Laprensa Newspaper - Aruba

Gobierno di MEP altamente sorprendi cu partido AVP; Ta elogia construccion di turborotonde y brug na Pos Chikito

Tue, 26 Aug 2008 17:41:23 -0700

ORANJESTAD– Partido MEP den un comunicado di prensa ta mustra cu siman cu a pasa tabata un siman historico pa pais Aruba, ora cu pa promer biaha den e 7 aña di gobernacion di MEP, nos a tende for di boca di e lider di AVP Mike Eman con su persona a elogia e proyecto di turbo rotonde y brug na Pos Chikito cu ta den fase pa wordo termina.
E elogio aki di Mike Eman siguramente ta algo historico, ya cu desde 2002 Gabinete Oduber III y IV a percura pa un sin fin di proyecto cu ta suma na mas cu 250 proyecto den tur skina di Aruba, e.o. e Centro Medico Nobo na San Nicolas, e pagamento di candela riba e Dump na Parkietenbos, Wardanan di polis nobo na Noord y Santa Cruz, Compleho Deportivo Frans Figaroa, Parke multi-funcional na Jaburibari, Simeon Antonio y Yara, un gran cantidad di school construi y renoba, careteranan construi y renoba rond Aruba, casnan social, edificionan di gobierno nobo etc. etc. Sinembargo di tur e proyectonan aki nunca pero nunca den e ultimo 7 añanan e comunidad Arubano por a tende un palabra di elogio of aprobacion di e dirigentenan di AVP, pero constantemente nan tabata vota contra, desaproba y papia malo di tur e proyectonan aki.
Hecho ta cu e elogio no mester bay pa e ministronan di MEP, pero pa e comunidad den su totalidad ya cu ta nan ta haci uzo di tur e facilidadnan aki. Pueblo ta puntra su mes, pakico pa e proyecto di turborotonde nobo na Pos Chikito si Mike Eman tabata tin gran elogio? Pakico no a tende nada positivo di Mike Eman ora cu Gabinete Oduber a construi e 2 turborotondenan na Playa Pabao, Eagle/Madiki?
Mike Eman mes a duna contesta riba e pregunta aki, ora cu el a declara den e entrevista na ATV, cu e caminda grandi banda di Pos Chikito ta hopi peligroso y cu tur dia e ta preocupa pa e seguridad di su 3 rumannan cu ta biba ey banda y ta haci constantemente uzo di e caminda aki. Alavez cu e ta reza tur dia pa nada pasa cu su rumannan ora cu nan ta transita e caminda aki.

Score: 6.0, Votes: 1

Pader Lampe ta considera previlegionan di parlamentarionan inacceptabel

Tue, 26 Aug 2008 17:40:59 -0700

ORANJESTAD – Partido RED ta reacciona riba e criticanan cu ta ser lansa den direccion di nan lider, sr. Rudy Lampe. Nan ta bisa cu Parlamentario Rudy Lampe ta un Arubiano bon studia cu den su 40 y pico aña, ademas di a bira un religioso, a logra diplomanan ligitimo y titulonan academico halto (dr.) na universidadnan international renombra. Pero awor den solamente 3 aña, su ‘amigonan’ den Parlamento y Gobernacion a otorge un gran cantidad di titulonan nobo manera: Rudy el Diablo; Lobo den cuero di carne; Hende peligroso; Dictador; Gañado ; Gañado patologico; Birado di palabra; Birado di lomba pa Dios; Abusado; Entregista; Traidor; Colonizador; Opositor di desaroyo; Opositor di Status Aparte, etc.etc.
Nos investigacion pa sa pakico Pader Lampe a adkeri tur e titulonan aki a duna e siguiente resultado: Despues di Status Aparte, un grupo chikito di 145 hende (110 parlamentario y 35 Minister) cu ta pertenece na dos partido grandi, tabata encarga cu maneho di nos Isla. Den publico, e grupo aki ta pleita cu otro manera pushi cu cacho. Nan ta zundra otro, insulta otro na radio y television, y haci manera nan ta enemigo mortal di otro. Pero ora nan sera porta di Parlamento nan tras cos ta cambia. Keto keto, cos ta keda regla entre nan y pa nan mes.
Pa 20 aña pueblo no tabata sa mucho di loke tabata pasando den “comision central” of den un cantidad di reunionnan cu porta sera. Por ehempel, tempo cu nan a dicidi di hisa nan salario cu 80%, nan a haci’e secretamente y ora finalmente pueblo a haya sa , nada mas por a keda haci encontra.

