Laprensa Newspaper - Isla Riba

Ounke aeropuerto di St. Maarten lo no trese kargo ; Insel Air si ta entregá keho kontra di sospechoso den kaso di bòm falsu

Thu, 31 Jul 2008 16:36:05 -0700

PHILIPSBURG – Ofisina di Ministerio Públiko na St. Maarten a duna di konosé ayera ku gerensia di aeropuerto Princess Juliana, no ta deseá pa trese ningun kargo kontra di e hòmber yu di Kòrsou ku a hasi un anunsio di bòm falsu riba un buelo di Insel Air siman pasá. E akto di e hòmber aki a pone ku e aeropuerto di St. Maarten mester a aktivá henter nan prosedura di emergensia ku tur konsekuensia di esaki.
E fiskal na St. Maarten, Taco Stein a indiká, ku Princess Juliana International Airport Enterprises (PJIAE) awor lo kuminsá eksigí ku pasaheronan ku hasi tipo di menasanan falsu asina aki pa kubri e gastunan di e proseduranan di emergensia. Esaki sigur si e akto aki bira algu komun. “Nan a bisa mi, ku nan lo no trese kargo kontra di ningun hende, basta esaki no bira algu ku ta sosodé regularmente.”
Insel Air kende tabata transportando e sospechoso aki via di St. Maarten pa Kòrsou, si lo trese kargo kontra di e persona aki. Stein ta wardando tambe riba un rapòrt di e gastunan enbolbí pa tene e avion na tera pa hasi e investigashonnan nesesario. E sospechoso a wòrdu detené na aeropuerto i aparentemente tabata fuma.
E sospechoso lo wòrdu pèrsiguí na St. Maarten pa menasa pa kousa violensia.
E hòmber a bisa e tripulante di Insel Air, ku lo tin un kaha ku ta kontené un bòm riba e buelo i esaki a pone ku tantu e tripulashon komo aeropuerto a kai den un pániko i p’esei mester a pone tur e proseduranan di emergensia den funshon. Mester a yama polis, ambulans, bomberonan na e sitio.

Score: 6.0, Votes: 2

DP lo pidié rekonsiderá: Konfushon polítiko despues di retiro di diputado Buncamper na Sint Maarten

Thu, 19 Jun 2008 18:44:06 -0700

PHILIPSBURG / WILLEMSTAD – Diputado Maria Buncamper-Molanus a retirá ayera komo diputado (i no komo miembro di Konseho Insular di Sint Maarten) nèt promé ku e aseptá un moshon di deskonfiansa kontra dje. Sinku di e 11 miembronan di Konseho Insular mas despues a aseptá e moshon di deskonfiansa, 4 miembro a vota kontra. Sra. Buncamper-Molanus no por a vota durante e moshon komo ku reglanan ta bisa ku bo mes no por vota riba algu ku tin di aber ku bo mes. E miembro di DP-Sint Maarten Theo Heyliger no tabata presente na e reunion loke a laga su frakshon masha debilitá.
E korant The Daily Herald ta bisa den su edishon di awe ku e retiro di sra. Buncamper-Molanus tabata parse mas bien un zèt polítiko stratégiko ku un intenshon real pa bandoná e puesto. Ku e desishon pa retirá a trata di evitá ku ta pasa e moshon di deskonfiansa pero finalmente tòg a vota pa e moshon.
Lider di DP-Sint Maarten, Sarah Wescot-Williams, a bisa despues di e reunion ku e lo pidi e diputado rekonsiderá su desishon. Segun e lider polítiko, ya kaba kasá di e diputado Claudius Buncamper a renunsiá for di su posishon kontroversial na e kompania TELEM, miéntras ku e diputado tambe a renunsiá. Ku esei a surgi un situashon nobo, asina sra. Wescot-Williams a bisa. Mas aleu sra. Wescot-Williams a bisa ku e moshon tabata unu di oposishon. “E no ta nada úniko i ta pasa tur ora. Ademas e moshon a pasa komo ku National Alliance (di oposishon) tabatin mas miembro presente. Pero oposishon mester ta presente tambe ora bin ku un proposishon pa baha sra. Molanus komo miembro di Konseho Insular”, asina sra. Wescot-Williams a splika.

