Kòrsou, bo yunan di puro sepa ke sá si bo barika ta obligá na kargá importashonnan di dominionan kultural (neo)kolonial di suelanan friw, agresividatnan di suelanan friw, impulsividatnan di suelanan friw, malmodanan/malmaneranan di suelanan friw, brutalidatnan di suelanan friw, faltanan di pasenshi di suelanan friw, faltanan di rèspèt pa bo bida kultural di suelanan friw, divishonnan fo'i suelanan friw, faltanan di rèspèt fo'i suelanan friw pa bo idioma, faltanan di rèspèt fo'i suelanan friw pa kolónan di kuerunan di bo yunan, faltanan di rèspèt fo'i suelanan friw pa derechonan sindikal di bo yunan, faltanan di rèspèt fo'i suelanan friw pa derechonan humano, faltanan di rèspèt fo'i suelanan friw pa opinionnan di bo yunan, faltanan di rèspèt fo'i suelanan friw pa tratonan igual, faltanan di rèspèt fo'i suelanan friw p'un repartishon di bienestar, material i felisidat, faltanan di rèspèt fo'i teranan friw p'un lucha pa restablesé unidat riba bo barika.

Kòrsou, bo yunan di puro sepa ke sá si bo barika por wantá imponementu di desunionnan seksual fo'i teranan friw i faltanan di rèspèt pa unionnan familiar riba bo barika, fo'i teranan friw, imponementu di desviashonnan riba tereno seksual fo'i teranan friw riba bo barika, gueranan di seksonan fo'i teranan friw, reglanan yená ku i inspirá pa rasismonan di pewisionan (neo)kolonial fo'i teranan friw, faltanan di rèspèt fo'i teranan friw p'e yunan humilde di puro sepa di bo barika.

Kòrsou bo yunan di puro sepa ke sá si bo barika lo mantené su òutensidat, lo mantené su kultura humilde, lo koré k'esnan ku ta uzá bo kultura komó plaka di buelta pa (neo)kolonisashonnan.

Kòrsou, bo yunan di puro sepa ke sá si bo barika lo por skondé esnan malechornan djafó k'a wòrdu yuda den nan paísnan pa kambiá nan identidat i emigrá ku nan plaka pa praktiká (neo)sklabitut ku nan bida nobo, ku ayudo di e "Tíonan Tòm".

Kòrsou, bo yunan di puro sepa ke sá ki día brutalidatnan di suelanan friw lo kabá di moda ku bo yunan di puro sepa por siguí riba nan kaminda pa dignidat.

Kòrsou, bo yunan di puro sepa ke sá si bo yunan di puro sepa lo por siguí skirbí nan poëmanan kantá pa konbertí esakínan den nan partinan musikal kriyoyo pa mantenshon di nan rèspèt kultural.

Kòrsou bo yunan di puro sepa ke sá k'e konsenshi, konforme naturalesa a produsí, ku sernan femenina i sernan maskulino a wòrdu kreá diferente, kada un ku nan propio funshon den kreashon, lo kedá mantené.

Kòrsou, bo yunan di puro sepa ke sá.