WILLEMSTAD – Manera ya tur hende sa, kanser di pechu ta un malesa hopi serio ku ta afektá vários hende muhé awendia. Di akuerdo ku e Instituto di Kanser Merikano, e chèns ku un hende muhé ta haña kanser di pechu durante nan bida ta 1 den 8. E chèns ku un hende muhé ta muri pa motibu di kanser na pechu ta 1 den 35. Despues di hopi investigashon, dòkternan awor por detektá kanser di pechu den su etapanan tempran i asina duna un tratamentu mas mihó. E meta final lo ta pa haña un kura pa e malesa aki.
Pa e motibu aki Gandelman a uni forsa ku Victorinox Swiss Army i Susan G. Komen For the Cure pa sosten pa e bataya kontra di kanser di pechu. Fo’i 1 di òktober, Gandelman lo tin e Swiss Army Vivante Pinck Mother-of-Pearl Timepiece den nan kolekshon.
E aksènt ta riba e koló ros, e oloshinan aki ku ta un edishon spesial ta simplemente espektakular. Aparte di por ta doño di un bunita oloshi, ta interesante pa sa ku pa kompra di e oloshi aki, 10% di e balor lo bai komo donashon na Susan G. Komen For the Cure. Esaki ta un fundashon ku ta sostené investigashon di kanser di pechu. Fo’i inisio na 1982, Komen a haña mas ku 1 bion dollar pa hasi investigashon, edukashon i duna servisio di salubridat i asina ta un di e organisashonnan mas grandi na mundu den e área di kanser na pechu.
Gandelman ta invitá un i tur pa pasa na nan pakus den Breedestraat, Punda i tira un bista riba e oloshi spesial aki.