Score: 6.0, Votes: 1

E lidercito berde di Boneiro kier logra comberti Boneriano digno y orguyoso den knecht di Hulanda

Tue, 26 Aug 2008 17:40:23 -0700

Segun vice presidente di COPPPAL, Rudy Croes

ORANJESTAD – Den un comunicado firma den su calidad di vice-presidente di COPPAL, sr. Rudy Croes y Minister di Husticia di Aruba, ta referi na e situacion cu a surgi recientemente na Bonaire y cual ta bisa lo siguiente:
“Pabien na e pueblo Boneriano Caribense cu atrobe otro persona cu sanger mescos cu nos di Aruba, tambe Aliansa Democratico di Boneiro a lanta para pa e dignidad y orguyo di e pueblo Boneriano!!! Gezag interino un Sr. Abdul a haci un di e ultimo intentonan pa scapa su isla pa bira un "gehucht" di Hulanda locual ta e lucha di e "bende patria berde" di Boneiro mescos cu Mike Eman A.V.P.,Rudy Lampe RED ,Andin Bikker D.R.na Aruba cu tur dia ta yora y colabora pior lembe na Hulanda pa kita Gobernador, Procurador y entrega autonomia di Aruba den U.P.G. na nan amonan Hulandes. Aki e lidercito berde di Boneiro kier logra comberti e Boneriano digno y orguyoso den KNECHT di Hulanda!!!
Ki berguensa, homber kico a pasa bo ? Bo no tin un tiki sanger Boneriano Caribense mas? Desde cuando y kico tin scondi aki tras cu bo ta entrega e isla bunita Caribense aki na e Macambaland, kitando e for di nos Caribensenan??!!
Parlamentarionan di Antianan Hulandes, kico pa Dios Nos Señor a pasa boso cu boso ta laga un solo persona copera cu e Hulandesnan pa permiti recolonisacion den Caribe??? Por fabor reconsidera y pone un paro inmediato na e entregismo of bende patria di marca mayor aki.
Ohala cu e personahe nobo cu lanta na Aruba y cu a keda nombra como gezag nobo lo sa di usa e sanger y/o educacion Arubiano pa yuda convence e solo tripper ey cu Boneiro merece mihor. Den tur caso; un Boneiro liber hunto cu Aruba y un Corsow tambe liber cu dignidad manera Aruba unda conhunto awe nos ta celebra triunfonan grandi manera Churandi Martina a percura p’e como Caribense y no pa Hulanda manera ta su deseo!!! Ainda no ta laat !!!!!!!! ta keda ami como Arubiano independentista di roga Papa Dios pe por drama su sabiduria riba tur pa coregi nan pasonan pa felicidad di e pueblonan aki.”

Score: 5.0, Votes: 1

Mientras cu Inneke Lampe di American Airlines ta nenga; Cu el a kita of ser kita pero ta sigur ta cu e no ta trahando

Tue, 26 Aug 2008 17:39:58 -0700

ORANJESTAD- Inneke Lampe di American Airlines, ayera a nenga di a wordo retira for di su puesto como gerente di American Airlines aki na Aruba y tambe a nenga di a dicidi di retira for di e posicion aki.
Sinembargo te cu awe mainta ningun trahador di e compania sa kico ta pasando ya cu Lampe no a presenta na trabou mas y no a duna di conoce tampoco kico ta pasando y kico nan tin cu haci den su ausencia.
Diabierna ultimo Lampe den oranan di anochi, a piki tur su pertenencianan personal y a hiba esakinan pa su cas, lagando e oficina bashi cu e impresion cu e no ta bin bek mas.
Esaki a sosode despues cu dos oficial halto di American Airlines a regresa Merca despues di a bin aki diaranzon siman pasa, pa haci algun control y investigacion na e compania aki na Aruba.
Un di e oficialnan aki ta Anne Burke kende ta di Human Resources staciona na Miami y un otro oficial administrativo procedente di Miami kendenan a yega diaranzon ultimo pa efectua un control sorpresivo y diabierna atardi nan a regresa Merca.
Awe aparentemente oficialnan di American Airlines na Merca lo informa trahadornan kico nan ta bai haci y kico ta bai pasa den proximo dianan, mientras cu e posicion di Lampe na e compania aki na Aruba, ta na duda grandi.

