WILLEMSTAD - Den e fin di siman tras di lomba djabièrnè i djasabra 6 i 7 di yüni respektivamente tabatin aki na Kòrsou den stadion Ergilio Hato, e Dutch Caribbean Championship 2008,, ku atletanan di Kòrsou, Aruba, Boneiru, Sürnam, Venezuela i Trinidad.
Tabatin vários resultado bon pa atletanan di Kòrsou.
Den e kareda di 100m pa mucha muhé entre 14-16 aña, Shamila Daal di Kòrsou a resultá e ganadó ku tempu di 12.59 sekònde. Den e kategoria di 17+ Shurnal Henriette di Kòrsou tambe a gana ku tempu di 12.21 sekònde.
Den mucha hòmber 14-16 aña Christopher Garia di Kòrsou a marka tempu di 11.01 sekònde riba 100m.
Den e kategoria 17-19 aña, ta Curtis Kock a resultá e gana dor ku tempu 10.80 sekònde.
Den e kategoria di 20+, Keston Bledman di Trinidat a marka 10.37 sekònde i su kompatriota Rondell Sorrillo a marka tempu di 10.62 sekònde pa keda na di dos lugá.
Shamilia Daal a gana tambe den bulamentu leu, markando un distansia di 5.38.
Den 400m pa mucha muhé 14-16 aña, Lieshaya Dalnoot di Kòrsou a marka tempu di 56.40 sekònde pa yega promé i Vanessa Philbert di Kòrsou ku tempu di 59.32 a yega na di dos lugá.
Den mucha hòmber 14-16 aña riba 400m Daniel Manuel di Kòrsou a marka tempu di 50.65.
Den e kategoria di 17 aña plùs, Luis Luna di Venezuela a marka tempu di 47.03 sekònde.
Den Bulamentu Leu pa mucha hòmber 14-16 aña, Wensley Tweeboom di Kòrsou a sali number unu ku un distansia di 6.69m. Den e kategoria di 17 plùs den e mesun evento, Fabian Padron di Venezuela a marka distansia di 7.62m.
Riba 1500m pa mucha hòmber 14-16 aña, Benjamin Manuel di Kòrsou a marka tempu di 4:39.78 minüt. Den e kategoria di 17 plùs, Jairo Troeman di Kòrsou a marka 4:20.21 minüt.
Riba e evento di Estafette di 4x400m pa mucha hòmber 14 plùs, e tim di The Eagles A a marka tempu di 3:15.08, miéntras ku Trupial A a sali na di dos lugá ku 3:31.32 i The Eagles B a sali na di tres lugá 3:40.64 minüt.
Tiramentu di Discus mucha hòmber 17 plùs Nelson Braafhart di Kòrsou a marka distansia di 30.51m
Den mucha muhé kategoria 17 plùs Gwensca Angelilca di Kòrsou a marka distansia di 27.23m
Den Bulamentu Haltu mucha muhé 14 aña plùs Marielys Rojas di Venezuela a marka 1.75m, miéntras ku Jeneree Wyatt di Kòrsou a marka 1.50m.
Kareda di 200m kategoria 14-16 aña Christopher Garia a marka tempu di 22.39 sekònde. Den e kategoria 17-19 aña, Rachmil van Lamoen di Kòrsou a marka 22.03 sekònde.
Den e kategoria di 20 plùs, Rondell Sorrillo di Trinidat a marka tempu di 21.42 sekònde, Ronald Amaya di Venezuela a marka 21.878 i Joel Maloney di Trinidad a marka 22.68 sekònde.
Riba e evento di Estafette mucha muhé 17 plùs 4x100m, e tim di The Rising Stars a marka tempu di 48.65 sekònde. Trupial a sali na di dos lugá ku 49.22 miéntras ku The New Revolution A a marka 50.07 sekònde.
Den e kategoria mucha hòmber 14-16 aña riba 4x100m, The Rising Stars A, konsistiendo di Juricson Profar, Faniel Manuel, Christpher Garia i Rayen Rojer, a marka tempu di 43.54 sekònde.
E otro kategoria 17 plùs 4x100m e tim di The Eagles A, konsistiendo di Curtis Kock, Rachmil van Lamoen, Prince Kwidama i Brian Mariano, a marka tempu di 40.72 sekònde. Na di dos lugá a sali The Eagles B, ku tempu di 42.41 sekònde i na di tres lugá un tim formá pa koredónan estranhero ku a marka 42.77 sekònde.
Un éksito rotundo e Dutch Caribean Championship 2008 a resultá i e organisadónan ta gradesí e spònsernan, Kuster’s Trading, Curaçao Bottling Co, ku FRIA, Top Professional Cleaning NV i Post Spaarbank ku a koperá ku e evento aki.