WILLEMSTAD – Awe ta hasi eksaktamente 35 aña, ku diferente persona i organisashon a bin huntu pa lanta loke nan a yama e tempu ei un banko pa e hende humilde i trahadó. 35 Aña a pasa i awe Banco di Caribe ta un konsepto den nos komunidat. For di awe mainta a kuminsá e selebrashonnan na e ofisina prinsipal di e banko i su sukursalnan, pero e fiesta mes ta bai sinti awe tardi ku e tradishonal bolo grandi di Banco di Caribe, siguí pa un konsierto popular. E aktividat lo tuma lugá riba e lugá di parker na Saliña. Riba e pòtrèt por mira, kon awe mainta tabata deleitá klientenan ku ambiente musikal na e ofisina prinsipal na Saliña. LA PRENSA ta deseá staf i personal di Banco di Caribe masha pabien ku e bunita logro aki.