ORANJESTAD- Den e siman nos dilanti e compania publicitario STRADIUS den nomber di W.E.B. Aruba N.V. ta tene un encuesta telefonico bou di e clientela di nos empresa. Meta di e encuesta ta pa yega na mas informacion riba opinion di e cliente di W.E.B. Aruba N.V.
E encuesta ta bay dura algo mas cu dos siman y publico lo por spera yamada na cas di e compania Stradius. Di parti di W.E.B. Aruba N.V. ta pidi publico pa copera cu e compania pa asina por yega na informacion valioso pa e maneho di cliente di nos empresa.
Ta cu e tipo di encuestanan aki W.E.B. Aruba N.V. ta traha na optimalisa e servicio y comunicacion cu publico en general.