WILLEMSTAD – Ayera tardi Fundashon Autosport Curaçao a tene un rueda di prensa pa trese algu di e tradishonal kareda internashonal di Drag Race.
E kareda di e aña aki ta e di 37 edishon di e kareda i lo hiba komo título “International Drag Race Battle of Speed”.
Lo bai tin outonan for di Merka, Puerto Rico, Venezuela, Aruba, Boneiru i Kòrsou. Tambe lo bai tin karedanan di motosaikel.
Lo bai tin un atrakshon spesial pa hóbennan ku ta un wheelstander di nòmber “Chevy Rebellion”. Esaki ta un pickup VW ku motor di Chevrolet den baki patras i ku ta bai hòp henter e pista. Un 20 aña pasá tabatin un vehíkulo similar aki na Kòrsou.
Lo bai tin tambe dos “tuner” famoso aki na Kòrsou pa e kareda aki. Ta trata aki di Sonny Leonard ku lo traha riba e outo “Berlyn Express” ku ta un Chevrolet Corvette 1963 di Puerto Rico. Tambe lo tei Pat Musi, ku lo “tune” i manehá e Dodge Avenger “King Kong 4”.
Lo bai tin alrededor di 14 outo for di Venezuela, for di Aruba tambe ta bini basta outo, un total di 10 i di Boneiru i Merka lo bini un outo.
Lo bai tin motosaikelnan for di Boneiru tambe. No ta konosí ku lo bini motosaikelnan for di Aruba tambe.
Di Kòrsou lo bai tin Merite Racing ku a hasi historia. Alden Merite ku su motosaikel a registrá Pro E.T. mas rápido den Karibe ku un tempu di 7.864 sekònde i ta bai purba di kibra esaki.
E fechanan importante pa e dianan ku ta bini:
Dia 19 di aprel ta Test Day, 24 di aprel Inskripshon, 26 di aprel lo tin Street Legal, 27 di aprel lo tin kùrmentu i tèst, 29 di aprel lo tin kùrmentu pa outonan di Aruba i tambe un outo shou ku animashon di Gio-Mo, i e banda Show, huntu ku DJ Renzo.
Dianan 30 di aprel, 1 i 2 di mei, lo tin karedanan i entrega di premio.
Ofisina di Turismo Kòrsou, CTB, ta spònser Krioyo Bracket ku lo tin un premio pa e ganadó di fl. 15.000,-.
E karedanan ta kuminsá dianan 30 di aprel i 1 di mei for di7’or di anochi i dia 2 di mei for di 5’or di atardi.
Entrada pa e Autoshow lo ta di fl. 10,- pa adulto i muchanan te ku 12 aña ta drenta grátis.
Pakete di Pit pa e tres dianan di kareda ta kosta fl. 85,-.
Pit pass pa mucha te ku 12 aña ta dia 30 di aprel i 1 di mei ta fl 20,- i 2 di mei fl. 25,-
Pit pass individual pa adulto dia 30 di aprel i 1 di mei fl. 35,- i dia 2 di mei f;. 40,-.
Entrada general pa mucha t e ku 12 aña ta fl. 5,- pa dia i pa adulto fl. 20,- pa dia.
Auto pass pa parker den sekshon D ta kosta fl. 15,- pa tres dia.
Un danki spesial ta bai na e spònsernan ku ta hasi e karedanan aki posibel ku ta: Curoil Golden, Refineria Kòrsou, NAPA Autoparts, Machine Shop Gabriela, Antilliaanse Verffabriek, Deloitte, Alcolado G;asial, Tire Tire, Licores Maduro (SPA Water), Don Andres, Mangfusá Supermarkets, Medina Cargo Services, Gomez Shipping, Pepsi Cola, Car Smart, Star Motors(Peugout_, No Limit Body Shop i Ofisina di Turismo CTB.
Pa mas informashon por subi riba e wepsait ofisial www.curacaodrag.com i www.bo-koi-kareda.com