WILLEMSTAD – Hopi t’esnan ku a ward’é i porfin el a pisa suela di Kòrsou. E modelo nobis nobis di Hyundai a kaba di yega. Un outo super ekonómiko, espasioso i luhoso manera nos klientenan a kustumbrá.
E chikitin luhoso di Hyundai aki ta remplasá Hyundai Atos. Modelo i-10, un super modelo, ta un “five-seater hatchback”, ku su motor di gasolin di 1.1 liter optenibel ku 5 spit manual o 4 spit outomátiko. i-10 ta duna bo un máksimo di 66.7PS forsa di kabai na 5500rpm. Su tayonan sin chup ta sòru pa un preshon di airu abou dunando bo un eksperensia di kore suave i plasentero.
Di su parti paden no papia mes, e modelo aki ta figurá sufisiente espasio pa kuater á sinku adulto sinta hopi konfortabel. E ta ekipá ku air-conditioning, seat belts, tilt stearing wheel, mac reems i hopi mas. E lombanan di stul patras ta dobla, kreando asina sufisiente espasio den baul na ora di mudansa o kualke piknik.
E i-10 aki sea den su forma GL o GLS ta un berdadero luho di outo ekonómiko. Su diseño atraktivo i simpel, pero tambe su astusia riba kaminda ta hasié e outo perfekto pa esnan ku ta kore hopi. Ku su midínan di 3.565mm (largu) x 1.595mm (hanchu) x 1.550mm (haltu) i un base di wil di 2.380 mm largu, e ta un bon eskoho pa tur famia i e mihó eskoho pa kompanianan di “autorijschool”, “car rentals”, pòst i otronan ku ta hasi entrega konstante.
Hyundai i-10, ku su “i” di inspirashon, ta e di dos di e seri “i” di Hyundai. Den un palabra e outo di momentu a yega i e t’ei pa keda.
Crown Automotives i Banco di Caribe a uni forsa pa ofresé bo un oportunidat di oro. Hyundai i-10 tambe a djòin e otronan den e kampaña Eksperensiá Caribe real.
Kuminsando for di Naf. 410,- pa luna i Naf. 0, - na man, bo por risibí 100% finansiamentu na 3.95% (APR 7.01%) i tin e posibilidat di kore un Hyundai i-10. Unabes bo fiansa ta aprobá, bo ta risibí tambe 20% deskuento riba bo pakete di seguro serka Banco di Caribe, un telefòn selular ku un Handsfree Kit (tanten tin na stòk).
Pa mas informashon, tuma kontakto ku nos na 461-6333. Tambe bo por bishitá nos website na:
http://curacao.hyundai-motor.com