Algun di e obranan lo wordo exhibi den Scol di Arte na San Nicolas

ORANJESTAD - AHATA su comicion di medio ambiente por wak atras riba un di 7 Competencia di Obra y Arte Recicla como uno hopi exitoso. Rond di 620 persona a bay wak e competencia na nos Biblioteca Nacional O’stad y hopi tawata esnan cu a keda impresiona cu e creatividad di e participantenan. A rifa diferente premio entre e bishitantenan y e sigiente personan por tuma contacto cu AHATA na tel; 582-2607 pa reclama nan premio.
Prome premio: un celular di Digicel Sra. Maria Dirks,
Di dos premio: un executive travel bag Sr. Rudi Lampe,
Di tres premio: un trip pa De Palm Island pa 2 persona Sra. Vanessa Rumnit,
Di cuatro premio: un regalo di Coconut Trading Sra. Alexandra van der Meer,
Di cinco premio: un regalo di Coconut Trading Sra. Mary Baarh.
E aña aki 13 scol, 8 hotel/grupo y 19 individual (amateur y profesional) a participa. A traha un total di 133 obra.
Tur participante a haya un certificado y e ganadornan a haya diferente premio duna door di tur nos sponsornan. Un danki special ta bay na tur nos sponsornan, ya cu sin nan aporte e competencia aki no tawata posibel. Un danki grandi na Biblioteca Nacional cu tur aña ta yuda nos cu nan sala, AHATA, De Palm Tours, Divi Aruba Phoenix Beach Resort, The Links, Matthews na Casa del Mar, Aruba Adventures, The Mill, Taco Bell, Red Sail Sports, Holiday Inn, Coconut Trading, Bucuti Beach Resort, La Cabana Beach and Racquet Club, Tropical Bottling Company, Renaissance Beach Resort, ATCO, Burger King, Amsterdam Manor, Manchebo Beach Resort, Digicel y Valero.
AHATA ta pidi tur participante cu ainda no a recohe nan obra di arte pa pasa na Biblioteca Nacional mas lihe posibel. E competencia tawata asina exitoso cu San Nicolas Business Association a aserca e comicion y a pidi pa trece algun di e obranan San Nicolas na “ Scol Di Arte” na Pastoor Hendrikstraat 103. Tur e ganadornan y algun otro participante a acepta pa expone nan obra na Scol Di Arte.
Tur hende ta bonbini pa pasa wak e obranan for di diamars, 27 di mei te cu diabierna 6 di Juni 2008.
E orario ta dialuna y diaranzon di 2:00 pm te 9:00 pm, diamars di 1:30 pm te 8:00 pm, diahuebs di 4:00 pm te 9:00 pm y diabierna di 5:00 pm pa 9:00 pm.
Ta bale la pena pa bin wak e obranan aki. Aña 2009 den luna di Mei nos ta conta atrobe riba henter e comunidad pa nan partisipacion!