WILLEMSTAD – E palu di awa ku a kai awe mardugá a kousa daño na diferente kas i edifisio rònt Kòrsou. Ta papia di un mal tempu, pasó na momentu ku e sistema tabata pasando riba Kòrsou e no tabatin un status ainda. Despues ku el a pasa Kòrsou el a bira un Ola Tropikal i a haña e nòmber Gustaaf. Aktualmente e ta un orkan di kategoria 1 i ta na altura di Haiti.
E intensidat ku e mal tempu a pasa kuné riba Kòrsou a pone ku tabatin hopi awa i bientu. Bos i welek a lanta hopi hende for di soño. Un kantidat di kas a haña problema ku nan dak na Penstraat, Oosterbeekstraat, Versaillestraat i Parerawijk. Na Zeelandia un kònteiner a haña daño i palu a kai na M.L.K. Boulevard, La Bonansa den Otrobanda i na Frederikstraat. Tabatin molèster di awa na Penstraat, Mirla Platéweg i Brievengat. Koriente tambe a bai na Souax, Veeris i Juan Domingu.
E mal tempu a bin for di direkshon di Punto Fijo.