Score: 6.0, Votes: 2

Hóben ta pèrdè su bida den kaso di asesinato na Sint Maarten

Thu, 19 Jun 2008 18:43:30 -0700

DUTCH QUARTER – Un mucha hòmber di 14 aña di edat a pèrdè su bida den un kaso di tiramentu ku a tuma lugá ayera mèrdia na Sint Maarten. Polis a informá ku e víktima tabatin apénas 14 aña di edat i a muri na Sint Maarten Medical Center den kareda di kuartu pa tres. El a haña por lo ménos kuater bala den su pechu. Polis ta bisa ku e kaso ta relashoná ku algun motor di skuter ku a disparsé. Ta di tres kaso di asesinato di e aña aki na Sint Maarten.

Score: 3.5, Votes: 2

Pa bira pais outonomo den Reino; St. Maarten ta kontra pa pospone fecha te ku 2012 of 2013

Thu, 22 May 2008 13:48:01 -0700

WILLEMSTAD – St. Maarten lo no bai diakuerdo ku kualke proposishon ku lo pospone nan logro di bira pais outonono den Reino te ku 2012 of 2013. Esaki ta lokual Diputado di Asuntunan Konstitushonal di St. Maarten, Sarah Wescott-Williams a deklara na e korant di The Daily Herald ayera.
Diakuerdo ku Wescott-Williams, gobiernu ulandes ta tratando di pusha e fecha mas atras ku 2010 pa tantu Korsou komo St. Maarten haña nan status di pais. El a enfatisa ku si ta papiando pa no bai mas leu ku 2010 pa motibu di elekshonnan Parlamentario anto e ora ei no por papia di un fecha nobo mas leu ku 2010.
Goiernu di Ulanda ke buska konseho serka Raad van State pa kon mester transferi outoridat di Gobiernu Sentral pa e islanan prome ku e islanan individual atené nan respektivo status nobo.

Score: 5.5, Votes: 2

Gobièrnu Sentral i Kòrsou tambe tin difikultat ku Komishon Supervishon Finansiero

Thu, 17 Apr 2008 20:33:59 -0700

St. Maarten no ta aseptá pa bin kambionan djis pa sanea debe

WILLEMSTAD –Gobièrnu Sentral i Gobièrnu di Kòrsou tambe tin problema ku e Resolushon di Reino ku ta establesé Komishon di Supervishon Finansiero (CFT). “Spesífikamente e informashon ku CFT por pidi i e terminashon unilateral di e restrukturashon di debe,” asina Sarah Wescot-Williams a bisa durante un reunion di Konseho Insular na St. Maarten ayera indigná ainda ku Gobièrnu Sentral i Kòrsou ta tilda St. Maarten di tin e proseso di kambio Konstitushonal wantá.
Wescot-Williams a duna informashonnan detayá riba loke e Teritorionan Insular di Kòrsou i St. Maarten a akordá ku Ulanda den e área di ‘good corporate governance’, e manera kon kompanianan i fundashonnan di gobièrnu mester keda goberná.
E diputado di St. Maarten a bisa, ku ta kreando e impreshon eróneo ku St. Maarten ta tardando e inisio di e kanselashon di debe pa Gobièrnu Sentral i Kòrsou, pasobra St. Maarten tabata bèk riba akuerdonan riba implementashon di reglanan di bon gobernashon.
Wescot-Williams a mustra riba e hecho, ku vários polítiko di Ulanda, Kòrsou i Gobièrnu Sentral a akusá St. Maarten di ta bèk i tresiendo tardansa den e proseso.
“Sekretario di Estado ulandes, Ank Bijleveld-Schouten tambe a ekspresá su mal kontentu ku St. Maarten ta bèk awor riba asuntunan di NV nan di Gobièrnu.”

