WILLEMSTAD – Echo ku a prohibí pa papia riba aspekto finansiero den simposio di integrashon di trabounan riba tereno di adikshon, esaki lo por difikultá idea di sekretario di Estado pa mehoransa. Esaki i hopi otro faktornan di eksperensia ku a keda poné un banda lo bira e motibu ku lo no logra.
Indiskutiblemente Fundashon pa Maneho di Adikshon (FMA) ta apoyá e inisiativa di Sekretario di Estado Joan Smart-Berkel pa apoyá e proseso di integrashon di trabou pa adikshon i prevenshon di adikshon riba islanan di Antia. Den kombersashon ku direktor di FMA, drs. Leslie Roosberg ta splika di ta kontentu ku sra. Smart-Berkel ta sali na vanguardia pa un proseso di transishon di lanta respektivamente e paisnan nobo bai traha huntu den un forma ordená ku mihó kuido pa adikto.
XXXFMA di eksperensia a siña traha huntu ku otro sektornan esaki a bira indespensabel.XXX Echo ta ku pa 12 aña largu Gobièrnu Sentral den niun forma a apoya aktividatnan riba prevenshon di adikshon i kiudo di adikshon. Segun drs. Roosberg ku Gobiernu Sentral a perkura pa duna supsidio pa Brasami durante último 11 aña pero lo demas no tabata tin niun kontribushon respektivo pa e teritorionan insular di Antia.
Minister Dick den su palabranan di apertura di e simposisio ku a tuma luga djaweps último a bisa bon klá ku minister Stanley Inderson tabata e último minister ku mas o menos 12 aña pasa a mustra interes pa e trabou aki i ta e úniko minister ku a pone fondonan disponibel pa aporta desaroyo di kiudo di adikshon. Entretrantu ya ta 12 aña ku a pasa ku teritorio di Kòrsou representa pa GGD a duna FMA e mandato i fondonan nesesario pa konstriu loke awe ta para na Kòrsou. Huntu ku Klinika Capriles i Brasami awe na Kòrsou por papia di un kiudo ku a konose mehoransa kompara ku 10 aña pasa. Esaki ta nifika un adelanto riba e tereno aki, segun drs. Roosberg ta sigui relata na LA PRENSA.
Ounke hopi trabounan mas pa hasi i asta por bisa sierto kosnan por kana mihó por lo general ta un echo ku kòrsou a demostra trahando huntu, gobiernu i FMA lo por logra hopi. Konforme deklarashon di direktor di FMA, drs. Leslie Roosberg ku FMA di tur forma ta apoya esfuersonan di sekretario di estado i ku tin sierto desapunto ku instansinan ku ta traha den veld na Kòrsou pa e manera ku sekretario di estado Smart-Berkel ta ekspresando su mes publikamente den medionan di komunikashon.
Drs. Leslie Roosbergh ta splika ku tin biaha ta skucha e sekretario di esatdo papia i ta haña e idea ku e no tin e menor ide di loke ta pasando na Kòrsou riba e tereno aki. I esaki no ta nada straño ku enberdat te awe no a tuma kontakto ku niun instansinana ku ta traha riba e tereno di kiudo pa adikshon na Kòrsou. Si e sekretario di estado ta papia pa traha huntu un di e prome rekomendashon ta pa esun ku ta desea di bai pa kordina e trahamentu huntu aki ku mester enbolbi tur hende for di e salida di e proseso. E enbolbimentu aki mester ta aktivo ku partisipashon pa yega na e loke ta e deseo.
Otro punto remarkabel di drs. Roosberg ta ku durante e simposisio sekretario di estado kategorikamente a prohibi pa papia riba e aspekto finansiero, mientras ku tur hende pa añanan den veld sa ku tin masha hopi trabou pa hasi i mas trabou pa hasi pero limitashon grandi di falta di fondonan nesesario. Otro punto ku a kai straño ta ku mayoria presente sa ku no por bin ku mehoransa siun tuma pasado na kuenta. No tabata permiti pa refleha riba e konteksto historiko ku ta forma base pa loke tin di e situashon di awe.
Esnan ku ta trata den ramo di trabou aki, ta haña impreshon ku ta bai kuminsa inventa e wil di nobo sin hasi uso di eksperensianan amplio ku durante 12 pa 14 aña ku a bin akumula. E punto positivo konforme deklarashon di drs. Leslie Roosberg ta keda e manera ku anteriormente ku gobiernu sentral a logra di trese aktornan di tur islanan di Antia huntu ta despues di 14 aña. FMA ta kere den respeta eksperensia i punto di bista ta un faktor indespensabel pa awor ku gobiernu sentral ku hala e garoshi. Finalmente kon ku gobiernu sentral bira e proseso aki ta bai kosta plaka, sino lo no tin niun mehoransa, drs. Leslie Roosberg di FMA ta konklui na LA PRENSA.