NEW YORK – Ora ta trata di e asombroso Mike Tyson, tur hende tin un opinion. Lo e pasa pa historia komo un dje pesonan pisá grandi o komo un pèrdida di talento? Akaso su aktonan pafó di rin a pone un sombra riba su aktuashon den rin?
Kiko ekspertonan ta bisa di dje:
Pa motibu di kon e kosnan a kaba p’e i pa motibu dje sirko ku su bida tabata pafó di rin, probablemente historia lo rekòrdá Tyson komo un personalidat karismátiko ku a kaba den un era partikularmente debil di e kategoria pisá. E ta un inhustisia: Den su momento kulminante e tabata un peso pisá talentoso kende su poder i velosidat tabata e únikonan entre e mihónan i na mi opinion, lo poné den e promé 10 di historia, asina William Dettlof di Ring Magazine a opiná.
Tempu Tyson tabata hóben e tabata un bòksdó ekselente. Pa mala suerte, e parti ei di su historia a haña un sombra pa loke a bini despues. Esei tabata opinion di Thomas Hauser, Secondsout.com.
E punto mas grandi di Tyson ta ku tur hende sa ken e ta. Esei ta asina pasobra el a eksplotá den bòkseo (ku nòkout riba su promé 19 rivalnan, un dozein den promé rònt) i el a bira e kampion mas hóben di historia di peso pisá, despues el a drenta sosiedat i finalmente el a satisfasé esnan ku no gust’é ora el a sufri nòkout na man di rivalnan di ménos nivel den su último dos peleanan. Esei Michael Hirsley, eks kolumnista di bòkseo di Chicago Trinube a bisa di dje.
-Den su mihó momento, Tyson tabata e bòksdó mas talentoso ku a pasa den rin den e promé seis ròntnan; despues di e seis rònt ei tr kos tabata dependé si e atversario kier a gana o si e tabata bringa pa sobreviví—Graham Houston di Boeing Monthly.
-Tyson lo ser rekordá komo e bòksdó ku tabata pone su oponentenan tembla promé ku un pelea – no lubidá e kantidat di bia ku Frank Bruno a hasi e señal di krus ora el a subi rin pa enfrentá Tyson den un revancha na mart 1996. Robert Morales di Reuters.
Komo fanátikonan di bòkseo, nos ta programá pa tin un memoria selektivo. E Tyson ku mi ke rekordá ta e agresivo Iron Mike di fin di añanan 90. E wowonan será, e atake peligroso, e yobida di ganchunan, kròsnan i ùperkùtnan – e vershon ei di Tyson tabata esun ku e sa deskonektá su rivalnan for di realidat, opinion di Darius Ortiz, ESPN.com.
E historia di Tyson ta un di talento desperdisiá. Na un punto, despues di a nòkout Michael Spinks, algun hende a kee ku un dia lo e ser rekordá komo un dje mihó pesonan pisá di tur tempu. Despues nos tabatin e derota impaktante pa nòkout tékniko kontra Douglas, prizòn, e agreshon kontra Holyfield i e demas problemanan legal i finansiero. Hòmbu, tur loke lo e por a logra, asina Dan Rafael di ESPN.com. ta bisa.
E palabra ku ta deskribí Tyson mihó ta “koutivador”. El a logra koutivá pa tur e motibunan adekuá, manera un kampion eksplosivo di peso pisá, i tambe el a logra koutivá tur e motibunan no apropiá, segun su karera i su bida tabata pèrdiendo kontròl. Lamentablemente e di dos parti a dura mas ku e promé. Esei ta opinion di Eric Raskin, Ring Magazine.
Tyson lo ser rekordá komo un dje talentonan desperdisiá ku mas potensial. E tabatin un poder di nòkout inkomparabel. Lo e ser rekordá komo e entretenementu mas destaká di bòkseo, segun Tim Smith, N.Y. Daily News.
Tyson tabata un forsa imparabel, un ku kua nunka bo sa kiko por a sosodé. E tabata Superman i SuperMalvado, desorientá i likidá pa e konseho i mensahenan ku diferente personahenan ku mal intenshon a regal’é, esei Don Steinberg di The Philadelphia Inquirer ta bisa.
-Ta manera nos ke lubidá ku promé ku Tyson a bira esun ku ta paga pa tur kos malu den bòkseo, e tabata e salbadó dje deporte. Tempu Ray Leonard i Larry Holmes a finalisá nan karera, Tyson a lanta e situashon i el a rebibá e bòkseo ku tabata morto pa un tempu. Di un forma, el a re-enkarná e mihó pesonan pisá den unu; e tabatin e sistema eksplosivo di Jack Dempsey, e malisia di Sonny Liston, e karisma di Joe Louis i e habilidatnan sosial di Leon Spinks, segun Don Stradley di Ring Magazine.
-E Tyson ku semper mi ta bai rekordá ta e forsa destruktivo mas poderoso i intimidante ku hamas mi a mira den e deporte. E sa krea un reakshon asombroso ku ainda mi no por a kompará ku otro atletanan. Ora e ta drenta den rin e ta krea pániko. Despues os a kaba: e energia, e reakshonnan, e miedu. Pero e Tyson ku a bringa na Albania, Troya i Glen Falls tabata inkreibel. Realmente bo mester a mir’é. Joe Tessitore di ESPN ta bisa.
-Nunka nos lo sa kon bon Tyson lo por tabata. Ora e tabata bai pasa den su mihó momentu el a ser gará pa un mal maneho, mal relashon i e inhabilidat pa lidia ku rikesa i fama. Sin duda, Tyson ta un di e historianan tristu di bòkseo. George Willis di N.Y. Post ta skibi.