Score: 6.0, Votes: 1

Trahando riba mehoracion di calidad di experiencia na beachnan publico

Mon, 25 Aug 2008 15:11:24 -0700

FDA cu inversion di 2.8 miyon florin pa prome fase, Arashi, Mangel Halto y Baby Beach

ORANJESTAD - Cu otorgamento di trabounan di construccion na 3 compania local pa mehora calidad na Arashi, Mangel Halto y Baby Beach, FDA y Gobierno di Aruba ta inverti 2.8 miyon florin den mehoracion di calidad di beachnan di Aruba. Tur beach ta publico na Aruba, pero e 3 beachnan ta hopi frecuenta pa tanto residentenan local como turistico tin mas necesidad pa un structuracion cu lo haci e experiencia na esakinan mas agradabel y alabes protehiendo naturalesa y balornan cultural.
Na september proximo caba lo por cuminsa cu e prome fase di mehoracion di calidad di beachnan di Aruba. Esaki ta encera cu na 3 beach lo cuminsa implementa principionan cual lo implementa na tur beach publico di Aruba riba termino largo. E trabounan ta encera cu na Arashi, Mangel Halto y Baby Beach, lo 1) structura acceso y parkeo, 2) embeyecemento di paisahe natural, 3) instala mas facilidad pa publico. En total gobierno, pa medio di Fondo Desaroyo Arubano lo ta invertiendo, 2.8 miyon florin pa contribui na mehora calidad di beachnan di Aruba den e prome fase.
E trabounan aki ta parti di un programa integral pa yega na un maneho di zonanan di costa. Pa esaki a inventarisa, discuti y diseña liñanan di maneho pa beach, costa y zonanan marino di Aruba, cual a envolvi hopi instancia tanto di sector priva como gubernamental.
FIRMA
Diahuebs ultimo 14 di augustus 2008, na sala di reunion di bestuurskantoor, Minister Nilo Swaen di Finansas Publico tabata e prome pa firma otorgamento di trabounan, den presencia di colega Minister Lee (Parke naturalesa/CZM) di parti di gobierno. Di parti di directiva di FDA, a firma sr. Gerardo Oduber y Glenn Thode, den presencia di Frendsel Giel y demas ehecutivonan di AIB Bank, cu ta superfisa fondonan di FDA. E contratistanan Arubaanse Wegenbouw Matschappij, MNO Vervat y Van Kessel Havenbouw, cada uno lo encarga di un beach, respectivamente, Baby Beach, Mangel Halto y Arashi.

Score: 6.0, Votes: 1

E siman aki den districto di San Nicolas y Savaneta: “Conecta cu bo Yiu”

Mon, 25 Aug 2008 15:11:00 -0700

ORANJESTAD - Departamento di Asunto Social en especial, e teamnan di districto di San Nicolas y Savaneta ta invita comunidad di Aruba pa asisti na e workshop di e proyecto “Conecta cu bo Yiu” cu ta tuma lugar dia 26 y 28 di augustus 2008.
Den e workshop aki e participantenan lo ricibi consehonan practico y alabes ta haya oportunidad pa haci nan preguntanan encuanto relacion entre mayor y yiu.
E oradornan pa e anochinan aki lo ta terapista di pareha y famia sra. Enid de Kort, e trahador pa hubentud di team di districto concerni y ortopedagogo sra. Yvonne Geerman- Bermudes.
Pa e ocasion aki lo trata temanan cu ta concerni disciplina y comunicacion. Como mayor y educador ta di suma importancia pa aplica disciplina conciente y pa mantene dominio di control propio en especial den momentonan di conflicto. Tambe lo duna consehonan con pa crea momentonan pa conecta cu bo yiu den cual comunicacion y relacion entre mayor y yiu ta central.
Ser mayor pa un gran parti ta tuma lugar den un forma natural basa riba e amor y intuicion. Sinembargo e bida a bira mas complica cu consequencia cu educacion di un yiu ta exihi mas abilidadnan di e mayor.
E workshop aki ta brinda e oportunidad na e participante pa enrikese su conocemento y abilidadnan pa asina e por sigui desaroya su mes como persona y como mayor. Entrada ta completamente gratis.
E fechanan y lugar pa cada districto ta: Dia 26 di augustus 2008 “Conecta cu bo Yiu” pa districto di San Nicolas ta tuma lugar na EPB San Nicolas di 7or pa 9.30 di anochi.
Dia 28 di augustus 2008 “ Conecta cu bo Yiu” pa districto di Savaneta ta tuma lugar Cas Marie di 7or pa 9.30 di anochi.

