WILLEMSTAD - Djasabra último tabatin un tremendo kareda di Street Legal na Curaçao International Raceway.
FAC i Komishon Organisadó sigur ta hopi satisfecho pa sigui mira kon e aktividat di Street Legal ta kresiendo. Ta hopi tabata e koredónan ku a bolbe haña kaminda pa Curaçao International Raceway i tambe vários koredó ku tabata nan promé biaha riba pista.
Karedanan emoshonante den Heavy Bracket ora ku e American Muscle Cars nan a sali 1,2,3 sakando tur e import nan afó.
Resultado di kategoria di Street Bracket ku ta kore di 18.00 sekònde pa 13.00 ta lo siguiente:
1] Ethley Martina Toyota Starlet Turbo Dial In. 14.03 E.T. 14.088
MPH 97.64 R.T. .097
2] Woon King Ng Honda Civic Dial In. 14.99 E.T. 14.975
MPH 89.90 R.T. .342
Mihó Elapsed Time a bai pa Geonaar “Pollo” Ferreira ku su Mazda RX-7 Turbo a kore E.T. 13.029 sekònde.
Mihó Miles Per Hour a bai pa Geonaar “Pollo” Ferreira ku su Mazda RX-7 Turbo ku 112.58 miya pa ora.
Mihó Reaction Time na lus a bai pa Julien Bonifasio ku su Toyota Starlet i Woon King Ng ku su Honda Civic ku .014.
Lider di e kampionato 2008 na promé ta Julien Bonifasio ku 440 punto. Na di dos lugá tei Otmar Conradus ku 420 punto. Na di tres puesto Johnny “Juni Mondi” Dickens tin 330 punto.
Tabata un final entre e Martis nan. Raymich su lus na final a sende ora ku el a drenta promé ku Jenny “Showman”. Tantu Alden Merite, Andy Neman i Shanigan Paula a buta nan turbo nan baha tempu chikí riba e pista prepará pe Kareda Lokal “Selebrando dia di Bandera, 5 di Yüli proksimo.
E resultado di Street E.T. Bike ku ta kore di 11.50 pa mas rápido ta asina aki.
1] Raymich Martis Suzuki Hayabusa 1300 Dial In. 9.20 E.T. 9.254
MPH 141.70 R.T. .048
2] Jenny “Showman” Martis Suzuki Hayabusa 1300 ’08 Dial In. 9.85 E.T. 9.921
MPH 134.63 R.T. .075
Mihó Elapsed Time a bai pa Alden Merite ku Suzuki Hayabusa Turbo a kore E.T. 8.443 sekònde.
Mihó Miles Per Hour a bai pa Beto Bartolomeus ku Suzuki Hayabusa Turbo ku un 164.98 miya.
Mihó Reaction Time na lus a bai pa Dennis Schoenmaker ku Suzuki Hayabusa 1300 ku reakshon di .003.
Lidernan di e kampionato 2008: tin un empate na promé lugá entre Kenrick “Kenchi” Berkemeyer i Steven Soeterboek, kada un ku 380 punto. . Na di tres lugá ku 360 punto Roderick “Flako” Trinidat punto. Na di kuater lugá ku 350 punto Alden Merite.
Den e último kareda di Street Legal Millard Petrona ku su “Rambam” a kibra e invikto di Virgil Henriquez ku “X-treme Duster”. Pero e biaha aki den e final Virgil a saka su sla bèk riba Mayous. Ta dos koredó brò di otro i hopi spòrtif. Aparte di tur e outonan aki e import nan den un ban i tur V8 den otro ban pa e buèlta di kualifikashon nan.
Heavy Bracket ku ta e outo nan ku ta kore 12.99 i mas rápido.
E resultado ta:
1] Xtreme Duster Virgil Henriquez Plymouth Duster Dial In. 1.58 E.T. 11.649
MPH 115.60 R.T. .107
2] Rambam Millard Petrona Chevy Monte Carlo Dial In. 11.47 E.T. 10.498
MPH 129.32 R.T. .151
E mihó Elapsed Time a bai pa Randall Wederfoort ku Chevy Camaro “Mr. Punch 1” markando un E.T. 10.071 sekònde.
Mihó Miles Per Hour a bai pa Randall Wederfoort ku Chevy Camaro “Mr. Punch 1” ku 135.37 miya pa ora.
Mihó Reaction Time a bai pa Otmar Balootje Jr. ku su VW kever Turbo “Whit Zifandel” ku .064.
Lider di kampionato 2008 ku 430 punto Virgil Henriquez ku “X-treme Duster”. Na di dos lugá tei Douglas Waller Diemont ku su “Street Terror” ku 270 punto. Na di tres lugá ku 240 punto Otmar “Junny” Balootje ku su “White Zinfandel”.
Danki pa e foto ku ta kortesia di Clifton “Peppy” Hoyer.
Mas informashon i foto di e aktividat di Street Legal i kareda lokal i international por bishita nos website ofisial www.curacaodrag.com i www.bo-koi-kareda.com i www.roadrivals.com.
E próksimo kareda di Street Legal ta djasabra 2 di ougùstùs próksimo.
Promé ku e próksimo Kareda Lokal, djaweps 3 di yüli lo tin inskripshon na Curaçao International Raceway pa 20.00 pa 22.00, pa asina djasabra 5 di yüli pa 19.00 [7’0r] na haña e kareda lokal di ku e mihó motosaikelnan i outonan di Kòrsou.