WILLEMSTAD -- Entre djaweps atardi i djabièrnè mainta último (26-27 di yüni), antisosialnan a hòrta un instrumènt ku ta konsistí di dos piesa i ku Servisio Meteorológiko ta usa pa midi evaporashon diariamente. E instrumènt aki ta di sumo importansia pa e servisio aki i sin esaki nos no por hasi e midimentunan nesesario di evaporashon diario. E dos piesanan aki tin koló di koper, pero nan no ta di koper, pero di bròns i probablemente e ladronnan no por hasi nada ku loke ku nan a kue.
Ta pidi koperashon di siudadanonan di Kòrsou pa, den kaso ku nan mira e instrumèntnan aki pa raportá esaki na polis òf entregá nan na Servisio Meteorológiko na Seru Mahuma z/n.
Por yama Servisio Meteorológiko tambe na e numbernan di telefòn: 839-3360, 839-3361 òf 839-3362.