Score: 6.5, Votes: 2

Mester eksigí di Ulanda pa para tras di palabrashon di outo determinashon

Mon, 14 Apr 2008 20:35:03 -0700

Segun eks minister Leo Chance na selebrashon di 70 aña Parlamentu

PHILISBURG – Hopi tabata e krítika i reklamo i asta baimentu di vários invitadonan pa motibu di tardansa di kasi un ora na inisio di e selebrashon di 70 aña Parlamentu na St. Maarten. Un evento ku mester tabata un selebrashon históriko tabata kompañá pa hopi kara rabiá.
Na e okashon aki e eks polítiko, eks minister i eks parlamentario, Leo Chance a hiba palabra. Chance a duna un lès di historia na parlamentarionan i tambe lidernan presente.
El a yama nan presente afó pa laga Gobièrnu di Ulanda para tras di nan palabra na Nashonnan Uní ku e islanan di Antia, ya kaba tin nan derechi di outo determinashon.
Leo Chance ku tabata e orador prinsipal durante e seremonianan di 70 aña, a bisa ku si e islanan tabatin e derechi di outo determinashon, nan por a pone bon kla ku 15 di desèmber lo mester keda mantené sin nada di bisa òf interferensha di parti di Ulanda.
Su ponensianan fuerte a wòrdu risibí ku aplouso pa esnan presente, ya ku tur hende ta na altura di e plannan di Ulanda pa bai bèk riba palabrashon di e fecha fihá di 15 desèmber 2008, usando e kriteria ku algun punto no ta kedando kla, pues e islanan lo no ta kla pa e status konstitushonal nobo.

Score: 7.5, Votes: 2

Mester sigui diskutí riba 15 di desèmber 2008 ; Diputado Wescot-Williams preokupá ku ke separá saneamentu di debe for di otr

Thu, 20 Mar 2008 19:08:36 -0700

PHILIPSBURG – Diputado di Asuntunan Konstitushonal di St. Maarten, Sarah Wescot-Williams tin speransa ku diskushonnan ku Sekretario di Estado di Ulanda pa Asuntunan Konstitushonal, Ank Bijleveld-Schouten riba e fecha di 15 di desèmber lo tuma lugá na aprel. E konsulta polítiko programa ku tur partner di Reino lo keda kanselá. “Durante mi diskushonnan ku Bijleveld na Ulanda, e tambe a ekspresá su dudanan ku lo bai tin un konsulta polítiko na aprel próksimo, esaki pasobra lo no tin asuntunan kla pa tuma desishon polítiko riba nan ku eksepshon di e fecha di 15 di desèmber,” asina e diputado di St. Maarten a deklará.
Wescot-Williams a bisa Bijleveld-Schouten, ku e si ta kere ku un diskushon mester wòrdu ten’é na aprel, ounke ku lo no tuma ningun desishon. “E informashon riba e posibilidat pa logra e fecha stipulá tei i mester keda diskutí.”
Di akuerdo ku diputado Wescot-Williams, e Sekretario di Estado di Ulanda a indiká, ku ta na fabor di un diskushon asina, pero no na un nivel di konsulta polítiko. “Ban spera ku na mei un konsulta polítiko por tuma lugá,” e diputado a sigui bisa.
Pa loke ta trata e negosiashonnan ku ta andando relashoná ku e proseso di kambio konstitushonal, el a bisa ku St. Maarten ta mantené e punto di salida ku desaroyo konstitushonal ta un pakete kompleto riba kual tur partner a yega na un akuerdo riba diferente área manera finansa, hustisia i bon gobernashon, ku bista riba e kambio di status pa e diferente entidatnan.

Score: 6.0, Votes: 2

Sint Maarten ta bolbe haña “nò” di Ulanda

Fri, 14 Mar 2008 15:16:17 -0700

PHILIPSBURG / WILLEMSTAD – No opstante ku lider di DP-Sint Maarten Sarah Wescott-Williams a biaha pa Ulanda pa lòbi pa un status outónomo pa e isla, el a bolbe haña un “nò” rotundo. Ta resultá tambe ku den diferente di e komishonnan di trabou tin problema ku Sint Maarten. Promé minister Jan-Peter Balkenende ku a traha tempu speshal pa risibí sra. Wescot-Williams a ripití su punto di bista ekspresá luna pasá durante su bishita na e isla, ku sin kambionan fundamental (entre otro riba tereno di hustisia) e isla no por konta ku koperashon di Ulanda. Sra. Wescot-Williams a papia tambe ku eks-ministernan Pechtold, Remkes, Nicolaï, sekretario di estado Bijleveld i otro figuranan polítiko di mundu polítiko. LA PRENSA lo bin bèk riba e deliberashonnan aki.

