Reader's Digest, últimamente a hinká un pruf den otro pa tèst honestidat di habitantenan di suidatnan grandi den 32 suidatnan mundial.

Fo'i dje tèst akí e suidat ulandes Amsterdam, ku e lugá 29 rib'e lista di rango, a lagá solamente 3 suidat su tras.

Den kada país e tèstdónan a laga 30 telefón selular riba kaya, un total di 960 telefón selular pues.

Na Amsterdam 14 telefón a wòrdu tresé bèk di e trintanan k'a deparsé fo'i nan lugá.

E habitantenan di suidatnan kapital mas honesto ta bibá den Ljubljana, ku ta e kapital di Slovenia i ademas e suidat mas chikitu fo'i e inbestigashon. Akí 29 dje hañadónan dje selularnan a tresé esakínan bèk.

Ma també na Toronto, Canada, ku enbèrdat t'un suidat ku miyones di habitante, peró ku no ta e kapital, 28 dje telefonnan selular a wòrdu tresé bèk.

Si e suidatnan Asiatiko Kuala Lumpur i Hongkong, kaminda solamente 13 dje telefònnan selular a bini bèk, a skor malu,  e suidatnan Asiátiko manera Seoul, Manila i Mumbai sí a skor bon rib'e index di honestidat.

Promé ku awor otronan bin ku reakshonnan basá riba nan propio ponensianan ku ta salí fo'i puntonan di bista di kreënshanan di defensa propio obligá,  fanatismo i sobre sensitivismonan pèrsonal, p'asina saká e issue akí kompletamente fo'i e area faktual k'ela wòrdu tresé aden i kreá pèrshèpshonnan robes, mi ke bisá e últimonan akí ku ta echonan fo'i e inbestigashonnan akí ta papiá i no suponensianan di nan mes.

Danki.