Score: 6.0, Votes: 1

Resultado di promer rond di torneo di ajedrez “Antraco-Wewe Croes 2008”

Mon, 25 Aug 2008 15:10:23 -0700

ORANJESTAD- Diahuebs cu a pasa a tuma lugar e promer rond di torneo di ajedrez “Antraco-Wewe Croes”
E torneo aki ta wordo gesponsord door di Antraco Group Aruba
Un total di 10 persona a presenta pa e promer rond.
E resultado ta como lo siguiente:
Osh Lopez a gana di Alvin Howell, Rigoberto Tromp y Chelo Pesqueira a empata. Ferry Gerard a gana di Paul Bouts, Debutante Zaily Arbona a perde di Octavio Croes y Axl Vinck tabata tin un wega practicamente gana contra Chester Berkel, pero su cellular a zona, y segun regla nobo di ajedrez el a perde su wega.
Diahuebs awor tin e siguiente weganan programma
Na borchi 1, Octavio Croes lo enfrenta Osh Lopez. Borchi 2: Chester Berkel contra Ferry Gerard, Borchi 3, Jose Pesqueira contra Zaily Arbona, borchi 4, Alvin Howell contra Rigoberto Tromp y borchi 5, Paul Bouts contra Axl Vinck.
Algun hungador cu no por a participa na e promer rond, ya a laga sa kaba cu nan lo ta presente pa e segundo rond.
Si abo tambe a haja bo mes stroba, bini na club diahuebs awor pa 08:15 di anochi pa participa na e segundo rond.
Nos club ta situa na Nieuwstraat 11, patras di Acme Store na Playa.

Score: 6.0, Votes: 1

“Income & Expenditure Survey” di CBS ta confirma

Mon, 25 Aug 2008 15:08:28 -0700

Segun lider di AVP, mr. Mike Eman: Tur hende a bai atras y recuperacion di poder di compra ta un prioridad

ORANJESTAD - Lider di AVP, mr. Mike Eman a analysa e raport cu recientemente CBS a publica basa riba un investigacion cu nan a haci di entrada y gastonan di personanan na Aruba. Mr. Mike Eman ta splica cu CBS a entrevista un cantidad di 2294 persona (817 cas/famia) pa por haya un bista representativo di desaroyo di entrada y gastonan di personanan na Aruba.
Eman ta bisa cu e resultado di e investigacion aki ta confirma un preocupacion grandi cu AVP ta mirando den comunidad: tur hende a bai hopi atras den poder di compra. Rico, clase mediano y pober, tur hende a perde parti grandi di su poder di compra. E rapport di CBS ta compara su cifranan di 2006 cu esnan di un estudio similar haci na 1998. Ora mira e comparacion aki ta mira cu compara cu 1998 personanan na Aruba a bai atras den poder di compra drasticamente. Un persona den escala di salario di Afl. 3700,== pa luna a bai atras cu 11.9%, un persona cu un entrada mensual di Afl. 2500,== a bai atras cu 16%, un persona cu un salario di Afl. 1400,== (na 2006) a bai atras cu 17% y un persona cu ta cai bao di Afl. 1.000,== (por ehempel: pensionado soltero of onderstand) a bai atras cu 28.5%.
E lider di AVP, mr. Mike Eman ta bisa cu e cifranan aki ta dramatico, pasobra apesar cu e estudio aki a worde publica awor e “budgetonderzoek” aki a worde haci na 2006 promer cu introduccion di BBO cu a causa un inflacion di 10.2% na 2007 y ta siguiendo den e mesun rumbo (Juli 2008 nos ta na 6.1% caba).

