Gobierno di MEP ta hibando oposicion siendo den gobierno
AVP no por tin plan si e no ta gobernando

ORANJESTAD- Gobierno di MEP a emiti un comunicado cu ta un tiki controversial, acusando partido di oposicion AVP, di kier ehecuta un plan di maneho pa retira 1500 trahador publico.
Sinembargo ta dificil pa kere c’un partido cu ta den oposicion manera AVP pa ultimo 7 aña, por tin un plan pa ehecuta, ya cu e mandato pa goberna e pais, ultimo 7 añanan ta den man di partido MEP, y ningun hende mas.
AVP no por retira ningun hende, corda pa retira 1500 trahador y aki un biaha mas Gobierno di MEP ta trata di culpa otro na lugar di carga responsabilidad cu el a ricibi na dos occasion pa goberna drechi.
Gobierno di ME P a presenta e lista di puntonan den cual e ta acusa AVP di dje:
“1. Lo ehecuta e principionan di e ‘Kerntakenanalyse’ den cual lo elimina un hala di departamentonan existente y lo incorpora diferente diensten den otro por lo cual lo tin mester di menos ambtenaar!
2. Consecuencia di esaki ta cu den prome instante hopi ambtenaar lo wordo manda cas cu pago!
3. Lo ofrece e ambtenaarnan na cas un trabao, a base di un acuerdo cu sector priva, un trabao den sector priva bao e condicion cu Gobierno pa un tempo determina lo sigui paga e ambtenaar e diferencia di salario mas su beneficionan manera vakantieuitkering, bashipremie, kindertoelage etc.
4. Lo introduci un wachtgeldregeling obligatorio, pa un tempo defini p.e. 3 aña, pa esnan cu no tuma e trabao den sector priva of cu despues di tempo no ta interesa pa keda den sector priva! Corda cu e Dienst no ta existi mas of si e ta existi no tin vacatura!
5. A palabra cu Hulanda lo coopera pa financia e areglo cu sector priva y e wachtgeldregeling contal cu esaki duna e resultado cu e cuerpo di ambtenaar lo wordo reduci cu 1500 ambtenaar!
6. Pa haci e contribucion, asina jama Duurtetoeslag, na Pensioenfonds mas pagable y barata lo pasa tur ambtenaar entrante 2010 den e 2e fase di areglo nobo di Pensioenfonds!
Ambtenaarnan lo mantene e derecho adkeri pa e añanan di servicio cu ya nan a traha y contribui! Den e areglo nobo lo tene cuenta cu e ‘franchise’ di AOV cual lo haci e duurtetoeslag mas barata tambe!
7. Esaki lo wordo ehecuta den un periodo di 4 aña!
Anto ta tristo pa mira cu awe e Sindicatonan den Accion ta lucha ‘sam sam’ bao guia di AVP cual den futuro nan mesun miembronan lo bay paga e prijs halto pa esaki!
Analisando e accionnan di Sindicatonan den Accion mester constata cu den nan tin un ‘cabay di Troja’ cu ta haci e trabao politico pa AVP! Y esey manera tur hende sa ta SIMAR! “