ROMA, Italia, - E dama Minister di Igualdat di Oportunidat di Italia, Mara Carfagna, di 33 aña, no sa kon kita for di su perfil komo modelo profeshonal.
Konvoká pa revista Interviu, e dama funshonario sensual aki a sali sunú riba portada di e revista.
E finalista di sertámen di Miss Italia a aparesé sin paña i sin kartera, Interviu a deskribí.
Carfagna, kende ta poseé un beyesa indiskutibel, a demostrá ku e por desempeñá perfektamente dos ròl na mesun momentu: esun di modelo i esun di Minister.
E dama aki ta e mesun persona ku algun tempu pasá a pone matrimonio di Promé Minister di Italia, Silvio Berlusconi, tambaliá.
Impreshoná pa su beyesa, e multimionario aki a deklará ku, di su parti, e lo kasa ku Carfagna i inkluso hib’é te fin di mundu.
E konfeshon aki a pone ku esposa di e magnate aki, mediante un karta na un korant nashonal, a eksigí su esposo pa pidié despensa públikamente.
E dama Minister di Gobièrnu di Berlusconi ta lisensiá den Derecho i durante un tempu e tabata traha komo modelo profeshonal.
E resientemente nombrá dama Minister pa Igualdat di Oportunidat den Gobièrnu di Berlusconi, tambe ta diplomá den Piano i Danza Klásiko.
Ademas durante un tempu, el a traha komo modelo profeshonal.
Alabes el a partisipá den konkurso di Miss Italia na 1997, te ku el a keda eligí pa huradonan den e finalistanan.
Tambe e tabata bailarina di televishon.
Aktualmente e ta pertenesé na un Ehekutivo formá pa 17 hende hòmber.

Foto; Mara Carfagna 2405

Minister Mara Carfagna, di 33 aña, riba portada di revista Interviu.

Foto: Mara Carfagna i Silvio Berlusconi 2405

Minister Mara Carfagna, man robes, resientemente ta duna Promé Minister nobo di Italia Silvio Berlusconi man, durante e seremonia di huramentashon na Palasio presidensial na Roma.