WILLEMSTAD - Despues ku a fecha pa inskribí pa e fakansiplan di e klup di Basketbòl Lettermen a pasa, a haña mas petishon di hóbennan pa por partisipá.
P’esei a disidí pa permití mas mucha forma parti dje plan di fakansi interesante aki. Djarason awor 9 di yüli e plan di fakansi ta kuminsá den Sala Niels Liberia den stadion Doe Willems na Suffisant.
E ta habri pa hóbennan di 8 te 16 aña i ta inkluí entrenamentu i siña e kosnan básiko dje deporte di Basketbòl.
Hóbennan lo tin e oportunidat pa hunga algun wega tambe pa demostrá nan talento, huntu ku esei nan lo haña regla i instrukshon dje deporte riba papel pa nan siña.
Durante e fin di simannan di fakansi lo tin riba programa oranan di rekreo kaminda lo bishita diferente sitio bunita di Kòrsou pa asina e hóbennan por disfrutá pleno di nan fakansi.
Djarason 9 di yüli, pa 5’or di atardi ta kuminsá i por inskribí ainda.
Pa mas informashon tel;. 521-0920 i puntra pa sr. Cesar Palacios.