WILLEMSTAD - Resientemente un delegashon di Kòrsou di Taekwondo tabata na Aruba pa partisipá na e di nuebe edishon di e kampionato di Taekwondo patrosiná pa “Tierra del Sol”.
Huntu ku Kòrsou tambe a partisipá delegashonnan di Santo Domingu, Mexico i Sint Maarten.
E muchanan di Kòrsou, a duna fuerte bataya pa asina logra un hopi bon resultado.
Por a tuma nota di e hecho ku Kòrsou a bai ku e premionan pa “Best Fighter” den tur tres kategoria.
Den Kategoria Infantil, Natan Sambo a gana tur su kombatenan di un forma superior pa asina bai ku e premio di mihó bringadó den e kategoria aki.
Quentin Siberie simplemente tabata fenomenal, ganando ku superioridat di tur su kontrinkantenan pa asina bai ku e kategoria mihó bringadó den e Kategoria Hubenil.
E atleta Senior, Audy Muller ta den un trayekto invensibel, konkistando pa di tres kompetensia konsekutivo, Aruba, Sürnam i Trinidad, e premio di e mihó bringadó di e evento.
Na Aruba no tabatin atleta pa wanta e atakenan rápido i velos di Audy.
Den su totalidat e tim di Kòrsou a logra e titulo di e Mihó Ekipo di e evento, logrando mayor puntuashon pa kombatenan ganá.
Algu di aploudí sigur konsiderando ku Aruba tabatin mas atleta partisipando na e evento.
E resultadonan pa e atletanan individual ta lo siguiente:
Kategoria Infantil, 6 pa 13 aña:
Nathan Sambo Oro
Quincy Sambo Oro
Shergedion Apostel Oro
Osama Alyamoor Plata
Kategoria Hubenil, 14 pa 17 aña:
Quintin Siberie Oro
Danielo Doran Plata
Denzil Ignatia Oro
Csychori Ursulita Plata
Dalean Halley Oro
Ginio Centello Meulens Plata
Eugene Curiel Oro
Adrion Jansen Plata
Shertone Jansen Bròns
Thierry Lobato Plata