Score: 5.5, Votes: 2

Di 2 mion pa presupuesto balansa: Saba mester baha su défisit di 3 aña di tempu

Wed, 12 Mar 2008 16:15:07 -0700

WILLEMSTAD - Ulanda a aprobá e promé presupuesto di e islanan BESS. Ta trata aki di e presupuesto di Saba. Ku esei, Saba a bira e promé isla tambe ku ta kumpli kabalmente ku e palabrashon hasi ku Ulanda enkuanto maneho finansiero di e isla, asina Ray Thuis, miembro di e Kolegio pa Supervishon Finansiero (Cft) a konfirmá.
E presupuesto ta kuadra ku reglanan ku nos a establesé, asina el a agregá.
Manera ta konosí, parti di e kombenio ku e islanan chikitu a sera ku Ulanda riba maneho finansiero ta ku pa nan por haña e sosten ulandes pa nan presupuesto, e presupuesto mester ta entregá na tempu i kuadra ku e filosofia ku den un periodo determiná, mester eliminá eventual défisit ku ta eksistí.
Ku esaki, manera tambe ta konosí kaba, e obligashon di gobièrnu antiano pa kumpli ku e islanan aki, atraves di un kontribushon den e Fondo di Solidaridat tambe a kaduká. Ulanda mes lo kubri e parti ei.
E presupuesto ta abarká un montante di 20 mion florin. Originalmente e montante tabata 28 mion florin, pero despues di un análisis mas kritiko, a sali na kla ku lo ta masha difísil pa e isla haña entrada na e altura ei.
E défisit ta 2 mion florin, originalmente 9 mion. Den un periodo di tres aña, mester eliminá e défisit di 2 mion aki, segun Thuis a trese dilanti.
El a mustra ku e presupuesto ta duna Saba libertat pa aktua.
Ulanda no ta preskribí na unda mester ekonomisá, unda mester kòrta, pasobra esei ta Saba mes ta determiná.

Score: 6.5, Votes: 2

Cft a aprobá presupuesto 2008 di Saba

Tue, 11 Mar 2008 19:19:25 -0700

WILLEMSTAD – E Kolegio Supervishon Finansiero (College financieel toezicht - Cft) a aprobá presupuesto 2008 di Saba. Konseho Insular di Saba a trata e presupuesto djabièrnè 7 di mart i a aprobá esaki unánimamente i sin hasi kambio na dje. Awe e Kolegio tambe a aprob’é. Awor ku e proseso aki a finalisá, e teritorio insular por bai ehekutá e presupuesto.
Ku esaki Saba ta e promé di e islanan BES (Boneiru, St. Eustatius i Saba) di kua Cft a aprobá su presupuesto. Saba a traha diligentemente, ya ku e teritorio insular aki tabata e promé tambe ku algun siman pasá a optené un konseho positivo di Cft riba su konsepto di presupuesto. Kontrali na e prosedura normal, e trayekto pa prepará e presupuesto e biaha aki a tuma lugá den e aña di e presupuesto mes, pues den e kaso aki den aña 2008. E Dekreto supervishon finansiero provishonal BES, ku ta preskribí e kuadronan dentro di kua e islanan BES por move, a keda formalisá te fin di aña pasá. Kada isla ya tabata disponé di un presupuesto ku a ser aprobá kaba dor di su Konseho Insular, pero ku ainda no tabata kumpli ku e eksigensianan di e Dekreto. Miéntras tantu e presupuesto di Saba awor si ta kumpli ku e eksigensianan aki.
Cft ta konsiderá e logro aki mashá alentador. Pa Saba esaki ta nifiká e promé paso konkreto na finansa públiko mas sano. E próksimo paso importante ta entrega di kuentanan anual 2006 i 2007, kompañá pa nan deklarashon di akountent. E informashon den e kuentanan aki lo duna indikashon fuerte di e haltura di e entrada i gastunan ku por spera riba e isla aki. E presupuesto di 2009 pues lo por ser basá riba sifranan mas real i mas resien. Aki dos luna ta kuminsá ku e promé aktividatnan rondó e preparashonnan di e konsepto di presupuesto 2009 pa tur e islanan BES.

