Kòrsòu, bo yunan di puru sepa ke sá si inkapasidat dje asina yamá "leidinggevend"nan riba bo barika lo siguí kontinuá.

Kòrsòu, bo yunan di puru sepa ke sá si esnan poné den posishonnan ku responsabilidat lo siguí purba maskará nan inkapasidat dor di "schuif" nan responsibildatnan riba esnan asina yamá "ondergeschikt"nan.

Kòrsòu, bo yunan di puru sepa ke sá si lo bo siguí pèrmití esnan inkapasitá siguí ku nan trikinan den nan nèshinan di araña, pa por skondé nan inkapasidat pa bien di nan propio interesnan pèrsonal i famanan ku nan ke kreá pa nan mes pa bien di nan karera pèrsonal, sin ku nan ta digno di krédito di por tin e famanan akí niun momentu só, ya ku nan ta pèrhudikante pa otronan den sosiedat, òf ku lo bo koré ku nan promé ku ta lat, pa bien di bo adelanto ?

Kòrsòu, bo yunan di puru sepa ke sá, si bo lo siguí pèrmití esnan inkapasitá siguí apliká i/òf interpretá derechonan i reglanan den sosiedat, ku nan bista fihá riba nan propio interesnan pèrsonal pa ku nan karera i/òf den nan propio pèrsèpshon i nan "zelfopgelegde" kadena di maldatnan enmaskará ku nan sonrisa pa nan propio kara i nan propio (posibel) benefisionan pèrsonal pa entre otro nan karera, lo siguí promové i mantené inhustisia dor di faltá ku derechonan humano riba bo barika, òf ku lo bo koré ku nan na mal òrdu òf nò fo'i riba bo barika, p'asina restablesé hustisia, òrden i felisidat pa tur bo yunan, kabá ku oportunismo, engaño i mentira di amtenarnan kontra esnan suak den sosiedat, ladronisia kometé kontra esnan suak den sosiedat, esklabitut riba merkadonan apstrakto, kreá, imponé pa i/òf influensha p'esnan di suelanan friw i ku katibunan modèrno i sinbèrguensa a adaptá nan mes na dje, pa puru oportunismo i pa puru interesnan pèrsonal.

 Kòrsòu, bo yunan di puru sepa ke sá, ki día bo ta koré k'esnan ku ta establesé, promové i/òf mantené e maldatnan akí kontra di bo yunan humilde, simplemente pa motibu k'esnan di nan nètwerknan maligno por siguí praktiká nan maldatnan pa nan propio benefisionan pèrsonal i famanan ku nan niun momentu só meresé, mirando nan struktura di pèrsonalidat òf ku bo yunan di puru sepa tin ku kedá sufrí i yora den nan tristesa pa añanan largu mas.

Kòrsòu, bo yunan di puru sepa ke sá, kuantu bes mas esnan ínkapasitá lo kedá tirá falta di nan propio inkapasidatnan riba otronan ku den nan propio konsepto i/òf palabra ta bòu di nan, pa por kedá skapá nan propio kara pa añanan mas ?

Kòrsòu duná kontesta na bo yunan di puru sepa.