Score: 6.0, Votes: 1

Despues di control sorpresivo di asuntonan financiero; Director di American Airlines a bandona su oficina sin ningun aviso na tr

Mon, 25 Aug 2008 15:07:46 -0700

ORANJESTAD- E ultimo “financial audit” a tuma lugar na 2007 y e siguiente tabata programa pa tuma lugar na 2009, manera ta e tradicion pero siman pasa di repente varios oficial di American Airlines di Merca a presenta na Aruba, pa efectua algun control den bukinan di e compania.
Un oficial di HR di Miami y otro di Dallas a presenta na Aruba y a efectua un control di bukinan di e compania y diabierna ultimo a bandona Aruba un biaha mas rumbo pa Merca.
Diabierna anochi e directdor di American Airlines na Aruba, esta sra Innek Lampe, a presenta na su oficina na aeropuerto internacional Reina Beatrix y a piki tur su pertenencianan personal y a bandona pia di trabou sin avisa su trahadornan algo.
Tur cos ta indica cu e no ta trahando mas, sea cu e ta riba un suspension di parti di e compania madre of e mes lo a dicidi cu e no ta traha mas pero te na ciere di e edicion aki, no por a confirma kico ta e situacion.
Awe mainta trahadornan a presenta na pia di trabou sin sa kico ta pasando y den curso di awe nan ta spera di haya contacto cu oficinanan na Merca, pa asina keda determina kico ta pasa of si tin oficialnan di Merca cu lo bin Aruba pa atende cu e situacion.
Loke si a keda confirma ta cu e control di finanza ta tuma lugar cada dos aña pero siman pasa di repente e dos oficialnan di Merca a yega Aruba pa efectua un control, principalmente pa e experto di Dallas, sin cu a duna previo aviso cu nan lo bin pa haci esaki.
E motibo di e control aki no ta conoci y ta un control cu a tuma lugar dos dia sigui, mientras cu e mesun anochi cu e hendenan aki a caba di efectua e control aki, sra Lampe a piki su pertencianan personal y a bandona su oficina na aeropuerto.

Score: 6.0, Votes: 1

Carmelita Haynes di AVP; Ken ta responsabel pa placanana malgasta den gobierno??

Sat, 23 Aug 2008 18:11:56 -0700

‏

ORANJESTAD- Den ultimo dianan pueblo por a ripara con un gobierno sin vision ta malgasta placa di pueblo y escusanan hopi fofo pa justifica esaki.
E asunto di sleeping police ta algo cu hopi hende no por caba di compronde.
Si e sleeping policenan a yega Aruba mester ta tin tin un plan den lugar caba na unda ta bai pone nan y con lo a hasi esaki. A warda pa un accidente pasa y un minister cu tawata cu vakantie pa di un dia pa otro pone esakinan tur caminda cu permiso di e minister suplente.
Unda e planificacion tawata pa unda pone e sleeping policenan. Ken mester a pone nan
Ken ta encarga pa determina con largo esaki mester tawata y con halto nan mester ta??
Tur esakinan ta preguntanan cu pueblo ta hasi pasobra ta imposibel mira e incapacidad di e gobierno aki pa hasi algo coordina.
Esun cu a popne esaki awor a gana placa poniendo nan , a gana placa kitando e sl;eeping policenan y awor atrobe ta bai gana placa poniendo nan un biaha mas. Y pueblo ta sigui sufri.
Cu e sleeping policenan mester bin banda di scolnan mi ta completamente di acuerdo pero ta pesey nos tin expertonan na DOW toch. Di con no a envolvi y pidi conseho di e expertonan aki pa cu e sleeping policenan. Nos tin un gobierno den islanan chikitop riba nos isla chikito. Y durante di e 7 anja di gobernashon nos a mira con e islanan aki ta contradeci otro. warda pa un bai afo of bai cu vakantie pa probecha di e cartera di otro . Imposibel pa kere cu den anja 2008 esaki ta pasa na nos isla.
Scolnan a cuminsa y ainda na varios caminda nos ta mira camindanan den mal estado. Di anja pasa mi habitantenan di Caya Jose geerman Geerman ta pidi un recap di e caminda aki. Un di e camindanan principal na San Nicolas. Te awe nada. Vakantie a bin y vakantie a bai y ainda e caminda aki ta den mal estado. Kiko ta warda pa algo pasa pa dreche. Otro caminda cu tawta den bon estado a wordo drecha pero ta paarce cu ora ta trata di camindanan den cierto barionan mester warda mas tanto.

