ORANJESTAD- MEP su gobierno desde 2001 a aplica den e tabelnan di belasting pa tur hende cu ta paga loonbelasting un inflatiecorrectie pa un total di 18.7 %, esta cu e conciudadano ta paga menos na belasting y esaki ta pa yuda cubri inflacion. Desde 2006 por ehempel a duna e trahador, e empleado publico 100 % di inflatiecorrectie cu ta pa e aña ey 3 %, na 2007 3.1 % y 2008 esaki ta 4.4 %. Pues en total den 3 aña so esaki ta 10.5 %.Esaki ta un reduccion den e belasting cu lo bo mester paga.
Compensacionnan drastico
Ora a introduci BBO na 2007 a cambia tur e tabelnan di belasting, unda principalmente esnan cu ta gana mas cu Af. 3000,00 pa luna a haña un compensacion drastico di belasting, esta ta paga menos. Lo ta bon pa duna un par di ehempel.
Desde Gabinete Oduber p.e. un hende cu a keda gana Af. 25000,00 pa aña desde 2001, unda el a haña reduccion di Af. 1846,00 cu e ta paga pa aña di Af. 61,10 y awe na 2008 e ta paga compara cu 2001 un suma di Af. 476,00 pa aña y e reduccion cu el a haña ta Af. 104,04. Cu otro palabra desde Gabinete Oduber, 2001 pa 2008, el a paga Af. 1370,00 menos na belasting cu e reduccionnan anualmente.
Mescos un empleado cu ta gana desde 2001 Af. 45000,00 pa aña a haña total Af. 2857,50 na belasting menos cu e ta paga anualmente. Cu Af. 45000,00 na entrada pa aña, e empleado a ricibi na 2001 Af. 197,60 di discuento y na aña 2008 e lo ricibi Af. 2857,50 menos na belasting pa paga. Esaki ta un sorto di compensacion.
Laga nos compara un onderwijzer na school basico cu ta gana Af. 60000,00 pa aña, a haña na 2001 inflatiecorrectie di Af. 335,40 y na 2008 lo ricibi discuento di Af. 4236,50 cu ta hopi menos entrada pa caha di gobierno. Pa luna esaki ta na 2008 Af. 353,00.
Laga nos bay awor pa salario di esnan na Colegio Arubano, IPA etc. di Af. 100000,00 pa aña, unda na 2001 e maestro a paga Af. 686,40 menos y na 2008 lo ricibi na inflatiecorrectie Af. 7989,80 menos na belasting pa paga.
Pueblo Arubano, si bo conta e promedio pa luna menos na belasting pa paga ariba un entrada di Af. 100000,00, esaki ta na 2008 pa luna Af. 665,70, danki na Gabinete Oduber, unda si bo entrada keda desde 2001 Af. 100000,00 pa aña te 2008 mescos, bo ta goza di Af. 7989,80 mas entrada pa aña pa compensa por ehempel e costo di bida.
Tur e ehempelnan aki ta cu tarifa halto di belasting.
Pueblo a cuminsa harta y fada
Nos pueblo a fada y harta caba cu e gañamento di e sindicatonan di empleadonan y e dos Zumonan periodista di riool di AVP, cu ta instiga, gaña, manipula tur dia.
Nos a publica e datonan aki pa comunidad mes por huzga pa nan mes con mentiroso e dos Zumonan di AVP ta.
Si mester nos lo publica tur e tabelnan di belasting cu e entradanan desde 2001 te cu awe y cuanto discuento, compensacion, inflatiecorrectie esnan trahando a haña. Awor logicamente si bo entrada na 2007 a bay drasticamente halto cu promocion, automaticamente e scenario ta cambia, pero bo ta keda haña discuento pa paga menos belasting. No lubida cu Polis y varios otro departamento a haña promocionnan drastico a base di reorganisacion di e e structura.
Gabinete Oduber na 2005 a compensa 4% di costo di bida cu Bashi uitkering di Af. 500,00 na Januari, na Juni 1 luna di vakantie uitkering, na November un Gelijk bedrag di Af. 1250,00 pa tur atrobe, bonus di Af. 200,00 na December pa esnan cu ta bin na remarca p’esaki.