WILLEMSTAD - Djasabra último tabata tin un tremendo kareda di Street Legal na Curaçao International Raceway.
FAC i Komishon Organisadó sigur ta hopi satisfecho pa mira kon e aktividat di Street Legal ta sigui krese.
Públiko sigur a haña hopi bon kareda mira. Spesial Heavy Bracket kaminda e outo nan kualifiká anto kon e ladder a saka e Import nan kontra di e American Muscle den e promé buèlta.
Tabata un anochi kaminda e tantu “oildown” komo áwaseru a para e aktividat pa un par di minüt.
Ta bon tambe pa aklará un punto, ku durante e kareda di dos buèlta di kualifikashon e koredornan Elmer Van Thijs i Roderick Trinidat su vehíkulo a kibra.
Elmer Van Thijs a kore den promé buèlta 9.20 sekònde i Roderick Trinidat 9.00 sekònde. Segun e regla nan por bini pa eliminashon ku un otro vehíkulo, pero e dial in ta keda esun ku nan a kualifiká ku n’e.
Resultado di kategoria di Street Bracket ku ta kore di 18.00 sekònde pa 13.00 ta lo siguiente:
1] Jursie Rodriguez Toyota Starlet Dial In. 14.60 E.T. 14.650
MPH 89.15 R.T. .070
2] Asis Perreira Honda Integra type R Dial In. 14.72 E.T. 14.675
MPH 95.29 R.T. .200
3] Otmar Conradus VW Golf VR-6 Dial In. 14.45 E.T. 14.447
MPH 95.98 R.T. .132
Mihó Elapsed Time a bai pa Javier “Porky” Augusta ku su Toyota Starlet Turbo a kore E.T. 13.042 sekònde.
Mihó Miles Per Hour a bai pa Marlon Rock ku su Toyota Starlet Turbo ku 127.26 miya pa ora.
Mihó Reaction Time na lus a bai pa Otmar Conradus ku su VW Golf VR-6 ku .034.
Lider di e kampionato 2008 na promé ta Otmar Conradus ku 520 punto. Na di dos lugá tei Julien Bonifasio ku 490 punto. Na di tres puesto Jursie Rodriguez tin 430 punto.
Alden Merite ku Shanigan Paula ta sigui demostrá ku e pista prepará pa Street Legal kon nan si por sèt nan motosaikel pa kore tempu ku normal nan ta kore den kareda grandi.
Bon trabou di tantu Alden komo Shanigan.
Den e klase aki tur hende ta hala rosea riba otro ku e puntonan.
E resultado di Street E.T. Bike ku ta kore di 11.50 pa mas rápido t’asina aki.
1] Rendolf Torbed Suzuki GSX-R 1300 Dial In. 9.13 E.T. 9.188
MPH 144.02 R.T. .089
2] Sigmaro Rampenburg Suzuki Hayabusa 1300 Dial In. 9.06 E.T. 9.152
MPH 149.32 R.T. .093
Mihó Elapsed Time a bai pa Alden Merite ku Suzuki Hayabusa Turbo a kore E.T. 8.254 sekònde.
Mihó Miles Per Hour a bai pa Alden Merite ku Suzuki Hayabusa Turbo ku un 165.13 miya.
Mihó Reaction Time na lus a bai pa Sigmaro “Maro” Rampenburg ku Suzuki Hayabusa 1300 ku reakshon di .003.
Lidernan di e kampionato 2008 empatá na promé lugá ku 450 punto tin Kenrick “Kenchi” Berkemeyer i Roderick “Flako” Trinidat . Na di tres lugá un otro empate ku 400 punto tin Alden Merite i Rendolf Torbed.
E klase mas pisá di Street Legal tabatin 12 outo ku a yega liña pa bataya. Tabata sigur karedanan emoshonante pa e públiko pa mira bon import i bon V8.
E final a bai den e kampion di Street Bracket 2007, ku a move pa promé biaha den Heavy Bracket, ku ta Ricardo Swalef den su debut kontra di kampion 2007 i lider di 2008 ku ta Virgil Henriquez.
Heavy Bracket ku ta e outo nan ku ta kore 12.99 i mas rápido.
E resultado ta:
1] Ricardito Ricardo Swalef Toyota Starlet Turbo Dial In. 12.52 E.T. 12.570
MPH 109.95 R.T. .153
2] X-Treme Duster Virgil Henriquez Plymount Duster 440 Dial In. 11.75 E.T. 11.758
MPH 113.65 R.T. .281
3] Lio Layo Hilario De Freitas Toyota Starlet Turbo Dial In. 12.60 E.T. 12.534
MPH 103.41 R.T. .090
E mihó Elapsed Time a bai pa Shannon Rosalina ku Ford Roadster “Unbelievable” markando un E.T. 9.912 sekònde.
Mihó Miles Per Hour a bai pa Shannon Rosalina ku Ford Roadster “Unbelievable” ku 131.77 miya pa ora.
Mihó Reaction Time a bai pa Julien “Andy” Bonifasio ku su Toyota Starlet Turbo “Gregorsito” ku .009.
Lider di kampionato 2008 ku 510 punto Virgil Henriquez ku “X-treme Duster”. Na di dos lugá t’ei Douglas Waller Diemont ku su “Street Terror” ku 310 punto. Na di tres lugá un empate ku 260 punto Otmar “Junny” Balootje ku su “White Zinfandel” i Millard “Mayous” Petrona ku su “Rambam”.
Danki pa e foto ku ta kortesia di Clifton “Peppy” Hoyer.
Mas informashon i foto di e aktividat di Street Legal i kareda lokal i international por bishita e website ofisial www.curacaodrag.com i www.bo-koi-kareda.com i www.roadrivals.com.
E próksimo kareda di Street Legal ta djasabra 30 di ougùstùs.