WILLEMSTAD – Renaissance Curaçao Resort & Casino lo tin un toke klásiko i estilo kontemporáneo moderno ku sofistikashon oropeo. Renaissance lo ta e úniko resòrt ku lo kapturá mundu ku energia kolorido, entretenimentu i playa históriko i kultural pa duna e resòrt aki un aseptashon úniko den mundu turístiko. E resòrt aki lo keda kompletá na e konstrukshon históriko di Riffort Village ku ta un monumento ku a konstruí den siglo 19 pa protehá kontra invashon di enemigunan riba e isla. Ámbos lo pèrkurá pa trese un bida nobo den e historia legendario di atrakshon.
Pa loke ta trata akomodashonnan Renaissance Curaçao Resort & Casino ku un kantidat di 240 kamber i suites. E kamber lo tin un diseño karibense kombiná ku oropeo pa proveé e turistanan e komfort i luho. Tin di e kambernan ta ofresé un bista riba laman i ku balkon espasioso, miéntras ku e suitenan tin nan jacuzzi. Tur e kambernan ta diseñá ku atenshon spesial pa sirbi pa bo sinti bo mes na kas, apesar ku ta for di bo kas.
E repartishon di kategoria di kambernan ta lo siguiente:
98 Resort Room, 44 Island Room, 81 Ocean Room, 4 Executive Suite, 4 Regal Suite, 3 Imperial Suite i 3 Majestic Suite. Pa loke ta trata Resort Room ta kambernan ekselente i ku bista riba e bulevar di kompra for di bo balkon. E kambernan aki tin kama grandi (King size) òf dos (queen). Tur e kambernan lo tin sistema di Internèt, frishidèr, mashin pa traha kòfi, heru i su tabla di strika, aparato pa seka kabei, ‘bathrobes’, kaha di seguridat, televishon flat screen i un baño konfortabel.
Island Room lo ta mas espasioso i ta ofresé un bista riba e isla. E kambernan aki ta tin mesun kosnan ku Resort Room, pero lo ta mas espasioso. Ocean Room, ta papia pa su mes, ya ku ta ofresé un bista riba laman for di balkon espasioso i turistanan por disfrutá di un bahada di solo. Executive Suite lo bira e suitenan riba e di dos, di tres i di kuater piso ku bista riba e resòrt i bulevar di kompra. E ta ofresé un sala apart for di kamber ku área separá pa lesa. E baño ta kontené un shower i whirlpool.
Regal Suite ta riba e di tres i di kuater piso ofresiendo bista riba laman komo isla. Aparte di un área pa ofisina pa traha, por rilèks bo mes den balkon ora solo baha i ku un baño ful ekipá.
Imperial Suite tambe ta otro di e suitenan luhoso ku un bista espektakular di e brùg ponton i tambe Handelskade i laman Karibe. E suitenan aki ta hopi espasioso ku komedor pa seis persona, ku su área pa estudio i tur e otro fasilidatnan. Por último Majestic Suites úbika na e huki riba e di tres i kuater piso ku ta ofresé un bista kompleto riba laman. E suite aki ta ofresé muchu mas posibilidat den e espasio grandi ku esaki a keda krea.