E lo papia riba seguridad den area di Casino (Casinowezen)

ORANJESTAD - Manera ya publica na diferente ocasion, AH&SF ta organiza e Segundo Conferencia di Turismo y Seguridad den Caribe. E conferencia aki lo bai trata diferente topico, manera:
* Review of Tourism Security around the world
* Terrorism and Tourism: Responding to imminent threats
* Gangs: How to deal with them
* TOPP’s and Tourism Security (TOPP’s stands for: Tourism Oriented Policing/Protection Services)
* Casino Security
* Preventing and Responding To Hospitality Theft
* Food Safety
* How to build a risk based security program
E conferencia lo tuma lugar bou guia di Dr. Peter Tarlow, cu ta wordu considera den e mundo internacional como e experto specializa ariba e impacto di criminalidad y terrorismo ariba e industria touristico, tambe ariba e topiconan di “risk management” den “tourism and economic development”
Un di e oradornan na e conferencia aki lo ta Sr. David Shepherd, cu ta e Hefe Ejecutivo di e compania Readiness Resource Group (RRG), un compania chiquito propiedad di y maneha pa veteranonan cu ta ofrece servicio di preparacion den casonan di riesgo den area di seguridad na companianan comercial y departamentonan gubernamental atravez di analasys di tur e componentenan cu ta afecta e cliente nan habilidad pa maneha nan negoshi of projecto y ta yuda nan pa planea pa e continuidad di existencia.
Sr. Shepherd ta duna lecturanan atravez di Estados Unidos y a presenta tambe na televison entre otro na the Travel Channel, Discovery Channel, BBC, ABC, NBC, CBS y Today Weekends. Sr. Shepherd a testifica tambe dilanti di e Congreso di Estados Unidos y tambe e Senado Estado Unidense ariba topiconan manera terorismo, seguridad tecnológico di fronteranan y fraude den e mundo di tele-mercadeo.
Sr. Shepherd tambe ta e autor di e a buki "Preventive Measures: Is your company ready? Are You?”
TOPICO
E topico di e charla cu Sr. David Shepher lo amplia ariba dje durante e proximo conferencia ta seguridad den area di Casino (Casinowezen), pues sumamente interesante pa tur exhecutivo y professionalnan cu ta traha den e mundo aki, tanto di sector priva como funcionarionan di gobierno.
Ta poco biaha Aruba ta sede di un conferencia di e escala aki cu ta trata topiconan asina importante pa e mundo di Trismo y Seguridad duna pa oradornan specializa y conoci internationalmente. Participacion na e conferencia aki ta solamente 300 florin si registra y paga prome cu dia 25 de mei. Esaki ta inclui coffee breaks y lunch ariba dianan 5 y 6 di Juni proximo, e dianan cu e diferente oradornan lo duna nan charla. Despues di 25 di mei e prijs pa registracion ta bira 350 florin.

Registracion por wordo haci atrabes di Sra. Anky Bruin na AHATA. Pa mas informacion por yama 582-2607, Fax # (297) 582 4202 of tuma contacto cu anky@ahata.com