WILLEMSTAD – Djaluna 30 di yüni Vesta a selebrá su 60 aña di eksistensia.
Pa mitar di 7 di anochi nan tabatin un misa pa gradesí Dios pa e logro aki i despues a sigui un resepshon bastante animá den paviljoen na Californiaweg.
Sr. Fraay den su diskurso a elaborá riba historia di Vesta.
El a bisa ku tur hende ta konsiente ku no ta fásil pa un klup kumpli 60 aña.
Vesta a ser fundá 30 di yüni 1948 dor di un grupo di amigu.
E desishon a wòrdu tumá riba seru di Kristoffel kaminda un dia promé un grupo di amigu a sali ku baiskel for di Sta Maria. Nan a keda drumi na pia di e seru pa mainta trempan nan subi e seru te den tòp pa kristalisá nan idea.
Nan a duna e klup un nomber Vesta (su sekreto ya pa 60 aña ta sinta den su nòmber).
Vriendschap Eendracht Sterken Tegen Allen (palabranan di Piet Veerkamp R.I.P.)
E idealnan di Vesta semper a keda usá dor di tantu su dirigentenan ku nan miembronan.
Historia remarkabel
Na aña 2004 Vesta a subi pa Promé Divishon ku hungadónan di U-17. Aktualmente 4 aña konsolidando di 5 lugá.
Mérito na Ronni Trouwloon i Manfred Sabina i tambe FFK ku a bini ku reglanan proponé dor di entre otro Harold Wanga, presidente di Vesta, pa protehá hungadónan hóben ku a wòrdu formá den nan klup.
Kantidat di miembro aktual
Vesta tin aktualmente 150 miembro aktivo den Senior, U-20, U-17, U-15, U-13 i e aña aki U-11 i probablemente U-9.
Hoofdtrainer Kenneth Maria
Kategoria Entrenadó
Senior: Kenneth Maria i Manfred Sabina
U-20: Frensel Trinidat i Edmond Lodewika
U-17: Frensel Trinidat i Edmond Lodewika
U-15: Frensel Trinidat i Tyronne Maria (subkampion 2007 2008)
U-13: Kenneth Maria i Yowel Victoria
U-11: Rensly Martis
Hungadónan internashonal
Vesta a produsí diferente hungadó ku a desaroyá i bira profeshonal.
Akinan por menshoná: Brutil Hose (Ajax di Ulanda), Jurick Winklaar, Roque Silberie, Bertje Zimmerman etc.
Aktualmente 2 hungadó di Vesta di e sekshon di U-15 ta na Brazil den un trainingskamp serka e famoso klup Corinthians. E hungadónan aki ta, Glen Lovert i Rachid Blanken.
Deporte ta sirbi pa forma un mihó hende ku ta nifiká un mihó Kòrsou i pa nos tur Vesta i Sta. Maria Pirates ta e bon ehempelnan.
Ora nan ta drai bon e bario tambe ta bai bon ku ménos problema sosial.
Por último sr. Fraay a papia riba e resultadonan di kampionato 2007-2008
Vesta Senior na di 5 lugá. U-20 a terminá na di 3 lugá. U-17 na di seis 6 lugá.
U-15 a titulá sup kampion 2007-2008. Nan a keda presentá na e públiko.
U-13 na e di 6 lugá.
Kategoria Hubenil (Kenneth i Trinidat)
Spònsernan
Sr. Fraay a gradesí tur e spònsernan prinsipal ku ta: INSEL AIR i Refineria ISLA
Tambe el a menshoná e donashonnan ku VESTA a resibí e aña aki serka:
Yumuri, Esperamos, CASA CESAR, Blokkenfabriek Balentiena, Kuster Trading, WIMCO, SEDREKO, Botika Goede Hoop, Mangusa Supermarket, Caribean Bottling Co., Licores Maduro, Heineken Curaçao en Bonaire, Aqualectra, Advokaten kantoor & Partners Jack Oedjaghier, Cams Handley Walker, Changes, Salas Sport Shop, Pomp Station Sta. Maria.