Score: 6.5, Votes: 2

OM ta pidi diskulpa pa detenshon inhustu

Fri, 07 Mar 2008 17:17:31 -0800

WILLEMSTAD/PHILISBURG - Komunidat no sa mira e kos aki pasa, sigur no públikamente, pero e siman aki Ministerio Públiko na Sint Maarten a pidi despensa pa un vupa ku a kometé den un investigashon. Den e kaso di investigashon di un robo grandi ku a tuma lugá dia 7 di desèmber último na Aeropuerto Internashonal di Sint Maarten a detené e empleado di Gobièrnu di Sint Maarten, Tamara Bell ku ta traha na Registro Sivil di e isla. Ministerio Públiko ta bisa, ku detenshon di e dama tabata un kasi di “identidat robes”.
Den un karta pa hefe di sra. Bell, fiskal mayó Taco Stein ta apsolv’é e dama di kualke akusashon i a bisa ku outoridatnan a buska e persona robes. Sra. Bell tabata un di e hendenan interogá den e kaso di robo di mas ku 860 mil dollar na prenda. Den e kaso aki tabatin detenshonnan tambe na Kòrsou di rumannan Martines. Un di nan ta detené ainda. Sra. Bell mes a bisa, ku loke a pasa ta masha lamentabel. “Mi ta spera ku aki 5 aña nan no ta mustra dede riba mi ketu bai”, asina el a komentá. Stein a bisa, ku e investigashon ta sigui i ku por spera mas detenshon den e kaso aki.

Score: 6.5, Votes: 2

Pais Sint Maarten lo haña 7 ministerio

Thu, 28 Feb 2008 18:29:35 -0800

Si no tin koperashon monetario, Pais Sint Maarten lo opta pa dollar komo su moneda

WILLEMSTAD – Miéntras ku na Kòrsou e diskushon ta ketu bai, prinsipalmente riba e aspektonan ku tin di aber ku koperashon hudisial den e struktura nobo, na Sint Maarten nan ta sigui avansá riba e struktura nobo di e pais Outónomo den Reino i tambe diferente otro detaye importante.
Diputado di Struktura Estatal di Sint Maarten Sarah Wescot-Williams a tene un presentashon amplio pa empleadonan públiko di e isla i Gobièrnu Sentral pa asina duna nan informashon riba e plannan di Gobièrnu. Sint Maarten tin e bentaha ku e isla si a sigui traha riba su struktura nobo siendo ku Kòrsou a pèrdè 8 luna valioso aña pasá despues di e diskushonnan riba Slotverklaring.
Durante e presentashon pa empleadonan di e isla i esnan di Gobièrnu di Antia ku ta traha na Sint Maarten, sra. Wescot-Williams a bisa ku e e pais nobo lo haña 7 ministerio. E ministerionan ta Asuntunan General, Ekonomia, Labor, Edukashon/Kultura/Deporte/Asuntunan di Hubentut, Bibienda/Planifikashon Ambiental/ Medio Ambiente, Salubridat Públiko/Asuntunan Sosial i Hustisia. Mas ku 400 empleadonan a partisipá na e seshonnan aki kaminda a papia riba e kantidat di trahadó ku tabatin mester, legislashon, finansa i kon ta atendé e kambionan den e fase di transishon.
Sra. Wescot-Willliams a sigurá ku huntu ku ekspertonan manera Ludd Hakkens i Dennis Richardson lo sigui duna informashon riba e kambionan ku ta na kaminda.

Score: 7.0, Votes: 2

Yudokanan di Sint Maarten ta preparando pa nan klasifikashon pa Weganan Olímpiko

Fri, 22 Feb 2008 20:09:08 -0800

PHILIPSBURG – Durante di un reunion informal e entrenadó di Yudo di Sint Maarten, Mr. Aartwright Bell i e Sports Manager, Thakaidzwa Doran, a papia tokante di e deporte di Yudo riba e isla.
E dos personanan aki konosé otro for di den pasado, ya ku nan a traha ku otro durante di Weganan di Reino 2007.
Sr. Bell tabata e entrenadó prinsipal di Yudo i sr. Doran tabata e kordinadó di e Proyekto Weganan di Reino 2007 pa NAOC.
E dos personanan aki a keda ku kontakto ku otro di manera ku den futuro nan por traha riba un proyekto.
Na e momentu aki ámbos ta hasiendo esfuerso pa traha na interes di e deporte.
Pero e tópiko mas importante na e momentu aki ta ku sr. Bell ta preparando tres di e mihó atletanan den Yudo di Sint Maarten, ku ta Ivan Bell, Michael Bell i Denzel Levenstone, pa klasifiká pa e próksimo Weganan Olímpiko na Beijing.
E tres atletanan aki tambe a gana medayanan di oro na e último Weganan di Reino 2007 ku a tuma lugá na Ulanda aña pasá.
E siguiente torneo di klasifikashon lo tuma lugá dia 27 di mart awor na Isla di Margarita, Venezuela.
Tin un total di dieskuater pais ku te ainda tin un chèns pa gana un pasashi pa Weganan Olímpiko.
E entrenadó Bell ta bisa ku e atletanan lo hasi nan máksimo esfuerso pa haña un pasashi pa representá nan pais e verano aki.
Pero pa logra e meta aki, e ta preparando e atletanan riba e nivel di mas haltu ku ta eksistí ku ta ku bon planifikashon, tratamentu di medisina deportivo i ku mihó suplementonan di nutrishon.

