WILLEMSTAD - Resientemente kuater kolega na LPO a keda honrá debí ku nan a kumpli 25 aña di servisio. Ta trata aki di koleganan Ronald Gosepa, Marlon Sillé, Jeffrey Martina i Edward Margarita.
Ronald Gosepa ta traha komo Chef Kok na LPO i tin 25 aña den e trabou na kushina di LPO.
Marlon Sillé ta alto inspektor i ‘Chef Specialistische Opleidingen en Leiderschapstrajecten i tin 25 aña den Kuerpo Polisial di Antia Ulandes. Marlon Sillé a traha hopi aña na Kuerpo Polisial Isla riba. Jeffrey Martina tambe a kumpli 25 aña den servisio di KPNA, Jeffrey Martina ta dosente i alabes enkargá ku Relashon Públiko na LPO. Jeffrey a traha 20 aña na Kuerpo Polisial Kòrsou. Edward Margarita ta dosente di Opleidingnan Spesialisá na LPO. Margarita tin un aña na LPO despues di a traha 24 aña na Kuerpo Polisial Kòrsou, di kual 21 na Departamentu di Tráfiko.
Durante un seremonia den presensia di koleganan den formashon i demas koleganan, direktor di LPO na nòmber di Gobièrnu di Antia a entregá e dekretonan Gubernamental i di Rekonosimentu na koleganan ariba menshoná.
Direktor di LPO i a gradisí e hubilarionan pa nan añanan di servisio na Kuerpo Polisial (LPO) en partikular i pueblo di Kòrsou i Antia en general. Tambe direktor a repasá e karera di e dos koleganan aki.
E hubilarionan a dirigí palabra i gradisí Dios, famia i koleganan ku a kontribuí pa nan por a traha tantu aña asina na bienestar di komunidat. Nan a konta algun momentu di nan karera.
Despues koleganan di LPO a felisitá hubilarionan i pasa un ratu ameno na kantina di Landelijk Politie Opleidingsinstituut.
Riba e fotonan por mira momentu ku Ronald Gosepa Chef Kok na LPO ta risibi Dekreto di Rekonosimentu, Alto Inspektor Marlon Sillé Chef Specialistiche Opleidingen en Leiderschap tracjecten ta risibí Oorkonde. Inspektor Jeffrey Martina, relashonista publiko i dosente di LPO ta risibi su dekreto. Por último Inspektor Edward Margarita, dosente di Opleidinan Spesialisa ta risibi su dekreto.