ORANJESTAD- Diasabra venidero Scouting Aruba lo celebra St. Joris Dag” y pa esaki a hinca un programa den otro.
E aña aki mescos cu aña pasa lo tin e apertura di dia lo ser teni ariba e tereno dilanti di St. Dominicus College. Scouting Aruba ta invita tur Bever, Welp, Verkenner, Explorer cu nan lidernan miembro di Gruponan: Baden-Powell, Madiki patras di Riverplate, bao liderazgo di Hopman Reuben Craigg
Cacique Macuarima, Sta Cruz na Cacique Macuarima school, bao liderazgo di Hopman George Geerman Cascabel, Ayoo na Emmaschool, bao liderazgo di Ouwe baas Fernando Kock Casibari, pariba di Casibari Rock Formation, bao liderazgo di Hopman Patrick Croes , Kimball O’Hara di Piedra Plat den Casi Bari Rock Formation, bao liderazgo di Hopman Hubert Winterdal, Ora Ubao, Tanki Leendert na Colegio Ora Ubao, bao liderazgo di Hopman Candy Boekhoudt, San Dominico Noord, patras di St. Anna/St. Aloysius School, bao liderazgo di Akela Sharlyn Tromp-Farro, San Martin de Porres, Buena Vista, bao liderazgo di Hopman Eddie Maduro
Santanero, Dakota pariba di Rode Kruis, bao liderazgo di Hopman Edward Luckhoo, Sint Paulus Michael, San Nicolaas na Santa Theresita Center, bao liderazgo di Hopman Ralph Croes, Sint Joris, San Nicolaas patras di Dr. Every, bao liderazgo di Baloe Lucaskjo Schmidt Sint Hyacintus, Savaneta na centro Funari, bao liderazgo di Hopman Niel Thijsen, Sonrisa nos grupo special di Pavia, na Centro Sonrisa, bao liderazgo di Hopman Ben Broekman.
Tur ta ser spera den uniform completo pa 8.30 di mainta pa asina nos por cuminsa cu nos celebracion. Nan lo sali cu un parada for di St. Dominicus College, pasa den caya principal y regresa St. Dominicus College. Despues lo tin e ceremonia di pone krans na e monument cu lo termina pa 12.00 di merdia.
Durante e dia por aprecia con balente nos verkenner y Explorernan lo tene wacht na e monumento di St. Joris dilanti di e cura te cu 4’or atardi pa asina cada un por bai nan grupo pa prepara pa tene nan kampvuur caminda lo sera e dia ta tira e rosa dne e candela y pidi St. Joris un deseo cu sigur lo ser cumpli.
St. Joris Dag ta un dia cu tur scout no lo lubida den nan bisa y como tal tambe hopi hende ta scohe pa wordo instala rond di e fecha aki pa sina semper corda ki dia a priminti di ta un scout pa semper, cu lo cumpli cu su Dios, Patria Hogar.
Di awor caba Scouting Aruba kier a felicita tur scout ariba nan dia y cu hunto nos por demostra cu nos ta orgujoso di ta un scout trahando pa hiba nos Aruba dilanti door di ta un bon ciudadano cu respet y amor propio pa nos mes y nos creador y nos pais.