Score: 6.0, Votes: 1

Programa “Chat cu ….. Mente Positivo “ cu e temanan Comunicacion y Motivacion

Sat, 23 Aug 2008 18:11:23 -0700

ORANJESTAD- E Remanan cu lo ser trata e siman aki den e Programma “Chat cu …mente positivo” lo ta Comunicion y Motivacion.
Manera ta conoci e programma “Chat cu … mente positivo” ta pasa tur dialuna anochi pa 9:00 na Tele-Aruba y ta consisti di diferente edicionnan cu temanan y topiconan di positivismo pa yuda cada ser humano y humandidad den su totalidad pa yega na solucionnan y resultadonan cu lo trece felicidad pa cada ser den nan bida.
“Chat cu ….. mente positivo” ta trata atraves di dialogonan positivo y forumnan pa juda, guia y motiva tur ser humano con pa usa e poder di nan mente.
E siman aki e temanan Comunicacion y Motivacion lo ta e puntonan central di e programma, unda e presentadornan Sra. Belquis Moreu; Sra. Sharon Alexander y Sra. Veronie Fingal lo dialoga y comparti informacionnan valioso cu ta toka cada ser humano, di chikito te grandi.
Comunicacion, un tema, un acto asina importante den bida di cada ser humano, cu tin su normanan, su consecuencianan y balor pa cada sector di henter un comunidad y humanidad.
Y e tema di Motivacion cu ta un factor principal den desarollo pa/cu e cambionan den bo bida diario cu lo ta basa ariba productividad, prosperidad y felicidad.
Ambos tema lo ta relaciona cu e uso di bo mente humano. Un invitacion ta bai na henter e comunidad di Aruba pa presencia e programa “Chat cu ….. mente positivo”, dialuna awor pa 9:00 di anochi na Canal 13.

Score: 6.0, Votes: 1

Informacion di Universidad di Aruba ; Inscripcion pa Facultad Huridico ta sera dia 1 di September 2008

Sat, 23 Aug 2008 18:11:04 -0700

ORANJESTAD - Universidad di Aruba ta informa cu e inscripcion pa studiantenan pa Facultad Financiero Economico (FEF) y e Facultad di Hospitalidad y Turismo (FHTMS)a sera.
Inscripcion pa Facultad Huridico ta sera dia 1 di September 2008. Motibo pa sera e inscripcion ta, cu e sesionan di Facultad di Hospitalidad y Turismo (FHTMS) a cuminsa caba y esnan di Facultad Financiero Economico (FEF) y Facultad Huridico (FdR) lo inicia dia 1 di September benidero.
Ademas Universidad a alcansa un cantidad grandi di 85 studiante pa FEF y Universidad kier garantisa tur studiante di suficiente atencion personal.
Universidad di Aruba ta desea tur studiante hopi exito den nan carera estudiantil.

Score: 5.0, Votes: 1

“Conecta cu bo Yiu”; Siman cu ta bin den districto di San Nicolas y Savaneta

Sat, 23 Aug 2008 18:10:14 -0700

ORANJESTAD- Departamento di Asunto Social en especial, e teamnan di districto di San Nicolas y Savaneta ta invita comunidad di Aruba pa asisti na e workshop di e proyecto “Conecta cu bo Yiu” cu ta tuma lugar dia 26 y 28 di augustus 2008.
Den e workshop aki e participantenan lo ricibi consehonan practico y alabes ta haya oportunidad pa haci nan preguntanan encuanto relacion entre mayor y yiu.
E oradornan pa e anochinan aki lo ta terapista di pareha y famia sra. Enid de Kort, e trahador pa hubentud di team di districto concerni y ortopedagogo sra. Yvonne Geerman- Bermudes.
Pa e ocasion aki lo trata temanan cu ta concerni disciplina y comunicacion. Como mayor y educador ta di suma importancia pa aplica disciplina conciente y pa mantene dominio di control propio en especial den momentonan di conflicto.
Tambe lo duna consehonan con pa crea momentonan pa conecta cu bo yiu den cual comunicacion y relacion entre mayor y yiu ta central.
Ser mayor pa un gran parti ta tuma lugar den un forma natural basa riba e amor y intuicion. Sinembargo e bida a bira mas complica cu consequencia cu educacion di un yiu ta exihi mas abilidadnan di e mayor.
E workshop aki ta brinda e oportunidad na e participante pa enrikese su conocemento y abilidadnan pa asina e por sigui desaroya su mes como persona y como mayor.
Entrada ta completamente gratis.

