Presidente di Parlamento:
Dianan 21, 22 y 23 di mei

ORANJESTAD- E siman aki, esta dia 21, 22 y 23 di mei lo tuma lugar na At. Maarten, reunionnan di Bipartite entre Antias y Aruba.
Pa e occasion aki un delegacion di Parlamento ta sali pa St. Maarten unda desde mayan dia 20 lo tuma lugar diferente bishitanan di trabou. Lo bishita e oficina di gobernacion den construccion, :the St. Maarten Business Association y “the chamber of Commerce of St. Maarten . Tambe lo bishita un proyecto di agricultura di “the St. Maarten Agricultural Enterprises”.

Diaranzon lo start sali cu e reunion entre e delegacionnan. E delegacion aki ta ser encabeza pa Presidente di Parlamento drs. Mervin Wyatt Ras y sr. adi Thijsen cu ta presidente di e commission CIPRES (Contracto Interparlamentario cu Reino y Surnam).
E apertura lo tuma lugar dor di discursonan di e Presidentenan di Antias y di Aruba sigui pa tratamento di puntonan di agenda.
Dicho puntonan di agenda ta lo siguente.
1. Palabracionnan
2. Tratado di comercio entre Reino y Republica di China, entre otro trafico di persona
3. Evaluacion di e areglo di cooperacion Antias y Aruba
4. Structura nobo di consulta interparlamentario pa relacionnan den Reino /deficit democratico
5. Rapport di European Commission for Racism and Intolerance y Open Justice
6. Intencion di maneho hulandes encuanto declaracion di ta persona indesea dentro di Reino
7. Ensenaza di Plan di Delta cu presentacion di ministro di Ensenanza y Cultura Antiano, sra. Omaira Leeflang y dia di REino
8. Cambionan di structura estatal cu presentacion di Minister Duncan di Asuntonan Constitutucional y interno
9. Sesion di informacion dor di minister di Justicia Antiano encuanto Corte Comun di Justicia di Antias y Aruba y discucion al respecto
10. Participacion na “move your act” ivm bestrijding obesidad y sobrepeso
Na final lo sinta conhuntante y discuti e declaracion final, esta slotverklaring.
Presidente di Parlamento ta spera cu por logra trata tur e topiconan indica mirando e tempo limita, sinembargo ta apela ariba eficiencia pa logra metanan.