ROMA – Milan ta kore un rísiko serio di keda for di e próksimo Liga di Kampionnan, pero speransa ta e último kos ku su strea brasileño Kaká ta pèrdè.
“Lo ta lamentabel di no mira Milan den Liga di kampionnan próksimo aña, pero nos ta trahando bon pasobra, miéntras nos tin speransa, nos tin ku pensa loke nos por logra”, el a deklará djarason na Milan Channel.
E ekipo rossonero a pèrdè e di kuater puesto riba e fechá pasá, ku ta duna pasashi pa e preliminarnan di e torneo europeo di klupnan, ora el a ser superá p Fiorentina riba tabla di posishon (63-61). Milan a pèrdè 3-1 kontra Napoli i Fiorentina a gana Parma ku e mesun skor.
E di kuater puesto lo permitié saka e último pasashi pa e próksimo Liga di Kampionnan. Inter i Roma ta pasa dirèkt, Juventus tin e di tres puesto sigurá kaba pa e preliminarnan, i Fiore i Milan ta lucha pa e otro puesto.
Kaká a bisa ku e ke yega e wega di djadumingu bon” Nos tin ku gana i spera ku tur e sobra (Fiorentina) lo bai bon pa nos”.
Di tur manera, e hungadó brasileño a kalifiká komo e temporada di Milan “bon”, ku “dos viktoria importante, e mundial di klupnan i e Superkopa europeo”, ounke el a atmití ku e kampionato italiano no a bai mashá bon.