Score: 6.0, Votes: 1

Lotto pa Deporte ta den proceso di restructuracion Un Lotto progresando!!!!

Fri, 22 Aug 2008 18:31:07 -0700

ORANJESTAD- Lotto pa Deporte ta desea di aclarea cierto rumornan incorecto cu ta circulando rond. Recientemente bestuur di Lotto a dicidi pa laga haci un control y audit interno den Lotto cual ta algo masha normal den tur compania transparente. E control den Lotto ta pa aclarea un que otro. Asina cu e control termina, e resultado lo wordo presenta na bestuur cual lo mester atende cu esaki na e manera apropia.
Enberdad Lotto a tuma nota cu cu Sr. Dochi Lee a pidi su retiro di bestuur, pero esaki no tin nada di haber cu locual ta tumando lugar, esta e control y audit, pero mas bien un decisión personal cual mester wordo respeta.
Restructuracion:
Alaves Lotto ta informa cu e fundación ta pasando den un proceso di restructuración pa cual ta bay amplia y splica un poco di e cambionan interno. No obstante cu masha hopi hende casi tur dia ta gana premionan gordo di cualkier producto di Lotto pa Deporte unda tur ta cobrando nan cheque garantiza, Lotto ta inverti tambe di acuerdo cu su statuto den Deporte, Cultura y su facilidadnan deportivo.
Durante e proceso di restructuracion a tuma nota cu tin hopi speculacion incorecto ta wordo publica. E proceso di restructuracion a tene debido cuenta cu raportnan y consehonan di companianan di accountant profesional y cu tin hopi experencia riba e tereno aki. Comoquiera cu Lotto desde 2001 a cuminsa crese cu pasonan gigantesco, mester a ahusta e sistema di operación y admistracion.
A introduci un departamento cu nunca antes Lotto tabata conose esta e departamento di Human Resources y tambe mas despues a inclui un internal auditor kende mester percura pa e control debido den e Fundacion. Lotto a introduci un Business Development team kendenan tin contacto estrecho awor cu tur rebendedor y ta brindando un servicio incomparabel. A inicia pa skirbi y documenta tur proceduranan y procesonan den e compania. Un ehempel ta ora un recibo drenta Lotto te ora cu pago tuma lugar, tin un proceso y procedura awor documenta con esaki tin di tuma lugar y door di cuanto control esaki mester pasa promer cu bay over na pago.

Score: 6.0, Votes: 1

Unico solucion a corto plazo pa reduci gasto mensual ta di reduci consumo

Fri, 22 Aug 2008 18:30:46 -0700

ORANJESTAD - Gerencia N.V. ELMAR ta anuncia lo siguiente na comunidad di Aruba en general: Na inicio di Augustus nos a anuncia e aumento drastico den e “brandstofclausule” di 33,5 cent pa 38,6 cent pa cada kWh. Tambe nos a indica ariba e aumento di e consumo mensual pa motibo di e calor den lunanan nos dilanti.
Desde weekend cu a pasa nos ta experenciando dianan cu ta sumamente calor y unda hopi consumidor lo hasi uso di nan “airco” pa alivia e calor insoportabel aki. Actualmente ta yegando na nos consumidornan e recibo di luna di Juli 2008, den cual e “brandstofclausule” ta 33,5 cent pa cada kWh. E recibo di luna di Augustus, cu e “brandstof- clausule” di 38.6 cent pa kWh, lo wordo reparti na inicio di luna di September.
Por medio di e anuncio aki nos kier a pone enfasis un biaha mas ariba e hecho cu e consumidor mester cuminsa tene den consideracion cu fuera di e aumento di e “brandstofclausule” cu ta di 5 cent, tambe e consumo mensual mes lo aumenta drasticamente. Sea conciente desde awor cu e recibo di luna di Augustus 2008 lo ta mucho mas halto cu esun di Juli 2008.
E unico solucion a corto plazo pa reduci e gasto mensual aki, ta door di reduci lo mas posibel e consumo.
Informacion con pa reduci e consumo ta obtenibel na nos empresa y por medio di nos programa, conoce bo consumo, den cual nos techniconan por asisti e consumidor den cual forma por reduci e consumo.

Score: 5.0, Votes: 1