario di 1.3 mion dòler.
E dil nobo ta baha su salario pa e aña aki na 735.000 dòler, kaminda 600.000 dòler lo keda paga mas den futuro i ta garantisá 65 mion dòler na un kontrakt nobo.
Rios lo gana 5.9 mion dòler na 2009, 9.7 mion na 2010, 12 mion na 2011 i 2012, i 12.5 mion na 2013 i 2014. Toronto tin un opshon di 13.5 mion dòler pa 2015 i un “buyout” di 1 mion dòler.
E kontrakt di Rios ta e di dos mas karu den historia di Toronto tras di e dil di Vernon Wells di 126 mion dòler pa shete aña ku el a risibí na 2006.
“Ta great ku nos por a bini kla ku e kos aki. Te ainda mi no por kere e kos aki. Nunka mi no a kere ku lo mi gana tantu plaka asina” Rios a komentá.
Luna pasa Aaron Hill a yega na un akuerdo di 410.000 dòler pa un aña.
E dil nobo aki ta dun’é u n salario di 2.59 mion dòler pa 2009, 4 mion dòler pa 2010 i 5 mion dòler pa 2011.
Toronto tin opshonnan pa 2012 i 2013 pa 8 mion dòler i 10 mion dòler pa 2014.
Blue Jays lo por ehersé tur e tres opshonnan sin nan disidié esaki promé ku 2011. Si nan warda te ku 2011 nan ta ehersé e promé dos añanan so.