Henter pueblo por yuda vota pa nan clasifica

ORANJESTAD- Durante luna di mei 2008, henter pueblo di Aruba por yuda vota pa asina nos agrupacion local di Reggae ILA por clasifica den un festival internacional masha renombra na Europa.
E Reggae Contest aki di e renombra ROTOTOMSUNSPLASH Festival, lo tuma lugar na Italia Europa y Aruba ta partcipando cu e grupo musical ILA. Aruba ta forma parti di Reino Hulandes, pues debi na esaki ILA por particia y ta cai bao di e categoria di Benelux, pues Belgica, Hulanda y Luxemburgo. Con bo por yuda ILA? E clasificacion ta tuma lugar via votamento ariba Internet. E siguiente pasonan mester tuma pa bo voto por conta.
Subi arba Internet y bai na e address: www.rototomsunsplash.com
Despues bo ta bai na e seccion cu ta bisa: “Reggae Contest: We Hill star form scratch”
Despues bo ta clic na “Vote & Quote” cu ta scirbi den e mesun seccion of paragraaf menciona ariba.
Despues bo ta scroll bai abao y clic ariba e bandera di Netherlands & Belgium.
Despues bo ta scroll bai full abao na VOTE ONE BAND y bota click den e box chiquito banda di e number di ILA e lo bira un checkmark.
Despues bo ta yena bo e-mail address valido den e strepi geel y click ariba e boton scirbi VOTE.
E lo bisabo cu bo lo ricibi un e-mail y bo voto lo ser rgistra te ora cu bo habri bo e-mail y clic ariba e link indica den e e-mail. E e-mail bolo ricibi via e adress di anonymous@rototom.com
Paga tino si e e-mail a bin normal den bo box, den spam, den junk of den inbox.
E ta yega mesora manera cu bo click VOTE. Tin hende cu mester click e “enable link” pa por habri e link den e e-mail.
Tuma nota cu si bo tin mas cu un e-mail address bo por vota atrobe, pero bo mester paga bo computer y sende bek ya cu un IP address so ta aceptable. Di e forma aki bo ta vota oficialmente pa ILA di Aruba por clasifica pa participa den e Reggae contest internacional aki. Solamente un representante por gana den cada pais. Na final solamente 9 pais lo keda escohi pa bai e festival nan Italia cual lo tuma lugar dianan 10 y 11 di July 2008.
Si ILA Sali den e 9 nan pa bai final ya automaticamente nan lo participa na e Reggae Sun Dance Festival na Hulanda cu lo tuma lugar nan Augustus 2008.
Ya caba bo por subi y vota te cu dia 28 di Mei 2008. E otro pais nan cu tambe ta forma parti di e competencia aki ta: Italy, Austria, Germany, Switzerland, France, Spain, Benelux, Denmark y Scandinavia y e Restante di Europe. Aruba ta cai bao di Benelux, esey ta significa cu ILA lo ta competiendo cu e bandanan di Hulanda, Belgica y Luxemburg prome cu por yega na competi cu e otro paisnan.
Ora cu bo vota bo ta mira mesora ken ta na prome lugar den e categoria ey. Aruba ta constantemente awor na prome of di dos lugar cu e banda Pura Vida di Belgica, ya cu e votacionnan ta tumando lugar henter dia y anochi. Tur e bandanan ta riba e website cu 2 mp3 tracks y 1 potret.