WILLEMSTAD/ ORANJESTAD – Un grupo di hende ku tabata presente na selebrashon di Dia di Bandera na St. Maarten, a interumpí e diskurso di gezaghèber Franklin Richards, ayera nochi na Emilio Wilson Estate.
Promé i durante e diskurso a supliká e grupo na seis okashon pa keda ketu. E públiko ku tabata presente na e selebrashon tabata konsistí di mas o ménos 150 hende, nasé na Kòrsou i/òf desendiente di Kòrsou. Nan a reuní na Dr. Lekker Restorant situá na Emilio Wilson Park.
Durante e diskurso gezaghèber Richards a remarká ku e Yunan di Kòrsou ta konosí di ta hendenan di ambiente i trahadó duru na St. Maarten. No opstante e papiamentu i harimentu di e grupo ku tabata hasi boroto, Richards a hasi menshon di e lasonan fuerte entre Kòrsou i St. Maarten.