ORANJESTAD- E aumento di adictonan ambulante y domestico a conose un aumento dramatico, caminda dia tras dia famianan ta wordo afecta na un forma doloroso.
Mayornan cu ta mira nan yuinan cu a bira esclavonan di droga cu ta kibra y horta pa asina nan satisface nan bisio.
Tata nan y mama nan cu ta bandona cas pa dia nan largo y drumi den un chollerhouse.
Esposo nan cu ta maltrata nan esposa pa motibo di nesecidad pa placa pa cumpra droga y alcohol.
Yui nan cu ta sufri trauma nan cu tin efecto ariba nan pa bida largo.
Tin hopi famia nan cu a experimenta cu nan sernan keri cu después di a pasa den centro nan di rehabilitación a cai back na diferente ocacion den adiccion.
Hopi biaha nos a lubida cu Dios ta esun cu tin e poder y autoridad pa hasi un adicto liber di su tormento cu e y su famia ta biba.
E necesidad pa envolvi iglesianan Cristian den un maneho di rehabilitación di e adictonan
ta altamente necesario.
Esaki ta un trabouw hopi mas profundo cu simplemente manda un persona un centro di rehabilitación of crea un shelter pa laga adictonan banja y come sin ningun tipo di speransa di rehabilitación y re- integración den comunidad.
Pa esaki por sosode mester bin un union den e iglesianan, Catolico, Evangelico, Pentecostal, Metodista, Adventista, Bautista, Protestante, Anglicano etc.
Pues tur cu ta kere den e poder di liberación di Jesús, kende a bin aki na mundu no pa condena sino pa rescata loke tabata bayendo perdi y hasi catibonan (adictonan ) liber y tambe sana enfermonan fisicamente y spiritualmente.
Den un gobernación caminda ta inclui Dios den su maneho nos por mira resultadonan positivo sigur. Programanan di rehabilatacion ta hopi importante, pero nunca por laga Dios afor di e programa aki. A bira tempo pa nos tur realisa cu nos tin mester di e Todopoderoso pa E interveni den e situacionan doloroso cu nos pais ta bibando.
For di combersacionan cu líder di partido AVP a sali como resultado e vishon di inclui iglesianan Cristian den un maneho di adiccion y tambe otro problema nan social.
Partido AVP sigur lo ponde atención ariba atorgamento di terenonan cu a ser pidi pa construi iglesianan y proyectonan di iglesianan pa construi centronan di rehabiltacion.
No ta tempo pa drumi mas, pero e tempo pa actua.
Den un union di e iglesianan Cristian sigur lo ta bay tin un victoria grandi pa Aruba.
E victoria aki por wordo tradusi den: UN MIHOR COMUNIDAD PA UN Y TUR caminda cu nos tur por disfruta di dje.
2 Kronikanan 7:14 ta bisa: Si Mi pueblo cu ta wordo yama na Mi momber, hasi oracion, y busca Mi cara y converti di nan mal caminda, e ora ey lo Mi scucha for di shelo y pordona nan picanan y lo Mi sana nan tera.