Score: 7.0, Votes: 1

Segun National Alliance: Lo wanta ku nombramentu di un hende di afó pa manehá Polis di St. Maarten

Mon, 18 Feb 2008 17:53:05 -0800

WILLEMSTAD – E futuro di Kuerpo Polisial di St. Maarten mester keda diskutí ku lidernan di e isla, asina e lider di National Alliance i Parlamentario, William Marlin a trese dilanti serka partnernan di koalishon durante e reunion di siman pasá.
Manera LA PRENSA a informá siman pasá, e partido di koalishon di Sint Maarten na nivel sentral, National Alliance, a pidi un reunion di koalishon pa atendé e desaroyonan rondó di detenshon di (eks) Komisario di Polis Derrick Holiday.
Marlin ta bisa ku e asuntu aki no ta niun tiki diferente for di e responsabilidat pa krea un propio Büró di Telekomunikashon, Banko di Seguro Sosial i Fondo di Penshun. Di akuerdo ku e komunikado ku Marlin a emití, minister di Hustisia, David Dick i otro miembronan di koalishon a bai di akuerdo ku e responsabilidat pa krea e pais nobo di St. Maarten ta den man di lidernan di St. Maarten i no den man di Gobièrnu Sentral òf ningun otro gobièrnu òf entidat.
Riba e punto di trese un persona for di Ulanda òf for di kualke otro pais pa manehá Kuerpo Polisial di St. Maarten, Marlin a bisa ku esei no ta aseptabel. El a rekonfirmá su pensamentu, ku tin un diferensha fundamental ora ku ta trese un hende di afó pa yuda, ku ora ta trese un hende di afó pa bin manehá.
Minister Dick ta dispuesto pa tende kiko e lidernan di St. Maarten ke. E minister di hustisia a primintí ku e lo no bai nombra un hende di afó i lo tene konsulta ku partidonan di St. Maarten pa disidí kon lo sigui den futuro.

Score: 6.0, Votes: 1

Kriminalidat ta terorisá parti franses St. Maarten

Fri, 15 Feb 2008 20:13:48 -0800

WILLEMSTAD/MARIGOT – Aktividatnan kriminal a subi ku 27.3% den 2007 kompará ku un aña anterior, miéntras krímen en general na e parti franses di St. Maarten i St. Barths a subi ku 22%. Na 2007 tabatin un kantidat di 1.911 krímen kometé kontra públiko na St. Maarten franses kompará ku 1.501 na 2006.
E rapòrt ta mustra un subida na kuminsamentu di 2007, pero tambe ku e sifranan a drecha segun aña tabata kabando. Un di e motibunan ta e introdukshon di èkstra ofisialnan di Gendarmes. Krímen a baha dor di esaki den novèmber 2007 ku 13.4% kompará ku e mesun periodo den 2006 i ku 8.86% den desèmber 2007 kompará ku desèmber 2006.
Gendarmerie a detené 478 persona na 2007 kompará ku 386 un aña promé. Di e kantidat akí a sentensiá 92 kompará ku 60 na 2006. E kantidat di atrakonan armá a keda meskos, si kompará e 53 kasonan den 2007 kompará ku e 54 kasonan den 2006. Sin embargo ladronisia ku violensia sin arma a subi te ku 130 kompará ku 71 un aña anterior. Kasonan di ladronisia den kas a baha di 504 insidente na 2007 kompará ku 418 na 2006. Robo di tas si a subi leve kompará ku e 129 kasonan na 2007 i e 123 kasonan den 2006.
Un di e aspektonan di krímen masha prometedor ta e bahada kontinuo di ladronisia di outo kada luna, ku un diferensia di 45 den yüni 2007 te ku 12 den desèmber 2007. Kapitan Stéphane Aurousseau a informá ku un tim spesial di investigashon a konsentrá riba ladronisia di outo a kuminsá operá den ougùstùs 2007 i tabata responsabel pa e bahada. Menornan di edat ku tabata sospechá di ta envolví den krímen i a detené pa interogashon, a subi te 138 kompará ku 99 na 2006.

Score: 5.0, Votes: 1