WILLEMSTAD – Barquisimeto ta e di 14 destinashon di InselAir.
Awe e kompania di Kòrsou InselAir a hasi su promé buelo pa Barquisimeto (Venezuela) despues di hopi preparashon. Di e forma aki lo kumpli ku e demanda di su pasaheronan.
Di parti di outoridatnan venezolano tambe a hasi un súplika na InselAir pa kuminsá ku e buelonan aki, ya ku e aeropuerto di Barquisimeto ta hasiendo tur posibel pa atraé mas turista, miéntras ku pa Kòrsou mes ta importante pa amplia buelonan pa sirbi tambe e ekonomia lokal di nos isla.
InselAir lo tin 3 buelo pa siman pa Barquisimeto riba djaluna, djarason i djabièrnè. E buelonan lo sali for di Kòrsou 9' or or di mainta i lo regresá Kòrsou pa 12 ‘or di merdia.
Lo ehekutá e buelonan ku e avion Bandeirante, miéntras si e fluho di pasahero sigui krese InselAir lo kuminsá pone un avion mas grandi riba e ruta aki.
Na yegada lo tin un diskurso di gerensia di InselAir i tambe di Gobernador di Estado Lara, miéntras ku despues lo tin un resepshon den kapital di Barquisimeto. InselAir ta bisa ku e ta orguyoso di a añadí e di 14 destinashon na su ret. Dia 15 di ougùstùs lo anadí e di 15 destinashon ku ta Maracaibo.